كيف ارقعها مع زوجي يابنات

كيفكم بنات
بنات انا تهاوشت مع زوجي علشان الشغالة شفت حركات منها وقررت اسفرها ولما كلمته يسفرها رفض يقول وش سوت وأصر يعرف وقال خليها تجلس مالها الا سنه ليش تقطعين رزقها ومن هالكلام وانا عصبت واحتد النقاش بيننا قمت قلتله انت عاجبتك شكلك وخاش جو معها وجلست اتهم فيه
وطلع من البيت ارسلي الله يسامحك والله ماقد شفت شي منها ودايم وهي معاك بطلعاتك متى أشوفها وانا اكرف ليل نهار علشانكم وهذا جزاي
وآخر شي قال ارسلي صورة جوازها واليوم تسافر
وحجز لها برحله الليل
وللحين جالس يفكر يقول وش سوت وليش تتهمني وسويت أني خايفه على عيالي منها عندي مراهقين
قال وحطيتيها برأسي مع العلم أني شفته مره يناظرها وكانت نظره تامل وهالشي اللي اثر فيني وأصريت اسفرها
المهم قلت بجيب وحده ثانيه ووافق يجيب هنا بديت أشك أقول ايه يبغى شغاله بديله ولو ماوافق كنت بزعل
ورجعت قلتله مابي باجيب بالايجار قال ايه علشان فيه واحد يناظر هنا
قلت حشا لله ماتناظر ولا شي بس البيت صغير تنظفه بنص ساعه باقي الْيَوْمَ اكل وشرب وجلسه عالنت. قال طيب
انا الحين قمت اهوجساحس أني تهورت بعصبيتي وفتحت عيونه على الشغالات وإني أغير منهم
ومراارتاح لو جبت اي شغاله
كيف ارقعها بالله