كيف اراضيه

كيفكم بنات وشخبارك عسى الجميع بخير


بدخل بموضوعي على طول00 انا اختلفت انا وزوجي البارح والسبة اهله00
هم ثلاث اخوان وثلاث خوات وكلهم متزوجين وزوجي اضعف راتب فيهم00 والباقيين رواتبهم ضعفه هذا شي الشي الثاني احنا عايشين مع امه 00 هي طيبه بس تدخل بكل طلعة لنا
وين راييحيين وليه رايحيين00 يعني ودي اسمعها تقول مثل امي لما تقول لزوجات اخواني اطلعوا انبسطوا طبعا كنت اسمع هالشي بداية زواجنا بس الحين مافي امل00

وطول الوقت تبغاني مقابلتها وكل محد جاهم لازم اقابله00 بس ما اترزز عند اي احد وبالذات لما يجون رجال هم عادي يلبسون عباة ويقعدون انا ما احبهم فاطنش وما اطلع من غرفتي

المهم نرجع للموضوع الرئيسي انا قمت اسولف من حرتي بكل شي00 زوجي اضعف راتب واخوه يبيه يوقع له بورقة عشان يقدم على شقة ببلاش اذا كان الراتب ضعيف يعني فيه واحد من جماعتهم مسوي شقق مجانية للي رواتبهم ضعيفه بس اهم شي يجيبون تعريف بالراتب واخوه يبي ياخذ الشقة له على الرغم ان راتبه كويس وهو ساكن الحين بشقة هو وعياله00 وزوجته تدرس دورات على تسع الالاف00 ويقول انا مديون00

انا قلت له خل اخوك يجي عند امك واحنا نطلع زعل مني وغير كذا طول الوقت يعطي اخوه فلوس لانه يقول مديون00 والله العظيم انهم ياكلون احس من اكلنا واثاثهم احسن مننا وربي انا تزوجت ولا جابولي شي جديد قلت معليه احنا شاريين رجال00

عمري مادخلت السوبر ماركت وقضيت بكيفي كل اللي ابغاه00

بالله ايش رايكم من احق بالشقة جاوبوني:(

المهم يوم جا ينام قمت انا غلطت وقلت له نومة بلا قعده