كيف اربي بنتي عمر سنة ونص

والله الحال من بعضه حبيبتي هههههه
بس شوفي نصيحتي خلي في شنطتك دايما لعبتين صغار للطلعة فقط, لا تخلينها تلعب فيهم بالبيت ابدااااااا, خليهم بس للطلعة و يضلون بشنطتك بالذات لو هاللعبتين جدد يكون احسن, مثلا التلفون يلي يطلع صوت و نور او شي تركيب قطع, او شي انتي تعرفين هي تحبه.
كمان حطي في شنطتيك شي تاكله بس ياخذ وقت في الاكل, لا تاخذين شي ينوكل بسرعة ههههه كلما طولت يكون احسن, مثلا حلاوة مصاص او شي كذا.
لو بنتك تحب أفلام الكرتون مثل بنتي, حملي لها بجوالك حلقة او حلقتين من الكرتون او الاناشيد يلي تحب تشوفها, والله بالذات لما تروحين بيت ناس و يحطون الأكل خليها تجلس جنبك و تشوف الكرتون او تلعب باللعبة او تاكل الحلاوة المصاص.. أنا اسوي نفس الشي مع بنتي وقت ما يحطون السفرة و الحمدلله يمشي الوضع :)
بالتوفيق حبيبتي والله يعيننا على تربيتهم

دودة قز شكرا على ردك عزيزتي

بس والله ماينفع ماتعبر الالعاب ولا حلاوة مصاص لانها معتاده عليهم وماتجذبها الالعاب مره حتى اعطيها جوالي محمله عليه كرتون تحبه بس خلاص ماترضى

بس عند الناس مافي شي يردها عن السفره واغراضهم اشياء جديدة ماتتفوت

طيب حبيبتي جربي اشتري لها ملعقة و شوكة حق الاطفال. و لو رحتي زيارة خذيهم معاكي و شوفي كيف
الحل الثاني انك تقرصين يدها كلما تلمس شي ممنوع تلمسه.. انا كنت كلما أعلق الثياب المغسولة تجي بنتي تسحبه و ترميه للأرض. بعدين تميت اسبوعين كلما تلمسهم أقرصها بيدها, لين ما حرمت هههههههه
أما الحركات الغبية يلي يسونها ببيوت الناس اختصاصهم هههههه توها بنتي البارحة فقعت مرارتي في بيت أهل زوجي
هالعمر يحبون الاستكشاف بس خليكي شديدة و حاااازمة, لو لمست شي غلط اقرصي يدها, و لا يعني لا, لا تخلينها مرة تلمسه ومرة لا, امشي على كلمتك ولا تتهاونين.. الله يصبرنا بس

شكرا اختي بحاول اطبق نصايحك
بس اخاف اقرصها عند الناس ويطلع شكلي بايخ قدامهم عصبت على بنتها

وتفقع البنت من البكا تعالي عاد سكتيها وطيبي خاطرها قدام الناس فشلة

عادي حبيبتي ما عليكي من الناس, كل الأمهات قرصوا عيالهم و ما صار فينا الا الخير. هالبنت بنتك و هالشي راجع لك ومحد يخصه. فكرتي بشكلك و انتي تقرصيها بس ما فكرتي بشكلك و هي تعفس المكان و انتي تلملمين و تنظفين وراها. ترى الاطفال يبالهم تربية من هالعمر, الحين بنتك بسن تبي تثبت شخصيتها ههههه فديتها ما خلت شي للمراهقة
اقرصيها و لا عليكي من حد, ولو بكت خليها تبكي, لا تراضينها لان هالشي معناه انك رجعتي بكلامك, خليها تصيح و لا تخلين حد يراضيها بعد لان بكذا يكونون كسروا كلمتك قدام بنتك. مرة مرتين و ثلاث و بنتك بتووووب *****الله
للأسف احنا الحريم العرب ما نفكر الا بالفشيلة, اما الاجانب عيالهم لو ينسدحون بنص الشارع يصيحيون, تلاقين امه تشوفه من بعيد و تقوله لما تخلص بكى و صياح تعال قولي ههههههههه و في الاخير يعرف ان الله حق و يجيها :)