كيف اساعد اخوي

السلام عليكم ورحمه الله وبركاته
اخواتي الفاضلات سأطرح بين ايديكم موضوعي وطلبي واتمنى ان اجد منكم من تفيدني وتساعدني حتى لو بالدعاء
علما أن موضوعي سيستغرب منه البعض ويقد يتحدث البعض بما لا يصح .. فأكرموني بحسن ردودكم او دعائكم .


بأختصار شديد :
لدي اخ كان شخص عادي واموره ماشية وتمام تزوج وخلف وكان موظف .. حتى جاء يوم وانتكست احواله بشكل غريب من جميع النواحي وبدون ان اذكر اي تفاصيل عما حدث له .. ولكن اصبح وضعه سئ جدا
وهذا منذ عده سنوات


قبل فتره وجد مجموعه من اولادنا له صوره مرميه تحت الكنب في المجلس واعطوني اياها .. اخذتها بشكل عادي ورفعتها لدي وانتهى الموضوع .


بعد فتره جاء في بالي خاطر هل يمكن يكون احد مسوي له شي وعامل له عمل وهذي الصوره لها علاقه علما ان الصوره كانت صوره شخصية عاديه جدا ومافيها اي رموز تدل على سحر او غيره .. لكن هذا الشعور ملازمني زي الغريق اللي يتمسك بقشه .
انا ابغى احرق الصورة واتخلص منها بحيث لو فيها عمل يبطل ومدري كيف .. ولا اقدر اصارح احد بهذا الشئ ولا اقدر اروح لشيخ .
ابغى شي اسويه بنفسي بدون ما احد يدري
لعل وعسى تصلح احواله من الله سبحانه
اذا احد عنده خلفيه ويقدر يساعدني كيف اسوي
او اكرموني بدعائكم ان يصلح الله حاله من حيث لانرجوا ولا نحتسب .