كيف ارد على الناس من غير ما اتعرض لمشاكل

ما ادري وشي مشكلتي بضبط هل انا شخصيه ضعيفه ولا ماني جريئه ولا حيا ولا ايش بضبط

المشكله اني ما اعرف ارد على حريم اخواني لما يرمو علي كلام ماله داعي

حتى لما يكون الموقف مو كلام بس الي قدامي سوت شي ينرفز او ولدها نرفزني او قالت كلام من وراي تشكي مني ما اقدر ارد اعطيكم مثال عشان اوضح :مرت اخوي ساكنه فوق امي بدور مستقل وهي ما نشوفها الا مره بالاسبوع ولا تطول لاكن عيالها كل يوم وطول الوقت عند امي وواحد منهم شقي مره لدرجة انه يضرب امي ويضربني انا بعد كانت امي تضربه وجا اخوي وقال لامي لا تضربيه صارت امي تسكر الباب الي بيننا عشان ما يجي قال اخوي لامي لاتسكريه خليه مفتوح واحنا صابرين عليه عشان ما تصير مشاكل ومره صاح ولدي بالليل يوم صار من بكرى نزلت مرت اخوي تسلم على امي وقالت وشفيه فلان يصيح بالليل ازعجنا امه ما تعرف له عشانه اول واحد وامي قالت لي الكلام تقولي ليش ما تسكتين ولدك !!!!!!! ولا تشوف ولدها وشلون مزعجنا احيانأ يضربنا قدامها وهي ما تضربه بس تهاوشه

بالله كيف ارد من غير ما اتعرض لمشاكل معها ولا مع اخوي اخاف اقولها وانت ما تعرفين تربين ولدك تسوي لي مشاكل مع اخوي







والناس الي اقصدهم هم حريم اخواني هم بذات اخاف منهم اخاف اي كلمه اقولها علطول توصل لزوجها وانتم كملو الباقي....


كيف ارد على اي موقف مو بس هالموقف من غير خوف ومن غير ما اتسبب في مشاكل مع اخواني
وقلت خلني اكون رسميه معهم عشان ما اتعرض لمشاكل لاكن ما فيه فايده الي قليل ادب ما تسلمي منه
ولما اقول ابطنش ولا كأ،ني سمعت شي ما احط راسي على المخده الا تجيني هواجيس ما تخليني انام ..وانا ليش ما رديت على فلانه ...وليش ما قلت لعلانه
وزياده انا ما انتبه لحظة الموقف ما انتبه الا اذا راح الوقت واقول ليش ما رديت ليش ما قلت

هل كل الناس مثلي ولا بس انا