السلام عليكم
اول شئ انا داخله باسم بنت خالتي
وما عرفت وين انزل الموضوع بس حسيت هذا القسم اقرب قسم لسالفتي
السالفه انو قبل سنتين تقريبا خالي الله يرحمه مات وهوا اقرب انسان لماما
وكان دايما يكلمها ودايما يجي عندنا ومن اول ما مات ماما جاتها زي الحاله
النفسيه الله يشفيها يارب وعندها اكتئاب شديد الين الحين وراحت دكتور نفسي
واعطاها ادويه بس الين الحين حالتها زي اول وما انحسنت ونفسياتنا كلنا سيئه
لاني اشوف ماما تعبانه وما اقدر اسوي شئ ...
ومن اول ما مات خالي ماما ما خرجت ولا مكان يعني يمكن بس مناسبتين
حضرتها لاننا اصرينا عليها نحاول نكلمها اترجاها تطلع معايا بس نلف بالسياره مو
راضيه ابدا والله وضعها مره يبكي وخالاتي يكلموها وانو هذا قضاء الله بس برضو
ما في فايده و مقفله جوالها وما تفتحه ابدا الا قبل ما تنام وبس تفتحه 5 دقايق وتقفله
هذي المشكله الاولى
المشكله الثانيه انو قبل كم اسبوع وحده تقربلنا من بعيد لمحتلي
انو تبغى تخطبني لاخوها وانا طنشت الموضوع لاني ما توقعت يسير شئ مع انو عمري 25
وخلاص انا في سن زواج وقبل كم يوم ماما قالتلي انها لما فتحت الجوال لقت مكالمه من ام البنت
وماما ما تعرف عن الموضوع ولا انها داقه تخطب وحاولت المح لماما انها تفتح جوالها ولا تدق عليها
تشوف ايش تبغى بس ماما رافضه الفكره يعني حريم كثير يدقون على ماما
وهيا ما ترد على احد ولا يكلم احد
انا صح اني اتمنى اتزوج زي اي بنت واكثر شئ مخليني
اتمنى هذا الشي انو ماما ممكن تنسى موضوع خالي شوي وتنشغل
معايا وتفرحلي وانا ما ابغى اشوفها الا فرحانه و زي اول
وحتى هيا دايما تقولي انا نفسي انك تتزوجي وافرح فيكي
بنات انا مالي الا الله ثم انتو ابغاكم تساعدوني
كيف ممكن اساعد ماما واخليها تعدي من الاكتئاب اللي
هيا فيه يمكن وحده قد مر عليها احد زي حاله ماما
وثاني شئ قولولي لو ماما استمرت مقفله جوالها في امل
انخطب يعني ممكن يدقون على بابا ولا يخطبون باي طريقه
اتمنى انكم تساعدوني
fo0ofa- @fo0ofa_1
عضوة جديدة
يلزم عليك تسجيل الدخول أولًا لكتابة تعليق.
الله يرحم خالك و ينور لو قبرو و يجعلو روضة من رياض الجنة و جميع موتى المسلمين
امك الله يكون في عونها و يشفيها يارب من الاكتئاب
ذكريها قولي لها الله اذااحب العبد ابتلاه عشان يشوف يصبر و الا يجزع
و قولي لها الرسول اكثر شخص تعرض لفقد احبابو ماتت زوجتو و مات اولادو و عاش يتيم محروم من حنان الابوين
و مع ذلك صبر على ابتلااءت الله عز و جل لو
سمعيها مقاطع عن اجر الصابرين
شوفي هذا الموضوع مرة مفيد
رسالة إلى من ابتلي بفقد حبيب أو قريب
و في الاخير امك كلمي ابوكي و اخوانك يحاولوا يخلوها تخرج من البيت تغير جو
لانو كثرة الجلوس تخليها تفكر كثير في موضوع خالك
و انتي قولي لها ترى ما يجوز اللي تعمليه
قولي لها جلستك في البيت ما راح تغير الموضوع و لا راح ترجع خالي و لو تبغي خالي يرتاح في قبروو ادعي لو و تصدقي عنو هذا اللي راح يفيدو
\
بالنسبة للموضوع الثاني صدقيني لو ربي كاتب لك تتزوجي من هذا الشخص راح تتزوجيه
حتى لو امك ما ردت على الجوال اوقفلتو
انتي لا تتضايقي لانك ما تدري فين الخيرة
لا تخافي انتي ادعي دايما انو ربي يسخر لك من عبادو الصالحين زوج صالح تعيشي معاه بسعادة و استقرار
امك الله يكون في عونها و يشفيها يارب من الاكتئاب
ذكريها قولي لها الله اذااحب العبد ابتلاه عشان يشوف يصبر و الا يجزع
و قولي لها الرسول اكثر شخص تعرض لفقد احبابو ماتت زوجتو و مات اولادو و عاش يتيم محروم من حنان الابوين
و مع ذلك صبر على ابتلااءت الله عز و جل لو
سمعيها مقاطع عن اجر الصابرين
شوفي هذا الموضوع مرة مفيد
رسالة إلى من ابتلي بفقد حبيب أو قريب
و في الاخير امك كلمي ابوكي و اخوانك يحاولوا يخلوها تخرج من البيت تغير جو
لانو كثرة الجلوس تخليها تفكر كثير في موضوع خالك
و انتي قولي لها ترى ما يجوز اللي تعمليه
قولي لها جلستك في البيت ما راح تغير الموضوع و لا راح ترجع خالي و لو تبغي خالي يرتاح في قبروو ادعي لو و تصدقي عنو هذا اللي راح يفيدو
\
بالنسبة للموضوع الثاني صدقيني لو ربي كاتب لك تتزوجي من هذا الشخص راح تتزوجيه
حتى لو امك ما ردت على الجوال اوقفلتو
انتي لا تتضايقي لانك ما تدري فين الخيرة
لا تخافي انتي ادعي دايما انو ربي يسخر لك من عبادو الصالحين زوج صالح تعيشي معاه بسعادة و استقرار
اول شي عمر الحزن والبكاء مايرجع اللي راح انتي فهميها قولي يمه بدال هالحزن هذا والهم ادعيله وتصدقي عنه واكفلو له يتيم وومشاريع الخير والصدقات الجاريه كثيره الحمدلله افتحي اليوتيوب وشوفي اي شيخ يتكلم عن الصبر واجر الصابرين وخليها تسمعها وبعد اذا تعرفين انسانه ملتزمه خليها تكلمها يعني اتفقي معها وتجي للبيت خلي خالاتك يصرون عليها بالطلعه يعني اذا قالت لا لزمو عليها المره الاولى راح تتضايق بس بعدها راح ترتاح خليهم يجون عندها للبيت لو بالاسبوع مرتين اتكلمي انتي معها كثير اذا شفتيها ساكته اتكلمو معها لاتخلون لها مجال تفكر باي شي والله يصبر قلبها ويشفيها وبالنسبه لك انتي الله يرزقك باللي تتمنين يارب واذا لك نصيب باللي خاطب الله يوفقك ويكتبلك الخير
الصفحة الأخيرة
خليها تلزم الاستغفار والصلاة على النبي.