موفقين جميعا وان شاء الله نستفيد من بعض اكثر ونكسب خبرات
ابي اجد با الانجليزي لان الحاسب كلة انجليزي يعني مو صعب لكن يبي لي لغة اكثررررررررررررررررررررررررررررررررررررر


تحياتي لكم

سمانة

أختي سمانة ..

اهم شيء في تعليم اللغة الإنجليزية والتقوية فيها والتمكن منها هي ان تكون عندك الثروة الإنجليزية وهي تعلم وحفظ أكبر عدد من كلمات اللغة الإنجليزية ومحاولة قراءة القصص الإنجليزية والمواضيع ومحاولة ترجمتها وعند قراءة أي موضوع إنجليزي أختاري منه الكلمات والجديدة وحاولي حفظها وترجمتها .

حيا الله جميع من اطلت ..
انا أؤيد الجميع .. الانجليزي و أي لغة يحتاج لممارسة مستمرة وهذه الممارسة تكون بمختلف الاشكال بدون ان نركز على جانب دون الاخر ..

ما راح ازيد على اللي قالوه الاخوات الكثير ..
بس مشكلة الانجليزي موجودة وبيعاني منها طالبات كثير .. والمسألة حلها بسيط جدا المهم ان يكون عند الطالبة الرغبة الجادة انها تنجح بدون ماتضعف امام تعقيد المادة وكل شيء يسهل بشوية جد واجتهاد ومتابعة باصرار ..
ممكن اول شيء تعمله انها تمسك المنهج كل unit لوحدها تبدأ تتأمل الصور و تحاول تعبرعنها بجمل بسيطة ..
تنظر الى الصفحة التي امامها بتأمل شديد وتمعن و تحاول تفهم كل شيء واي شيء و من ثم تخطط الكلمات الجديدة و التكلمات التي ليست جديدة ولكن لم تفهمها و تحاول ان تترجمها للعربية و من ثم تبحث في القطعة عن الجمل التي فيها الكلمات التي حددتها و ترجمتها و تترجم الجملة الى الحد الذي يجعلها تفهمها ( يعني مو ضروري كل الجملة ولكن بعضها ) و من ثم تحاول حفظ الكلمات ..

لماذا تحفظها الان لأنها فهمتها .. ككلمة تأتي لوحدها او في جملة .. وتقدر تعمل لنفسها دفتر خاص بالكلمات و معانيها عشان تفتحه باستمرار وتراجع منه ..

في كل unit احنا عندنا معلومات عامة ممكن تجمع هذه المعلومات على شكل اسئلة و اجوبة و اذا كان هنالك شيء صعب تترجمه .. وبكذا اصبح عندها قسم ثاني في دفترها خاص بالمكعلومات العامة .. تقدر كل بعد فترة بسيطة ترجع له و تراجع معلوماتها ..

برضه في كل unit عندنا grammar وهذا القسم الثالث في دفترها هنا تقدر تحول هذه الجزئية الى رياضيات وقاعدات .. وعلى اساس هذه القاعدات تبدأ توزن الجمل الموجودة في الكتاب و تجيب جمل من عندها كمان ..

بالنسبة لموضوع الـ composition تقدر من خلال الاسئلة العامة اللي جمعتها في قسم المعلومات العامة تجمعها وترتبها ويتكون عندها موضوع تعبير .. بس ما عليها الا انها تحفظه ..

وربنا يوفق قريبتك و يوفقك انت كمان يا روزة ..

انا بالنسبه لي صممت على اني اتعلم انجليزي .. لانه واجهتني صعوبات بسببه..

اول شي كنت اسويه اني شريت روايات صغيره وبديت اقرا الجمل... طبعا ماهو شرط تقعدي تترجمي كل كلمه.........لااااااااا..

هذي نصيحة مدرسه لي...

اول شي اقراي بارجراف واحد وحاولي تفهميه بشكل عام وبدون مترجم.. واذا شفتي كلمه تكررت كثير وماقدرتي تفهميها ..ترجميها

واهم شي في الانجليزي انه يكون اساسك صحححححححححححح..

وطبعا يعتمد على مدرستك في المتوسط والثانوي.. ويعتمددددد عليكي بالدرجه الاولى..
مثلا بالنسبه لي كنت احفظ كل الكلمات اللي تواجهني.. بالنطق الصحيح والحروف الصحيحه.. وهذي نصيححححححححححه مني..
واهم شي بالانجليزي انك تتكلمي وبدون اهتمام باللي حولك حتىىىىىىىىىى لو اخطاتي... الخطا ماهو عيب..

وفي مدرسه قالتلي ... اذا مالقيتي احد تتكلمين معه بالانجليزي اجلسي قدام المرايا وكلمي نفسك..طبعا راح تضحكين.. لكن صدقيني راح تستفيدين..

حاولي تشوفي الاخبار بالانجليزي تراها مفيده... وكمان اذا تقدرين تتابعين برامج الاطفال اللي في القنوات الانجليزيه صدقيني بتستفيدين..

اهم شي انه يكون عندك صبرررررررررر وعزيمه.. ترى مو كل شي يجي بسهوله..

واذا تبين اي شي احنا في الخدمه..
والبنات بعد مايقصرون الله يجزاهم الف خير