كيف ارتب بيتي ووضعي

اول شي الحمدلله على السلامه
طبعا اهم شي عالجي فقر الدم بالعلاج وبالنظام الغذائي الصحي
بيتك اذا ماتقدرين لحالك نادي امك او اختك تساعدك
اذا تقدرين لحالك طبعا البيت ماتوصخ في يوم وليله لا لانك غبت فترة عنه تراكم الشغل عليك
فنفس الشي ماراح تقدرين تنظفينه كله في يوم
ابدي بالاهم فالاهم مثلا ابدي بالمطبخ
نظفي الثلاجه طلعي الاشياء القديمه جيبي كيس وجمعي فيه كل البقايا نفضي الرخامه بفوطه وامسحيها باسفنجه فيها مويه دافيه وخل ونقطة فيري ومسحيها بمويه ونشفيها
اغسلي الارضيه بمويه وكلوركس وجففيها
غسلي سطل القمامه بمويه وكلوركس وعرضيه للشمس واذا جف لبسيه كيس
خلصنا المطبخ
بكرة غرفة الجلوس نفس الشي كيس ولمي كل الورق والمهملات وعلى الزباله ونفضي الغبار وكنسي بالمكنسه الارضيه والزويا والكنب بعد وبعدين امسحي الارضيه
اغسلي دورة المياه كالعاده
وبعدين انتقلي لغرفة النوم وهكذا لين تخلصين بيتك كامل
اذا ملابس زوجك كثيرة ومتراكمه مانغسلت وديها المغسله مع الشراشف والمفارش
والدنيا يسر لاتكلفين على نفسك وترهقين عمرك على قد ماتقدرين نظفي واذا تعبتي ريحي
موفقه 🌷

اهتمي باكلك ابلعي فيتامينات اشربي بقدونس بدال الشاي ساعدي نفسك مابتستفيدي شي اذا جلستي تقولي لنفسك تعبانه مابقدر انضف خلي عندك اراده نامي بدري واصحي بدري وحافضي على اذكار الصلاه بالذات على الاقل حاولي تحفضي سوره البقره لو كل اسبوع صفحه
حاولي مره واتنين وثلاثه محد يحب بيته مكركب هذي مملكتك وانتي الملكه فيها لاتخليها كئيبه ومافيها حياه انتي ماحتحبيها قبل زوجك مهما قالك من كلام

اشري بنجر مع السلطه مفيد أو اشري عصير بنجر اطلبي من الله العون ابدي بالمطبخ وغرفة النوم شوي شوي كم يوم وانت مخلصه الذكري الله لا حول ولا قوة الا بالله علي لسانك والاستغفار والتسبيح وتشوفين بإذن الله أن تخلصين البيت بسرعه توكلي علي الله وادعي ربك وآخر شي بخري البيت

نقعي زبيب يمني اسود في كوب من الصباح
وبالليل اضربيه بخلاط وحطي معه ملعقتين عصير توت
واشربيه يوميا مرتين باليوم..الله يشفيك
اهم شي تعالجين فثر الدم
لان الكسل والتعب منه
ويمديك عالشغل
كل يوم سوي حاجه بسيطه الين تقومي بالسلامه

جزاكم الله خير