كيف استخدم غسالة صحون ال جي؟؟

السلام عليكم ورحمه الله معليش لا تنقلونه بس اعطوني مهلة كم ساعه لان هنا الاكثريه 🌹
الحمدالله اشتريت غسالة صحون من ال جي وابغى اجربها ذحين لكن فيه 4 اشياء حابه اسألكم فيها .
1 الصابون المكعب من فينش لما افتحه و اطلع المكعب يكون مغلف بغلاف بلاستك فهل ادخله كذا و لا افكه من البلاستك؟
2 مكان الملمع كيف استخدمه؟ لما افتحه القى سهم اقدر احركه على إعداد كاني اختار مستوى شي ، طيب على رقم كم احط السهم؟ و كم بالظبط احط من الملمع؟ كميه قليله و لا اعبيه حتى يتملى؟..
3 الملح اللي جبته زي المكعبات الصغيره "خشن" طيب كيف احطه؟ احله بي مويه ولا على طول كذا اصبه في فتحته؟ لان قريت بعض الردود تقول اذا اول استخدام احطه في مويه مقدار لتر ونص و اصبه في فتحة الملح و مقاطع الفيديو ماشوفتهم يسوون كذا؟
4 كيف اضبط اعداداتها؟ واتحكم بوقتها ومدة الغسيل؟
وبعدين ليش حقين الاجهزه مغفلين؟ جهاز جديد ومعاه كتاب كيفية استخدام معقوله ما القى فيه معلومات مفيده؟ بس مدح في الجهاز و اسماء الازرار و كيفية التركيب و فك الفلتر. اما شرح للازرار كل زر ايش مهامه و شرح كيف اعبي الاماكن "ملمع، ملح، صابون" وشرح كيفية الاستخدام ما لقيتها.
ياليت تجاوبوني حابه اجربها و ارسل رساله عظيمه لخواتي عشان يشترونها 👍😆