كيف اخلي عيالي يحبون بعض؟؟؟؟؟؟؟؟

اناأعاني من نفس المشكله ..:( :(

يالت الاخوات يفيدونا في تجاربهم..

اعتقد طبيعي الاخوان يتضاربون .. اذكر مره عيال جيرانا كانوا يتضاربون على الغداء -و ماشاء الله كبار عمارهم بين 17 و 22- بنت و ولدين .. من قهر ابوهم رماهم براس الذبيحه .. و مره رماهم بالملاس
اول شي فهميهم انهم عايله وحده .. و اهمية العايله المترابطه
قوليلهم ان كل واحد منهم له دور في العايله ، و تأثير على كل اخو و اخت
الله ما خلقنا الا لسبب
لازم يكون في نظام في البيت
شجعيهم ما يخلون شي في خاطرهم .. اي واحد عنده شي يقوله ، خله يقوله على طول و لا يخبي في قلبه .. و تتراكم الغيره او المشاعر السلبيه .. و تعرفين ها الاشياء شو تسوي -تخلي الاخوان يستفزون بعض-
عند الكلام .. لازم بالدور و كل واحد يحترم الثاني و ما يقاطعه .. و اسمعيهم كلهم بدون استثناء
اذا في مشاكل خليهم يعطونج حلول من وجهة نظرهم
اذا صارت معركه قوليلهم تعالو شو عندكم ياللا نحل الخلاف
المشاركه .. اذا واحد عنده شي ، خله يشارك اخوانه .. و خل الباقيين يفهمون انه ها الشي ملك اخوهم و هم لازم يقدرون مشاركته الهم
كلميهم عن اهمية التسامح
خليهم يسوولج قائمة بالاشياء الي ممكن تحسن علاقتهم ببعض و شو متطلباتهم منج
ببساطة حسسيهم انهم مهمين .. و وضحيلهم اهمية كل واحج للثاني

جزاك الله خير
مدام جوري

السلام عليكم


من الأشياء اللي تخلي قلوبهم على بعض

لا تعملي مقارنات بينهم !!!!!!!!!!!!!!!!!!! مهههم جدااا
أحمد ياليلى أحسن منك بيحفظ درسه بسرعه ++++

ليلى يا أحمد حلوه ومرتبه وأنت ملابسك ريحتها موحلوه +++

ترى كل واحد له شخصيته المستقله نبهيهم لخطأهم لكن بدون ماتدخلي مقارنه مع اللي أفضل منهم
قولي له ليش يا أحمد كذا ملابسك أنت بالعاده تكون أحسن من كذا
دايما متعوده اني أشوفك مرتب وريحتك حلوه

يعني خلي كلامك فيه هو فقط !!

-------------------
اذا تخاصمو (( وكل الأخوان بيتخاصمو )) تعالي عندهم
وقولي تخيل يا أحمد لو ماعندك اخوان !!!حتجلس لوحدك ماتلعب مع أحد وما تسولف مع أحد

اذارسمتي هالقصه وحبكتيها زيين بيعيش معك جو وبينتبه لأهمية اخواته واخوانه بحياته

------------------------
العدل .. العدل.. العدل
في كل شيء
بالعواطف
بالحنان
بالعطاء

=========
هذا اللي ببالي الحين

والله يصلح لنا أبنائنا جميعا يارب

كل الصغار يتهاوشون

اذكر انا واخوي يوم كنا صغار ( فرق العمر بينا 3 سنوات) والله كنا نضرب بعض ضرب مو طبيعي وكله هواش وصياح لحد مرحلة المراهقه تقريبا لو اقولج شنسوي في بعض ماتصدقين وانا لاني الكبيره وهو الصغير كنت كله احس اني مااحبه واكرهه لانه ولد وطلباته مجابه ...

بس طبعا بعد ماكبرنا وعقلنا وعدينا مرحلة المراهقه علاقتنا من اجمل مايكون وهو ماشاءالله مايقصر معاي في شي وانا دايما اسمع له لي جا يشكي لي من شي

يعني عادي لاتحاتين فترة وتعدي .. ومثل ماقالوا خواتي اهم شي العدل ترى والله الطفل حساس ويحس اذا تفضلين الولد على البنت .. وانا يوم صغيره كنت احس بهالشي وايد .. بس بعد ماكبرت تعدلت الفكره واكتشفت اني كنت ابالغ حبتين :)