كيف ادهن غرفة >>سؤال للخبيرات

ماعندي فكرة
لكن للرفع وان شاء الله مايقصروا الاخوات معاكي

ابحثي ف قووقل مقاطع يوتيوب

من اول ودي اتعلم واجرب بغرفة عيالي :)


ان شاء الله نلقا من يعلمنا

تسلمووووون 😘🌹

اقول لك تجربتي ياعسل
روحي دهانات الجزيره واسالي العمل كم يكفيك جك دهان وافضل نوع
بلاستيك نص لمعه
لانه ينشف بسرعه وخذي لزق عشان تغطين فيها الافياش وحواف الباب والدرايش
وخذي روله مع العصى تبعها وخذي اكياس تحصلينها عندهم كبيره عشان تغطين فيها الارض

طيب ياعسل هذه الاغراض اللي راح تحتاجينها
والحين نبدا في الشغل امسحي الجدار اول خطوه بفوطه عشان الغبار
وجيبي الدهان واسالي المحل كم نسبة المويه عليه اذا كان بلاستيك
وابدي لزقي اللزق على الافياش واحواف الابواب والدرايش وحواف السقف عشان ما يتوسخ
وافرشي الارض بالبلاستيك وابدي غمسي الروله وادهني من فوق لتحت ادهني جدار كامل
وانتقلي للي بعده وفي هالوقت الجدار اللي دهنتيه بينشف وبتلقينه مبقع اذا نشف ارجعي عيدي عليه وجه ثاني وممكن وجه ثالث اللين تحسينه اتوحد
وسلامتك ياعسل واي مساعده انا حاضره بس عالخاص لاني ممكن مارجع للموضوع