أول شي اذا ايقتني ان الأقدار من الله الرحمن الرحيم ارحم بنا من أنفسنا ٠
بعد الأيمان واليقين بأن الأمر رغم ظاهره الموجع
الا انه خير ياتي التسليم لأمر الله عز وجل ٠
واليقين التام بأن الدنيا دار بلاء واختبار مافيها راحة ٠
تعويد النفس على الصبر
بالمختصر ( رضا + تسليم + صبر)

ترضين بقضاء الله اذا عدلتي تفكيرك لانه من الاساس اللي تعتقدينه خطأ وهو ان اللي ابيه لازم يجي الحين والا بزعل او اتضايق ، أيقني بخيرة الله دائماً ولك في قصة موسى عليه السلام مع الخضر أسمى معاني الخيرة وان علم الله وإحاطته أوسع من علمنا وادراكنا المحدود ، وايضاً قراءة الأحاديث والقران والتدبر لها أثر كبير جداً على النفس ، الحين لو تقرين حديث مثلاً ما أصابك لم يكن ليخطأك ....الخ تجدين ان هالكلام هذا تكلم به اللي ما ينطق عن الهوى وتستشعرين ذلك راح تجيك راحه عظيمه بالاضافة الى دعاء الله انه يرزقك القناعة وحسن الظن الى اخره . وترا مافيه شيء يخطر على الانسان من تساؤل وحيرة الا ويجد اجابته بالقران والسنة النبوية الصحيحة تنير وتهديه الى الحق .

اختي من شروط الايمان ان يرضى المسلم بالقدر خيره وشره ولما سئل النبي عن معنى الإيمان قال: {أن تؤمن بالله وملائكته وكتبه ورسله واليوم الآخر, وتؤمن بالقدر خيره وشره}(رواه مسلم والبخاري ).
الايمان بالقدر والتسليم والرضا به امر واجب
وعلى المسلم ان يعلم أن ماصابه لم يكن ليخطئه وأنه مأجور بالسراء والضراء في حمده على السراء وصبره على الضراء وأن ماأصابك من شيء فهو تقدير من الله فلماذا الحزن، ربي يبتليك ليسمع صوتك بالدعاء ادعي الله والحي بالدعاءفهو الذي يغير القدر ، واكثري من الاستغفار كل مااغلقت عليك ابواب الرزق او حرمتي من شيء تتمنينه.
واضافةً لذلك انصحك بعمل تحليل فيتامين ب١٢ وفيتامين دال،ربما كان عدم الرغبة في السفر وغيرها بسبب نقصها.

والله وانا اختك حطي بالك ماتاخذين الا الي ربي كتبه لك كل شي مكتوب بصحيفك قبل ماتولدين بالالاف السنين والحمدلله بعض امورنا يمكن خيره لنا … لا تحزني علي امور الدنيا ابدا وربي مايحزني الا وش قدمنا لله لاخرتنا وحنا بزمن ربي يرحمنا خلاص .. فاانتي خليك قويه بايمانك وعيشي حياتك وانسي كل امر يمر عليك روحي دار تحفيظ غيري علي نفسك الجي الي الله وكثري استغفار وحوقله .. الصدقه هي سلاح المومن وفتح ابواب له .. وربي يشرح صدرك يارب

لازم تقنعي نفسك ان الله لا يأتينا الا بالخير دائما ولو قدر لنا غير ذلك كان فيه اذى
احمدي الله وفكري في من هم اقل منك