كيف ارضي امي؟

السلام عليكم/كل عام وانتو بخير يابنات. مشكلتي باختصار عند امي مريضة وعايشة معاي لاني بنتها الوحيدة الله يشفيها..وساكنة ببيت 3 غرف بس وحدة لي ووحدة لها وللعيال وناكل ونشرب ونسهر فيها ووحدة للضيوف ...المهم اني زيها زي كبار السن ماتحب الازعاج ولاالدوووشة حقت البزورة ..فقبل فترة سمحت لعيالي يلعبون في غرفة الضيوف المهم يبعدون عن امي وفجأة زاروني اهل زوجي ولقوا الغرفةت محيوسةومبهدلة ..وقاموا ينظفون وليش كدا ومن هالكلام ..وقالوا قفلي المجلس هذا للضيوف وبعد ماراحوا قمت ونظفت المجلس تنظيف عميق وقفلته..اللي صار انو الازعاج زاد وامي صايرة تعصب مرررة ومايمديني اخليهم وادخل غرفتي ابداا عشان اسكت في فلان وعلان وكل هذا عشان لاتزعل ولا يمديني اسكت واتغاضى عشان هم اطفال وطبيعي الازعاج منهم بس عشان لاتفهم اني راضية بالوضع اسكت في هذا وهذا...ومن مدة طويلة صايرة تهزافي ولدي الكبير مع انه واقسم بالله اطيب واحد في عيالي حساس وخدوم جدا ومحبوب من الكل الا امي وامس انفجر الولد فينيبعد ماصرخت عليه وقالت له اسكت راح وبكى وقالي جدة ماتحبني جدة من زمان تكرهني وقمت وهديت الولد وصالحت بينهم وتخاصمت للاسف مع امي وزعلت مرررة قلت لها الولد اطيب واحد ليش كذا ياامي وطبعا كالعادة امي زعلت وزعلها شييين تسكتتت وماتسولف ابدا ..وخليتها براحتها ...ونقطة اخيييرة ابغى لها حل امي عندها طاقة رهييييبة في الكلام وكم مررة لمحت لي انها تبغى اننا نتقهوى بسرعة طبعا انا اجلس اقهويها ساعتين تقريبا وبعدها اقوم فتقول لي احس بنار في صدري لاني تقهوييت بسرعة بسرعة لانك مستعجلة ساعتين قليلة في نظرها هذا غير سواليف قبل النوم وامي تموووووووووت في الحش يااخواتي في الله تحب الغيبة وانا حاسة اني باستفرغ من كثر الكلام تعبت من الصراخ على اولادي وشكوايهم المستمرة وحاليا مااكلم ابني الكبير لان صرخ في وجهي وقال لي اني تعيسة وبيتي تعييييس تخيلوا!السؤال المتوقع وين ابوهم ..ابوهم مشغوووول حصل ظرف طارئ لوحدة من اهلو ومنهبل معهم وللاسف الظرف صعب ومايقدر يتخلى عنهم وكل ليلة يعتذر ومني ويقول لي كلها كم يوم وتتحسن الظروف وافضى لعيالي ...نشتري لهم العاب الكترونية تخرب اعطيناهم جوال طاح على ولدي وهونايم وانكسر وللان ماصلحناه لانو مشغوول ...يابنات انا كتبت موضوعي الطويل هذا عشان ابغى حل الوضع نفسيا صعب مااقدر انبسط واخذ وقتي ولا اطلع ولااقرا ولااسترخي امي على طوووول متضايقة وصارت ترفض الاكل حتى ..وفي النهاية حابة اقولكم ماعندي قرايب للاسف هنا واهل زوجي مشغولين مو فاضيين للزيارة عندهم ظرروف وشكرا لكم