كيف ارد عليها

موضوع قاهرني يا بنات وهو ام زوجي دايم ترفع صوتها علي وتلطشني بالكلام من تحت لتحت وانا ما اعرف ارد عليها اخاف زوجي يعصب امه عنده بالدنيا حتى لو غلطت علي بس والله تعبت سكنت بيت جديد وزعلت تقول اني ما فرجتها ع الغرف بس لما جاتني كان عندي ضيوف ومشغوله ثاني يوم رحت زياره لسلفتي لقيت ام زوجي عندها لمحت في ايدي اسواره دهب تغيييرت ملامحها وصارت تتكلم معاي بدون نفس امس كلمها زوجي وقال لها ما تعملو فطور اليوم زوجتي راح تطبخ لكم وفعلا طبخت لها ولابوه واخواته اصناف وحلويات ومعجنات وسلطات وباركت لهم بالشهر الكريم برضو الدق بالكلام شغال وكل ما اقول كلمه ترفع صوتها علي وترد علي بلهجه شديده وغضب صار لي اكثر من عشر سنوات ما قدرت افهم هالانسانه ولا ارضيها لان زوجي دايم يقرن رضاه برضا امه بس ايش اسوي اذا مو عاجبها العجب دايما تقول لي انتي مرتاحه وبناتي قصدها خوات زوجي ثنتين متزوجات مو مرتاحات ما ادري ايش قصدها اي راحه وهي مسوده عيشتي لاحول ولا قوة الا بالله ساعدوني ايش الحل؟!!!