كيف اخلي شخصيتي سوية

هاي بنات كيفكم اليوم بسالكم عن حالي وابغى منكم حلول عشان اقوي شخصيتي او اني اكون احسن من كدة شوفو انا وحدة مررررة خجولة استحي وايد بالاخص من اهل زوجي مدري لي احس اني مااعرف اتصرف ادا رحت عندهم انا ام زوجي جارتي بنفس العمارة وهي ماشاء الله عليها مرة طيبة بس انا استحي منها لاني احس اني كل مامريت من جمبها طالعتلي من فوق لتحت وادا ابغى اسوي شي تقعد تعلمني وكدة كانها تحسبني طفلة وادا جا عندي ضيوف تقوم هي تتصرف على اساس اني مااعرف اسوي شي وكلش دا الشي مااحبو فيها مع انها على نياتها تكون بس انا ارتبك كدة لمن تيجي تساعدني تقولي هدا كدة وهدا مو كدة وكمان في نفس الوقت ادا هي جا عندها ضيوف مااعرف لتصرف لانو هي عندها شغالة هي تطبخ وتسوي كل شي اوكي انا اجيب معي طبعا صحن حلا بس المشكلة مو هنا المشكلة وقت المباشر ابي اساعدها بشي بس مالقى شي اسوي بقدم العصير بنتها تقدمو قبلي اصب قهوة مااعرف اصب بالوقت المناسب استناها تصب اول فنجان بعدين اكمل الباقي او اني اوزع الحلا يعني كلش احس اني مرتبكة وطبعا الشي يعني مدري كيف اكون قوية واعرف اتصرف بنفسي واعمل كل شي واخليهم يعتمدو عليا الشي التاني انا كل ماروح عند اهل زوجي اقعد ساكتة مااتكلم ولا كلمة لو جلست عند الحريم يقولون لي روحي عند البنات عشان اخد راحتي وانا بصراحة مااحب اقعد عند البنات اصلا هما مايدوني وجه وشخصيتهم ابدا ماتناسب شخصيتي والله مدري انا صرت من يوم مااسمع انو في ضيوف بيجو اشيل هم مرة احس انو اليوم الي بروح في عند الضيوف بضيع وقتي كلو وماستفيد شي من يومي ايش رايكم ابغى منكم تدوني حلول تقوي من شخصيتي وتخليني رزينة واعرف اتصرف جزاكم الله خير