كيف ارجع لزوجي بعد القطيعة..المشورة يابنات بسرررررعه

السلام عليكم يااأخوات..
انا متزوجة و حصل بيني وبين زوجي خلاف لاسباب كثيره منها السهر - الالفاظ البذيئة - البنات- افلام اباحية - لا مصروف ولامسؤولية - واشياء كثيره كبيره معقدة..
المهم سكت حتى يوم واحنا شبه متراضين وصلني عند اهلي وجلست عندهم وقطعت علاقتي فيه بدون مااخبر اهلي بالمشكلة
صبرت شهر شهرين ثلاثة اربعه والله الرجال مافيه خير لا فكر يجي بيت ابوي ولا يتراضاني..طبعا ماله حاجه عندي
الشهر الرابع خبرت اهلي بالمشكلة وبعيوبه..ولاني مع طول المدة خلاص ماعاد ابيه
الشهر الخامس صار له حاجه عندي راح اتصل ب اهلي وجلس يتشكى والاهل ماقصروا قالوا له تعال البيت ونتفاهم حتى انت عندك اخطاء
الاهل خيروني بين خيارين:
الاول: تفاهم باللين والطيب وارجع معاه
الثاني: التفاهم الحاد ويقصدون تبيها بالمعروف خذها ماتبيها خلها .
اخترت الخيار الاول .
سؤالي لكم :
هل انتم مع اختياري؟؟والشي الثاني لو حصل وتفاهموا كيف ادخل عليه وكيف اقابله وكيف ارجع اتكلم معاه بعد قطيعة ستة اشهر تقريبا وهل البس في اول لقاء واتكشخ له وهو اصلا كان بايع