كيف اربي بنتي (ام سنة ونص) تربية صحيحة...

فيه كتاب رائع عن كيفيه تعاملك مع طفلك حتى يتخلص من العادات السيئه

المشكله اني في بيت اهلي والكتاب ببيت يومايحضرني اسمه ان شاء الله بكره اتذكر وارسلك اسمه على فكره كتا ممتع وطريقته رائعه وسهله ويتخلص الطفل من العادات السيئه سواء الغضب او غيره بوقت قصير

ياليت ياغاليه تعطيني اسمه ضرووووووووووووووري لاني فعلا محتاجه له

وجزاك الله الف خير

up

السلام عليكم ..

عزيزتي اعتقد ان كان موضوعك الصحيح هو قسم الطفل لوجود اخصائية اطفال وتغذية و و و ...
المهم ..

بنتك بنفس عمر ولدي وسبحان الله هذا سن الاكتشاف عندهم .. ولا ازيدك من الشعر بيت توه بادي يصارخ باعلى صوت ويضرب .. المشكلة مو كيف اربيه هو !!! المشكلة في اللي حواليني ويضحكون على حركاته وبكذا ما قدرت عليه ..

في بيتي يصير وش حليله بس من اروح بيت اهلي يبدى يستهبل ..

ما طول عليك .. ما شاء الله لا قوة الا بالله .. طريقتي باي شي اني اطنشه ..

اذا بغيت اغسله خليته يلعب بالموية شوية بعدين اغسله او العكس ..

ملابسه احاول اخليه يلبسها بنفسه طبعا ما يقدر بس اقوله امسك البس الخ ..

بالمطبخ افتح له دولاب القدور والزبديات البلاستيك واعطيه كم ملعقة بلاستيك مقوى واخليه يلعب بها .. منها يوسع صدره ومنها اشتغل براحه وهو قدام عيني ..

اذا جبت القهوة او الشاي اجيب له كاسته الصغيرة ومعها كاسة موية واصب له فيها موية واخليه يتقهوى (( امي جعلها فالجنة وخالتي الله لا يخليني منها يشربونه قهوة وشاي ويقولون ما يضره :) ولا ودي اقولهم شي واسكت او ازيد اللي فيه ماء ))

احيان كثيييييييرة تمسك معه يبي من نفس اللي معي سواء ماء ,شاي , عصير قهوة الخ فاعطيه قبل ما يبكي علشان لا يمسكها علي كل ما بغى شغل الموال :)

فمن باب العناد يمشي بالبيالة او الفنجال القزاز .. ساعتها اخليه ما اقوله شي لاني لو باناديه بيركض وانا اخاف عليه يطيح وينكسر ذا الشي تحته ويعوره القزاز ... واروح العب عليه واسحبها منه بكل هدوووووووووووء وغالبا يكون معي شي بديل علشان ما يبكي ..

اعذريني طولت عليك بس ما حيت اطلع بدون ما ادلو بدلوي ..

موفقة .. واي مساعدة انا موجودة بس ياريت تنبهيني برسالة خاصة لاني غالبا ما ارجع للمواضيع :)