كيف اخلي زوجي يعتني بنظافة فمه ؟!!

يا بنات تكفون ردوا !!!!!

انا اعاني من عدم تقبُّل لزوجي لدرجة افكر في الطلاق
رغم انه طيب ويحبني وما يقصر في شي
لكن الي زاد المشكلة ، ان ريحة فمه سيئة لأنه ما ينظف اسنانه زين.. يعني ينظف اسنانه بس ما ينظف اللسان ولا يستخدم خيط اسنان
بعدين لاحظ ان عندي اداة لتنظيف اللسان وسالني عنها بعدين قال يع كيف تدخلينها على لسانك !
قلت له لازم اللسان يتنظف وشرحت له على امل يتعلم ويستخدمها ، بس بدون فايدة ، ومره سالته اذا يستخدم خيط اسنان قال ما يقدر لانه مركب زي التقويم واصلا ما منه فايدة ، قلت طيب شيله عشان تقدر تستخدم الخيط ! لكن رفض
واخر مره قرب مني وصرت الف وجهي ف سالني ريحة فمي سيئة تبغيني افرش ، قلت ايه ورجعت مره ثانيه لمحت له انه لازم ينظف اللسان مو بس الاسنان لكن بلا فايدة


بنات انا قرفت صار عندي نفور زيادة ، هذا وهو تونا متزوجين المفروض يهتم !
واخاف اقول له بشكل مباشر ويكون اسلوبي وقح لان اعرف نفسي اسلوبي جدا صريح وجاف عشان كذا مابغا اجرحه
ومع العلم مرات قليل جاني وفمه نظيف لقيت نفسي متقبلته وتفاعلت معه.
مرات احس سبب النفور الي احسه بسبب ريحة الفم فقط وليس اسباب اخرى كما انا متصورة.