كيف اساعد ولدي .. من جد تعبني .. رفع ضغطي.معلمات العربي تعالوا بلييز

السلام عليكم
تكفون يا خواتي ساعدوني ولدي بالصف الثالث ابتدائي ومستواه جيد لكن بطئ في القراءة والله لا يوريكم في الاملاء يرفع ضغطي ضعيف جدا ...ما ادري ليه ؟ مع اني دايم اذاكر له بس الاحظ انه احيانا يكتب مثلا بعض الكلمات ويفرق الحروف عن بعض مثل س لام (سلام) وغيرها ؟
تعبت معاه اليوم كان عنده املاء وتخيلوا والله لي اسبوعين وانا امليه القطعة في كتاب الاملاء واصحح الاخطاء واليوم الصباح قبل لا يروح المدرسة راجعت معاه اخطاءه عشان مايكررها ومع كذا غلط سبع اخطاء يوم شفت الدفتر عصبت عيه وفقدت شعوري وخليته يكتبها ثلاث مرات

واللي رافع ضغطي مدرسه يقوله خلي اخوك (بصف رابع) يذاكرلك لانك ضعيف في الاملاء مو قادر يستوعب ويراعي الفروقات بين الولدين اخوه ما شاء الله عليه ما تعبني بس هذا مره متعبني.و الله يهديه المدرس يحطم نفسية ولدي ويقوله اخوك كان اشطر منك ويزيد حساسية الولد على اخوه

تكفون ساعدوني ودي اساعد ولدي واريح نفسي ومخي من الهم هذا مصيبة يكون الطفل ضعيف بلغته ....وما في احلى من اللغة العربية.؟؟؟:(