كيف ارد على زوجي لانه هذا الموضوع صار يتكرر كثير

السلام عليكم
رمضان كريم
زوجي نفسه في بيت ملك من زمان
وده بالملك وخصوصا زاد اصراره وغيرته على كلام زوجي انه زوجة اخوه اشترت من ورث ابوها بيت ملك وفتك اخوه من الاجارات صار زوجي يحن علي بشكل يومي كلمي ابوك كون ابوي تاجر كبير وعنده خير الحمدالله
يقولي قولي الابوك يسلفنا مليونين ونرجعها لها كل سنه 50 الف ريال
عشان نشتري بيت مع التأثيث
انا كلمت ابوي وماتجاوب معي ابدا وقال ماعندي وقام يضيع الموضوع
وقلت له قلت الابوي وماعطاني وجه قال زوجي اجل اشوف عن البنك راح البنك يبي قرض طلعت للبنك فوائد حول500 الالف ريال زياده او يمكن اكثر غير انه بيصير على الحديده وراتب ماراح يبقى منه شي
اللي حصل انه شال فكرت البيت من راسه لكن رجع يفتح الموضوع بس بعد ماخلص بيت اخوه وسكنو بيتهم رجع يفتح الموضوع من اول وجديد ويحن علي كلمي ابوك كلمي ابوك
قلتله كلمه انت انا كلمت ابوي مره وقال مضغوط وماعندي وقام يضيع الموضوع قال استحي اخاف يردني قلت انا كلمته ورفض قال عادي حاولي معه مافيه غيره يساعدنا وراح نرجع له بالسنه 50 الالف على شكل اقصاد
ومرره محبط ويبي بيت وانا اصبره واقوله ان شاءالله يفتحلنا باب رزق بس ابوي انسى رفض قال زوجي بنرفزه ابوك الحين عنده خير وماناقصه شي وراه مايساعدنا ليش مايوقف معنا احنا ماقلنا عطنا عطيه قلنا سلف
انا اسكت ومارديت عليه
وبيني وبينكم نرفزني خلاص مو مكتوبلنا بيت مو لازم تقارن في اخوك خلاص خلك راضي بالي عندك
وسالفة البيت مانفتحت الا يوم اخوه سكن ملك
وقبل شوي رجع يفتح نفس السالفه يقول وش رايك تكلمين ابوك يمكن يلين قليبه يساعدنا ونردها له والله العظيم اخواتي حامت كبدي من ذا الموال ساكنين شقه تهبل وكبيره وكنها دور غير انها جديده ماشاءالله ومع ذالك ماشاف الهذا كله خلاص ارض بنصيبك والحمدالله منت بالشارع انا مدري فعلا هو نفسه في بيت ملك ولا عشان اخوه سكن يبي يقلده والله احترت معه انا ودي بالملك والله واكثر منه بعد بس من وين لنا لكن زوجي للاسف مااقتنع وشايف انه ممكن ابوي يساعده
وابي رايكم اخواتي كيف اتصرف