قوي ايمانك بالله ،، احعلي اعطم واقوى حب بقلبك هو حب الله والر ضى التاااااااام بما كتبه الله لك والايمان بأن ما اختاره الله لك هو الخير وما صرفه عنك هو الشر .
ابدأي بالتفكر في الحياة الباقية الاخرة وهي الحياة الحقيقية وبناءها بالطاعة والعبادة والرضى بالله وما كتبه الله لك ،، لا تعطي هذه الحياة اكبر من حجمها هي مجرد دار عبور للجنه او النار نسأل الله السلامة والعفو والعافية
تذكري الموت والقبور لتزهدي في الزينه الفانية ولتعرفي ان زوجك وابناءك نعمة وسعادة وتدعي الله ان يجمعكم في الجنة ،
انظري لمن هم دون منك ،، ممن هم حولك او روحي شوفي مستشفيات التأهيل والمعاقين واعرفي كن عي معاناة اهاليهم رغم ما يتمتعون به بنسبة عالية مم التعليم والجمال والحسب والنسب ،،
استشعري هذه النعم واشكري الله عليها قبل ان تفقديها

الحمد لله أنتي بنعمه عظيمه عندك أهل طيبين وزوج طيب ومو ناقصك شئ أحمدي ربك غيرك ماعندهم اللي عندك وش اللي أفضل من كذا !!!
تعرفين أني أتمنى العيشه اللي أنتي عايشتها ربي يزيدك من الخير مشكلتك عدم الرضى تعوذي من أبليس اللعين وأقري كتب عن القناعه والرضى وفضلهم راح تحسين بالراحه والله يبعد عنك هالأفكار

اهم شيء يااختي القناعة ادعي ربنا يعطيك الرضا التام بماقسمه لك واحمديه واشكريه على كل شيء الله يحب ان يشكره عبده عشان يزيدك من فضله ويعطيك القناعه التامه بنفسك وبحياتك ويزينها لك في عيونك وعيون الاخرين عزيزتي فكري في يوم انك فقدتي حياتك هذه والله انك لاتشتاقي لكل هذه اللحظات وتندمي اشد الندم على انك ماشكرتي ربك دائما شوفي من هم اقل منك او اصحاب المشاكل هنا راح تدركي قيمة النعمه إلا إنت فيها وإذا كنتي من متابعين السناب او المواقع الايصور الناس حياتهم وتقارني نفسك فيهم الافضل انك تحذفينها او تبتعدي عنها لاتقارني نفسك بأحد او تقولي انك تستحقين الافضل حياتك هذه مقسمه لك من ربنا وهو يعلم الافضل لنا اهم شي الرضا والقناعه بما قسمه لنا

مافيك اكتئاب حبيبتي هذي عدم قناعه، وفراغة عين..
وهذي من اكبر مسببات التعاسه..


ماتشوفين النعم اللي غرقانه فيها من راسك لرجولك وماتحسين فيها وتبغي حياه ثانيه اذاً مستحيل تحسين بطعم السعاده..


شوفي الاخبار، روحي المستشفيات لعنابر المرضى بس خذي نظره واسمعي الانات والتعب والدموع، روحي لمحكمه وشوفي المصايب،


فوقي لنفسك قبل مايجيك ابتلاء يصحيك من غفلتك واستشعري نعم الله عليك، قومتك من نومك بدون مساعدات نعمه، قضائك لحاجتك بنفسك نعمه،


اكلك ومشربك والتلذذ فيه بدون تعب نعمه، اطفالك يجرون حولك بصحه وعافيه مافيهم لا امراض ولا تدورين معاهم من مستشفى لمستشفى بغرض العلاج نعمه..


ووالله لو اجلس اعدد نعم الله علي وعليك مااحصيتها ولا جبت نصها، فاسألي الله دوام النعمه وبالشكر تدوم النعم..


ترا النفس تحتاج تهذيب وتعليم اذا تكبرت او حسدت او قل ايمانها، وماازكي نفسي كنت بعض الاحيان كذا افكر بس بشكل مختلف شوي وبفضل من الله حاولت والحمدالله الان كوب قهوه مع حلى بروقان بال يحسسني بسعاده لامثيل لها 🌿❤️


هذبي نفسك بكثرة الحمد وتذكر النعم، بشوفة اللي اقل منك، بإشغال نفسك بكل ماهو مفيد(الفراغ سبب من اسباب هالافكار)
اذا فيه برامج مثل السناب وغيره يحسسونك بذا الاحساس احذفيهم،
استمتعي بالشغلات البسيطه في حياتك ولا تنتظري يجيك ابتلاء يغيرك..
الله يهديني ويهديك ويثبتنا ويديم علينا نعمه 🌿❤️

تذكرت تغريده في تويتر في هاشتاق ايش تتمنى او شي مثل كذا..


وحده غردت تقول اتمنى زوجي واطفالي يرجعون، يوم سالوها الناس كيف ماتو،
زوجها مع الطفل الاول في حادث..
والطفل الثاني بعد ثلاث اشهر مات موته طبيعيه..


ذبحني كلامها مسكينه الله يجبرها فقدت بيتها وعائلتها وسعادتها لكن الله يعوضها ولا يُذيقنا ماذاقت..