تأسيس الطفل مو شي سهل تتوقعين تشوفين نتائجه من اول اسبوع
بالذات اذا الطفل مو راعي دراسة ومتعب
انا معاك طولي بالك عليه تماما ولازم وقت الدرس ما يكون فيه أي اجهزة شغالة
الشاشه الايباد الجوال الكمبيوتر
فهميه ما فيه أي شي للعب وقت الدراسة الين يخلص واجباته
كرري معاه
كل ام لازم تفهم متى وقت التعب عند طفلها ومتى وقت الاستيعاب ولا تقيسين طفلك زي الباقين اكتشفت ان لكل طفل وقت معين ممكن تتحصلين منه على الطاقة كامله منه وبعدها بساعتين او ثلاث والله لو تجيبين له عصفور وتقولين هذي بقره قال صح من كثر ماهو مفهي
فمع كلام مع كثير من الامهات
بعضهم يلاقون هذا الوقت بعد ما يوصل من الدوام ويرتاح وينام ساعة ويتغدى
وبعضهم يكون متعب معهم لو سوو معه هذا الجدول يلاقون صعوبة في ادخاله في جو الدراسة فما بالك بالتحصيل


وفيه ناس يلاقونه بعد وصوله من المدرسة بعد ما يجلس معك ربع ساعة وممكن ياكل فواكه او أي شي خفيف عشان ما يترك الغداء
تبدين معاه الدراسة لانه لسا طالع من المدرسة وللحين في الجو فمريح لبعض الاطفال الانتهاء من الواجبات بعد شوي راحه مو زايده عن الحد
وما يجي العصر الا وهو خلاص مخلص الواجبات تتفرغين له باللعب والجلسة العائلية
واشوف امهات يخلون الطفل ينام طوال الظهر والعصر ويصحى معهم الين 11 و12
وصراحه ما ادري وش الوقت اللي يدرسون عيالهم فيه لاني شخصيا ضد هذا الشي ومع ان الطفل من حقه ينام الليل كله ويستفيد من فوائد النوم المبكر والاستيقاظ وعشان ما يجلس شارد و ينام في الفصل
لان اغلب الاطفال اللي يشكون من نومهم في الفصول والشرود يكون نومهم غلط بالليل
انت ضبطي جدوله
وركزي على التكرار
جيبي سبورة وفهميه
وارجعي فهميه
وارجعي فهميه وعيدي عليه
الاملاء ركزي عليه
خليه يقرأ القراءة تزيد من قاموسه اللغوي وايضا تساعده في استيعاب الجمل وكيفية القراءة وايضا الاملاء مع الوقت
ابتدي معها بالكتب البسيطة اللغة + المفروض من عمر اصغر خليتي له علاقة مع الكتاب عشان يتعود يمسكه
القراءة قبل النوم تقليد يعطي طفلك وقت معاك
وايضا يعطيه الخيال والمعلومات الجميلة في الكتب وايضا يقوم تصرفاته في بعض الكتب
وفكري اليوم انك راح تبتدين مع ابنك صفحة جديدة ومنت مستعجلة على النتائج اهم شي فائدة طفلك
ولا تضغطين على نفسك وتتوترين
وانتبهي من الاجهزة زي الايباد وبعض الالعاب تقلل من التركيز عندهم واحسهم يقفل مخهم بعدها

لازم لازم تعرفين المهاره المطلوبه منه في الدرس عشان تركزين عليها ويتقنها لو حفظتيه الكتاب كله ومااتقن المهاره اللي عنده مايجتاز .
مثلا بنتي عندها مهارة اللام القمريه والشمسيه اركز لها على هذه المهاره في القراءه وفي الاملاء والكتابه ...
فا انت شوفي ايش المهاره المطلوبه وركزي عليها

عزيزتي اشتري له سي دي الاسطوره للاستاذ غانم الحارثي بيستفيد منه كثير وبنفس الوقت ممتع جدا... وحاولي اي كتابه تشوفيه بأي مكان اسأليه عن حروف الكلمات.. واذا مستواه معاك غير عن مستواه عند الاستاذ تواصلوا مع الاستاذ علشان تتوصلوا للمشكله وتحلوها..

طيب هو اجتاز . ولا غير مجتاز.
وبعدين اذا ولدك فاهم ويمشي معك ويتجاوب صح.
ماعليك من المدرس ... لانه بعض المدرسين متشددين يبغون الطلاب يجون فاهمين وشاطرين من اهلهم عشان ما يتعبون بتدريسهم. وينجحون عشان مايكون عندهم رسوب بالفصل ويحاسبهم المدير..
ف انتي عطي ولدك ودرسيه بالمعقول ولا تشدين عليه...

حلو الله يسعدكم