كيف ارجع ثقتي بنفسي ..موضوع للفضفضه ونحتاج نصايحكم

وسالفة الخياطه زوجي مايعرف بهالسوالف احس ان احد منبهه عليها

لا اله الا الله

ياعمري الله يعوضك خير يارب ويسخر زوجك لك انتي الان في حال نفسك انتبهي لصحتك اختي

انا مو معترضه على قضاء الله
الحمد الله بس زوجي لجا يقول كلام امكن هو عادي بس انا اللحين مدري حساسه او من التعب لو احد يقول كلمه اتأثر وافكر بالكلام مليون مرة
واصيح لصرت لحالي واكره انام لحالي او اجلس لحالي ابي احد جالس عندي 24 ساعه
غير احد ينام عندي ويسولف علي لو راح خمس دقايق اقوم الحقه
احس اني اضغط على اهلي وهم مشغولين برمضان مايدرون يلقونها مني ولا من شغل رمضان والا من الضيوف والا من بنتي يبيلها رعايه


مع اني ماكنت كذا قبل الولاده

طيب ادرسي كل مشكلة لحالها .. جيبي دفتر او ورقة قلم واكتبي المشكلة .. اسبابها كل الاسباب المحتملة..حلولها كل الحلول الممكنة
وبعدين ابدأي اختاري الحلول وطبقيها
1- مشكلة الخياطة
حلها تروحين لدكتورة امينه تشوف وضعك عشان تتطمنين ويرتاح بالك.. وتنصحك بالاجراء المناسب اذا تحتاجين خياطة اعمليها .. واعملي تمارين كيجل
2- مشكلة الروتين والبحث عن وظيفة
جهزي شهاداتك واعملي السيرة الذاتيه عشان تبدأين بالتقديم .. وابحثي عن الوظايف بمدينتك
اذا مافي وظايف مباشرة اكتشفي هواياتك وشوفي اذا تقدرين تفتحين مشروع ع الانستقرام
اذا عندكم نادي ترى الرياضة علاج للاكتئاب + خفة وحيوية ورشاقة
تعرفين صفاء الفيلكاوي .. تقول سقطت وجاني اكتئاب بعد الولادة قالي الدكتور اعملي رياضة وماتحتاجين لأي عقاقير


3- مشكلة الزوج اللي يقول بتزوج بتزوج
اش السبب اللي يخليه يكررها .. بس مشاكسة .. ولا عشان تهتمين فيه اكثر .. ولا عشان نقاط حابها ومو لاقيها
واش ردت فعلك لما يقولها..
4- كراهية اللي حوالينكم وسعيهم انكم تنفصلون ويتزوج غيرك
اش الاسباب اللي تخليهم يعملو كذا ؟