كيف اربي ولدي في زمن الفتن والتحرش //قديم

والله ان قلبي يعتصر باليوم مية مره بسبب هالموضوع ولدي عمره 5 سنين والسنه الجايه يدرس وهذا اول ولد لي تخيلي يروح مع ابوه للمسجد يجي يقول يماما اذا طلعت من المسجد يجيني فلان ويصير وراي ويسويلي حركات ويجيني فلان ويلمسني مع المنطقه والي يتكلم عنهم بالابتدائي تخيلي بثالث ورابع ويسوون الحركات هذي اكيد احد مسوي فيهم كذا وهم يطبقون على ولدي
اه ياربي وش اسوي اجلس واقفل الباب علي وعليه لين مايكبر احرمه الدراسه والمسجد مستحيل
طيب اخليه يروح ويتحرشون فيه وبعدين ولدي يطبق الي يسوونه لين مايصير شاذ الله لايقوله
وش الحل تعبت نفسيا كيف اربي ولدي بزمن فتن مثل هذا انا اضمه واشجعه انه قالي ومعلمته انه هذا الشي حرام وان الله راح يعاقبهم ويعاقبك اذا خليتهم يسوون فيك شي وقلهم اي واحد يلمسك قله انك راح تعلم ابوك وابوه وانه انسان قذر
انا خايفه يابنات بكرا ولدي يتاثر فيهم تخيلو كل عيال عمامه يسوون هالحركات وانا خايفه ولدي يتاثر نفسيا انا احاول بكل جهدي اسوي منه داعيه بس وشلون وشلون بهذا الزمن احميه واربيه تعبت نفسيا انصحوني ياامهات والله اني شايله هم قد الدنيا هم الدراسه والمدرسه بكرا لادرس وهو ولد ومااقدر اروح معاه خايفه عليه من هالموضوع عسى الله يفرج هم من فرجت همي