كيف اسامح اهلي و انسى الماضي؟

مرحبا..
ما اعرف كيف أبدأ ، احتاج مساعدة و رأييكم في موضوع مهم. موضوعي بيحكي عن صدمة عاطفية و طفولية في نفس الوقت.. بسبب عيلتي،
القصة هي انه انا لما كنت صغيرة كنت طفلة كبيرة الحجم، فعلياً كنت طفلة عادية بس بسبب المقارنات كنت ابيين اني اكبر حجما من الاطفال بعمري. كنت دايماً اسمع تعليقات مثل انو اوه مشاء الله هل بنت مليانة ، او ضخمة و يقولون ل اهلي ليش ما تخولها تعمل دايت و من هل قصص. ف امي كانت جدا جدا حريصة و قاسية علي و على اكلي و كل شي يخصني رغم اني انا فعلياً كنت جداً طفلة طبيعية ولاكن حسبي الله على مجتمعنا ما بيتقبل الاختلاف. انا الحين لما اشوف صوري انا وصغيرة احسن شقد كنت مظلومة. لاني ببساطة كنت طفلة عادية طبيعية
المهم امي كانت جدا قاسية علي من ناحية الاكل وكانت تمنعني عن كل شي مثل الحلويات و الاكلات الجاهزة، حتى طبخ البيت لازم اكل منو بكمية قليلة. يا جماعة هاد الحكي وقت كان عمري من ٧-٩ سنين فقط!!!
كنت كتير اعاني من المجتمع و من اهلي و خصوصا امي ، او حتى اي حدا بل عائلة.. الكل كان يبغى يتشاطر علي و يعطيني نصايح ايش اكل و ايش العب رياضة و الخ … و هاد الحكي كان جدا مزعج. كبرت مع هل "تنمر" يلي ما كان اصلا اله داعي و صار عندي اضطرابات في الاكل و اثر هاد الشي كتير على صحتي النفسية و الجسدية ، كنت حتى لما اكل عادي افكر حالي اني اكلت زيادة عن اللزوم( على حسب الشي يلي اتربيت عليه) ف كنت اجبر روحي اني استفرغ.. عانيت من هل حالة سنين و صار عندي اكتآب. كبرت و كل ما اكبر صار يزيد وزني اكتر و اكتر بسبب الحالة يلي حطوني فيها، انا اصلاً خلاص اقتنعت اني سمينة ف الحرص يلي كانو اهلي عم يعملوه ، قلب بلعكس… صار عندي ردة فعل عكسية، يعني ضروني بدل ما يفيدوني.
كان علي ضغوط كتير، كل موضوع يخصني يقولو، اوه يلا بكرا بس تنحفي ، اوه يلا بكرا بهي المناسبة تكوني نحفتي.. ضليت هيك لحتى وصلت لهل عمر.. و استوعبت انو كل شي عملوه غلط و انو الشي يلي كانو عم يعملوه عمل تأثيير عكسي. انا اليوم عمري ٢٠ و ماني قادرة اوقف التفكير بلتنمر يلي عشته و الحالة يلي وصلتلها الحين.. عندي اكتآب و ما عم اقدر اسامح اهلي عل شي يلي صارلي.. شو اعمل كيف اقدر اسامحهن؟ ما عم اقدر اكمل حياتي صح بسبب هل موضوع
حتى اني كنت عم اتعالج عن طبيب نفسي بس مع الاسف ما استفدت كتير لاني وقفت علاجي لسبب ما.
و بهاذي المدة استوعبت كل شي عملوه فيني و كيف وصلوني لهل حالة ، و الاطرابات و الخ..
حتى اني وصلت لمرحلة اني لما اروح الجيم ما اقدر اتدرب و اقعد ابكي… خلص يعني ما اعد اقدر ولله العظيم انو اكتر من طاقتي. راحت طفولتي بلجيم و الدايت و ممنوع و ممنوع و التنمر. ما اقدر اوصفلكم حالتي النفسية..
وصلت لحالة جداً سيئة و ما عم اقدر انسى الماضي… هاد الموضوع مدمرني و مأثر ع حياتي بشكل جدا كبير و سيء…ساعدوني ارجوكم

تحياتي''