رفع

الله يصلحه ويصلح عيالنا يارب شوفي اختي ابسالك هل تممتوله؟يعني التميمه؟انا بنتي كانت عصبيه وبس تصارخ وكثيرة الصياح والحمد لله يوم تممنا له هدت شوي

عادي فيه عيال وياكثرهم اذى وهم صغار بس مجرد يكبرون تصير بركه فيهم وهدوء

احنا عندنا عيال مهب يجنون امهم وبس الا موذين لدرجه ما احد يعزمها بسبه اعيالها وهم 4 مب واحد بس

يعني ملفها اسود عند الجماعه ما احد يحبها بسبب عيالها

يقولون هذه ماتعرف تربي ، وعيالها لسانهم طويل

بس تصدقين هم معاهم حق الخطأ اولا من االام والاب في التربيه وطريقتها


هي كانت لما يخطون ماتلومهم وتقعد تضحك ومستانسه ان عيالها يسوون حركات بهلوانيه ويضربون بعض
هي في معتقدها انها مرجله مستقبلا

وتطور الوضع لما صاروا يقلون ادبهم على الناس

ويوم يقولوون لها الناس انتي ليش ماتلومين عيالك على قله ادبهم

قالت مابي اكسر شخصيتهم ( وهذا اكبر خطأ) سوته

عمر اللوم او المحاسبه للولد او البنت كان كسر لشخصيتهم بالعكس إلا تقوم شخصيته اكثر
بس شتقوولون عن العقول مع انها جامعيه يعني مب جاهله

الزبده بعد ما اهجروها الناس بصراحه ولا احد يعزمها هنا قررت انها تتخذ اجراء صارم

طبعا هالاجراء كنا نقول لها من البدايه بس ما كانت تطيع الكلام تقول قلبي مايطاوعني

الاجراء انها سوت لوحه
وهاللوحه مقسمه جدول كل خانه باسم واحد منهم وهم عددهم 5 اطفال

4 اولاد وبنت

وطبعا نهايه كل يوم الي تكون راضيه عليه تحط له نجمه
والي يصير موذي ويضرب اخوانه او يخرب شي في البيت او يوسخه والخ من المشاغبات
تشيل منه نجمه

طبعا في البدايه ماكانوايطيعونها في الموضوع ومطنشين له
لانهم عارفين ان في النهايه بتطلعهم وتمشيهم وتعطيهم كافي الخ

ويوم جاء يوم الجمعه واجمعتهم قالت فلان وفلان وفلانه بيروحون اليوم الملاهي

وفلان وفلان يقعدون في البيت لانهم ماجمعوا نجوم وكانوا مشاغبين

جن جنون هالاثنين شافوا الموضوع جد

وإلا اخر لحظه من خروج الام والعيال يبكون ( دموع التماسيح طبعا) يبون يروحون

وهي تقول قلبي عورني عليهم وعلى كثر دموعهم بس قاومت لانها مب حاله اصير مكروه بسببهم وهالشي بينعكس ضدهم لدرجه ان الناس يدعون عليهم من كثر اذيتهم لهم.

المهم فعلا راحوا وتمشوا وارجعوا شافت عيالها حالتهم حاله هههههههههههه تقول كسروا خاطري كنهم فقارى ينطرونا
يقولون هاه يمه شريتي لنا شي

قالت طبعا لا لانكم ماسمعتوا الكلام
جمعوا نجوم وانا اوديكم الاسبوع الجاي


هنا طبعا اعرفوا ان المسأله جديه

والله انهم الحين يحاولون يجمعون نجوم قدر المستطاع بعد هالعقاب

وحتى يوم جاتنا على العشاء
قلنا يووووووووووووووووووووووووه فلانه بتجي مع عيالها
ونشغل الطوارئ ونشل كل شي من البيت الي يتكسر لانهم اذيه بمعنى الكلمه

بس الي استغربنا منه بصراحه انهم جاوا ورااحوا وماشاء الله عليهم فرحنا لها بصراحه
كل مابغى واحد منهم يسوي شي قالت هاه بشل نجمه

قال خلاص خلاص وقعد هههههههههههههههههههههه فله والله



واعمارهم تبدأ من 13 سنه واخر طفل عمره 3 سنوات


وعلى فكره هذه نتيجه عدم محاسبتك له من البدايه بمبدأ توه صغير

ترى الطفل يفهم كل شي ويفهم نقاط ضعف امه

شدخل ؟؟

التميمه تنذبح من البدايه ومايتجاوز تأخيرها 40 يوم من الولاده..

قصدك العقيقة ؟
اية سويناها له من عمره 14 يوم


ومشكووورة