(رمانه :

مساكم ربي بالخير بنات الله يجزاكم الف خير انا مسوية حفلة لايتام وشعوور جدا جميل الله يكتب لنا الاجر يارب بالبداية ياطويلات العمر اتفقت انا وصديقاتي نسويها لهم وجمعت فلوس من صديقاتي وصديقات امي وكل اللي نعرفهم بعدين رحت جمعية انسان وسالتهم لو نبي نسوي حفلة لايتام ونفرحهم وكذا عطتني رقم المسؤلة عن الحفلات انسانه خلوقة وحبوبة اللي تبي تراسلني واعطيكم رقمها المهم جمعت المبلغ وكلمت المسولة قلت كم العدد قالت تقريبا 20 وانا اختار هل يكون فيه اولاد او لا طبعا هم صغار الاولاد قلت لها يب ابي اولاد حرام نفرحهم هم والبنات رحت قضيت هدايا للبنات والاولاد ورحت حجزت كيكة من سنابل السلام مره حلوه ورحت محل حلويات وشريت كل الحلويات الرخيصة والغالية وركزت على الغالية اكثر ماخليت نوع ماشريته وشريت شبسات وبوب كورن وحطيتها بالكاسات حقت البوب كورن وشريت عصيرات وفطائر ونافورة شوكلاته ومارشميلو والاهم من هذا كله جبت لهم مهرجة وهذه افضضضضل نقطة سويتها لانها لعبتهم ووسعت صدورهم انا الكبيرة انبسطت معهم ولعبت ومع المهرجة الاستريو حقها كله اناشيد وطلبت من المهرجة ماتحط اناشيد فيها بابا لان اليتيم يتيم الاب رحت نفس الجمعية انسان وقالوا لي تبين تسوين الحفلة بجمعية او تاخذين استراحة او تعزمينهم بمطعم قلت خليها بالجمعية عندهم غرفة للحفلات رحت حجزت طاولة والمفرش وكذا وصراحه المره الثانية باستاجر استراحه افضل لان الغرفة صغيرة والاستراحه اوسع صدر حطيت بالغرفة بالونات هيليوم وخرابيط الحفلات وكذا طلعت الحفلة جددددا مرتبة وانبسطنا كثير معهم صراحة شعور جممميل انصح الكل يجربة والله جلست كم يوم احس بسعادة مو طبيعية الواحد يؤجر باذن الله اذا اسعد شخص ودخل السرور بقلبه فما بالكم بااطفال ايتام هذه تجربتي واللي حابه تتواصل مع المنسقة ترسلي على الخاص وارسلكم الرقم

مساكم ربي بالخير بنات الله يجزاكم الف خير انا مسوية حفلة لايتام وشعوور جدا جميل الله يكتب لنا...