تركت المطبخ لاني استفدت كثير بالذات بالمطبخ والمطبخ هو عالمي
انا طباخة اجيد صناعة اصعب الاطباق الي تخطر على بالكم وحتى لو ما اطبخها اعرف كيف يسونها واعرف اميز الطعم من تذوقي للاكل (قولواما شاء الله )ومتعتي الحقيقة هي الطبخ وطبعني شجعني بهالشي زوجي الشي الوحيد الي ينتبه له بالبيت هو الاكل طالما اني اطبخ فانا ملكة جمال وامراة رائعة ومافيه مثلي بالعالم (تاكيد لنظرية ان الرجل السعود يالطريق الوحيد لقلبه معدته )
واعتقد ان هذا سبب خلاني ما انتبه للبيت من نواحي ثانية رغم اني احب التنظيف والترتيب لكن مو اني اسويه
أامر الشغالة وهي تسويه وللحين هذا الي افضله
مو مستعدة بصراحة ادعك بالحمامات وانظف الغبار واكنس ارضيات وامسحها او اكسر ظهري بالكي او انظف شبابيك و انظف الفرن والارضيات ويداي تدعكان بوسط الدهون
يمكن بس تحفي حبايبي ولوحاتي مستعدة اهتم فيها بالاضافة لاباريقي الفضية انظفهم بنفسي بالخل وملح الليمون او الليمون او منظف الفضيات واخليهم يلمعون ويبرقون وطبعا زرعي الداخلي لان هذول حبايبي حتة من قلبي
اما باقي شغل البيت سوفاج سوفاج
ولما ماكانت عندي شغالة ما دخلت المطبخ لاني خفت من ان يتوسخ....ومطبخي مملكتي وطبعا النفس السوية تقرف من الوساخة
واكتشف الشغالة الكويسة او السيئة من المطبخ ماهو هو الشي الي انا ماهرة فيه
المرتب مرتب والنظيف نظيف لو تحطينه بالصحراء
اذا ماكانت تهتم بالترتيب بالمطبخ ولا بالنظافة وفوضوية بشغل المطبخ فهي نفس الشي بشغل البيت
انا ماتكلم عن النفس البطبخ لكن اتكلم عن الاعداد للطبخ والتنظيف بالمطبخ وراء الطبخ
بالنسبة لي الحمدلله اصلا مو فوضوية ولا اوسخ كثير لما اطبخ لكن استفدت الكثير من عالم حواء الله يجزاكم خير
اولا نجي للثلاجة
كنت اهتم تكون نظيفة لكن ما مرة راقبت الشغالة كيف تنظفها وليش ان نظافتها ماتعجبني
استفدت منكم طرق تنظيف الثلاجة ومسحها وان هالشي يصير دوري مو على مزاج الشغالة ومتى ما فضت
وان التنظيف يشمل سطح الثلاجة رغم انها مغطية بالدولاب الي عليها تابع لتصميم المطبخ
ويشمل الجوانب وابواب الثلاجة والمقابض والمجرات يطلعونها ويغسلونها وينظفون الي تحتها وافكر الحين افرشها بعد سفرة من تحت لاجل لا تتوسخ
وطبعا ضد فكرة المفارش لانها تغير من تدوي رالهواء باالثلاجة ولا ينصح بها
يوم صرت اقرا لكم اكتشفت ان جوانب الثلاجة من الارضيات وسخة ما يمر عليها التنظيف
ونفس الشي للفريزر استفدت من حركة انك بالذات للرف السفلي حطي سفرة او هذي من اختراعي مدري ههههههه
بالذات ان الرف السفلي اخليه للسمك والربيان (فريزري طويل لوحده منفصل عن الثلاجة لاني افرزن كثير)
السفرة تريحك ما يطيح شي على ارضية الفريزر ويغلبك بالتنظيف ولو طاح شي فهو اكيد للرف السفلي فطبعا الوسخ يتجمع هناك
استفدت منكم كثير بطرق حفظ الاطعمة سواء الخضار والفواكه وتفريزها واني ما اشتري الا حاجتي
حفظ الحبوب والطحين من السوس بالفريزر
حفظ الاكل بالحوافظ لاجل لا يخرب ويكون شكل الثلاجة مرتب
واني انظف الثلاجة بنفسي لاتخلص من التالف وارتبها بسرعة ما ياخذ وقت لاجل اعرف اش عندي وارتب طبخاتي بمكونات طبخي الي بالثلاجة لاجل لا شي يخرب
وافكر اعمل حركة منكم استفدتها وهي عمل جداول للفطور والغذاء والعشاء لاجل اطبخ الوجبتين مع بعض ولا اوسخ المطبخ ولا اجلس احوس افكر اش بطبخ ولاجل اشتر يالمقاضي بما يناسب الطبخة
بصراحة اول اعتمد على الشغالة وتحوس لي المكان حوسة وتشوفون علب الزبادي مثلا من وراء الثلاجة تنتهي مدتها ولا احد يشوفها
او تملي الثلاجة عصيرات او حليب اطفالي الطويل الاجل ومايبقى مكان لشي غيره
وزوجي وراي نشتري ثلاجة ثانية يوم جربت الترتيب ثلاجة تكفينا وتخب علينا بعد وهالشي بعد استفدته من الفلبينيات الي بشغلي من مساحات صغيرة تتفاجئون بالي عندهم
فالحين الثلاجة منظمة اشتري على القد الي يكفيني لاسبوع او اسبوعين حتى لروحة السوبرماكت قيمة وصارت مشترواتنا اقل بدل الي كنت اشتريه وتنتهي مدته او يخرب ويرمى
ارتب الاغراض واوزعها بالي يناسب مثل الخضار والفواكه شريت لهم سلات تكون مستطيلة وطويلة الجوانب وصغير الحجم لاجل لا ياخذون مكان بالثلاجة شريتهم من محل بالحياة مول عند البوابة الي قريبة من بست للاجهزة الكهربائية وهو اصل محل متخصص بالتخزين وياحبي للسلات انيقات ومايخذون مكان وعلى قد القد
ما ادخل خضار الثلاجة بدون تنظيفها مثل اول الشغالة لما نقضي من السوبر ماركت تحطهم كلهم على بعض رغم اني ماحب هالحركة لكن طبعا لاني ما ابي اتعب نفسي خصوصا الاخيرة كانت سيئة وتعاند ومو طايقتها
لكن الحين تغيرت
اول كنت اغسل الورقيات مثلا وانشفها على فوطة خاصة وباخذ وقت والخضار لاحظت تذبل
وقريت مرة بالمنتدى حركة تحطينها بكيس مخدة وتنشفينها بالنشافة لكن ماجربتها
الحين افضل اني بس اغسل الخس لانه يبي له عناية بالغسل لاجل احط عليه معقم او خل واحطه بحافظة بينها ورق بعد ماخليه ينشف على منشفة
لكن باقي الورقيات مثل البقدونس والنعناع والكزبرة والشبت والجرجير الفهم بورق السندويش وبعدها بكيس شفاف لاجل اشوفهم واحطهم واحفظهم بمجر الثلاجة للخضار وبكذا يدومون اطول وكل مرة اطلع الي ابيه واغسله واقطعه
يمكن تلوموني وتقولون ليش هالرفالة
كنت اشتغل للساعة اربع العصر على الاقل واجي البيت تعبانة وابي اذاكر لعيالي واطبخ لزوجي ولهم واتزين واتعدل واخلص اشغالي للعمل ولطلعاتي فما كنت ادقق واترك الشغالة بكيفها
يمكن لهذا يحبوني الشغالات اتركهم بكيفهم ههههههه ويكرهوني لما اجلس بالبيت
ماكنت اتعب نفسيا من شغل البيت الا لما اجلس بالبيت وصارت بسبب ظروف الحمل المفروض اجازة مرضية لاني اشوف العيوب والنواقص والشغل الي اي كلام لكن برضه لاني كنت ممنوعة من الحركة غير اني ما اعرف لطرق التنظيف الصعبة بالبداية واعتقد انه فات الاوان كنت اطنش وانا مقهورة لحد ماتعلمت على ركن التنظيم والترتيب تعلمت من تسبيحة الزهراء ومن الهمة الي فيكم ومن طرقكم ان اتحمس وابدا الشغل بالتدريج حتى رتبت بيتي
نرجع للترتيب
رحت محلات التخزين سواء ساكو او الهزازي او ايكيا او هذا المحل الي بالحياة مول نسيت اسمه واخذت علب حوافظ الي شكلها طويل وماياخذون مكان ينفعون للفريزر وللمخزن وطبعا من دواليب المطبخ فصلت مخزن حطيت فيه كل اشيائي ورتبته بنفسي وصار شي خيالي بالنسبة لي اعرف كل الي فيه واعرف اش ينقصني واش احتاج واش اطبخ
ووفر علي قروش كثيرة
واذ تبيني اتخاصم مع الشغالة خلها تعفس مخزني او ثلاجتي اتوحش واتحول الى المراة الخضراء
واخذت حوافظ تخزين مستطيلات للطحين والسكر وللرز والرز طال عمركم استخدم 3 انواع فهم 3 حوافظ اخذتهم بمقاسات
استخدم البسمتي طويل الحبة واستخدم امريكي او مزة للكبسات واستخدم مصري للمحاشي والكشري والسليق والشوربات مثل شوربة العدس
واستكرات لاجل اعلم على الاغراض لكي لا اتلخبط واجلس افتح كل حافظة بالذات الي بالفريزر من الثلج الي يكون طبقة رقيقة على العلبة ما اشوف الي فيها
وبديت ا تخلص من الاكياس والخياش الي كانت تزحمني وتوسخ المكان وتجيب سوس احيانا
اول فريزري وثلاجتي زحمة بالاكياس واصير ماعرف الي فيها واروح اشتري مثله وهو عندي او العكس
خصوصا اني كنت اشتري بالكميات بدون داعي لقلة النظام
الحين لا
الطحين بس لاني شريت مرة شدة طحين كويتي كان سعرها مخفض وتاريخ صلاحيتها طويل اخذته كمية وحطيته بالفريزر
وكل مرة لما افتح كيس احطه بحافظة تناسب كيلو وكتبت عليها طحين كويتي
وعلبة لجوز الهند
وعلبة للطحين المخمر
وعلبة للسميد وعندي نوعين سميد استخدم الخشن للبسبوسة والناعم للمعمول
وعلبة لطحين الكباب رغم اني ماستخدمه كثير لكن اذا انحفظ بالفريزر ما يخرب
وعلبة للاجبان الي استخدمها بطبخاتي بدل ما كانوا حايسين بالفريزر واذ بغيت واحد منهم اجلس اقلب الفريزر وكلهم اجبان غالية لاني استخدم قشوان وبراميزان وحلوم وشدر غير الموزرلا طبعا )
وعلب للزبيب لاني احفظه بعد بالفريزر
وعلبة
وعلبة للجوز لاني احيانا اشتريه بدون تكسير واكسره بالبيت وعلبة للفستق وعلبة للوز واحطهم باحجام مناسبة وعلبة للصنوبر
وعلبة للرمان المجفف الايراني شريته من المعرض وقال لي الابئع لاجل لا يخرب ثلجيه
وطبعا اكياس الفواكه المثلجة مثل المنجا والفراولة والجوافة استخدمهم للعصير
وخليت فريز الثلاجة بس للاكلات الي مافيها ريحة او رحيتها حلوة يعني مو الايدامات
ومن ضمن هالشي الفانيلا والبيكنج بودر والثلج والمعجنات والاخباز والبهارات الصحيحة وبعد صنفتها بطريقة تريحني لاعرف الي ينقصني
وطبعا للحوافظ اكتب عليها مكوناتها وللي افرزه اكتب تاريخ التفريز واحطهم بمكان باين
وبين فترةوثانية امر عليهم لاجل افضي الحوافظ لاحجام اصغير لاجل اوفر مساحات واعرف اش الي عندي قريب يخلص لاشتريه
ولو تشوفون كيف لما راحت الشغالةبالذات وفرت فلوس حتى زوجي يسالني اش صار السوبرماركت مايحتاج يروحه باستمرار ومشترياتنا للاشيا ءاليومية والبيت انظف
تعلمت منكم ان احفظ حتى بقايا الكيك
لانه يصير احيانا اعمل كيكة مثل الكيك الابيض بيتي كروكر وعيالي يحبونه بيومه يوم ثاني ما ياكلونه وكنت ارميه بعد كم يوم يظل محد ياكله
الحين اسوي لهم وياكلون الي يبونه والي يبقى اخذه والف بنايلون اول وبعدها بقصدير وينفعك لما تسوين شيز كيك او ترايفل او حتى اي نوع من الحلويات الي تحتاج كيك ولا اشتري العلالي الجاهز ولا امريكانا استخدم كيكاتي نفسها الي بالفريزر
وثلجت بقايا كيك شوكلاتة وبقايا كيك ابيض وشفت كم طبخة حلوة لاصرفهم بعضهم من المنتدى
والعجين لما اعمل كمية صرت اثلجه اذا مابستخدمه ويصير احلى من اول مرة بالذات العجين الي فيه بيكنج بودر واكتب على العجينة اسمها بالاستكر لاني كنت فترة افرزن بدون ماكتب وانسى اش الي فرزته مثل الطحين لما احمسه لبعض الطبخات الشعبية او الحليب النيو المحموس الحين كله محفوظ ومعلم عليه بالتاريخ ومرتب
والحين افكر اثلج بيتزا ومعجنات اقراص تنفع ان ادهنها زعتر او اعمل صفايح لحمة مثلا واحطها عليها بسرعة واخبزها ينفعون للكل عيالي بالذات لو ولدت لاني اعرف وقتها ما بعرف احك شعري
ثلجت حنيني العام الماضي استفدت من تجربة بالمنتدى
والسنة هذه ان شاء الله اجهزه واثلجه خصوصا ان عنده كميات تمر تجارية
وطريقته تعملي كل المقدار بالطريقة العادية لكن طبعا بدون زبدة او دهن
افكر احطهم بعلب بيضاء مثل علب البليلة واسخنهم مع الزبدة بالمايكرويف اعتقد اسرع واضمن لا يحترق ولا يصير ناشف
طبعا لا تنسون دايما لما تفرزنون اكتبوا المنتج وتاريخ التفريز وتاريخ انتهاء الصلاحية لو مثلا مستخدمة شي جاهز مكتوب عليه
فيه حركة حلوة ماجربتها ناوية عليها لو فضيت اعمل حركة بالمتتدى واستفيد من قشور البرتقال اجففه واستخدمه اما بالطبخ قشر البرتقال الكبير بالذات يجنن بالمرقات الي فيها لحم (من اسرار الطبخ ياخذ من زفرة اللحم ويعطي ريحة بدون زفورة ) ونفس الشي تقدري تستخدمينه بغلي الرز الابيض تحطين قشر برتقال يعطي ريحة حلوة للرز وطبعا قبل التقديم تشيلينه لا احد يعرف اسرارك ههههه
او بان اضعه باكياس بالثلاجة يعطيهاريحة
اخذت بعد شي من التميمي يحطونه بالفريزر لامتصاص الروائح يبعيونه عند الكاشير وخليته بفريزر السمك والربيان
استفدت
كيف افرزن الثوم وهذه اول مرة اسويها ونجحت التجربة اني فرمت الثوم لانه كان كمية وكنت اتضايق من ر يحته لما ادخل المطبخ (تعرفون الحامل تزيد فيها حاسة الشم )
المهم فرمته وحطيت عليه شوي زيت طعام وملح للحفظ وحطيته بحافظة بالفريزر واخذ منه لطبخاتي
اكيد الثوم الطازج افضل لكن لما تكوني مشغولة ولا تبين بيدك ريحة كذا
وناوية بعد افرز الزنجبيل بعد ما ابشره رغم اني احب الزنجبيل طازج لكن يخرب فقلت افرزنه بحافظة افضل
استفدت هالحركة لكن ماعتقد من المنتدى لاني من زمان اعرفها بالطماطم احطها بماء مغلي وبعدين اقشرها واحاول اتخلص من البذور لو قدرت واثلجها باكياس السندويش واستخدمها للطبخ والمرق والصلصات
مفيدة جدا وتنفع لان الطماطم يخرب عندي لان زوجي وابنائي ما يحبون الطماطم بالسلطة ولا ان يبان بالاكل
وان اعصر الليمون بالذات ابو زهير لما يقرب يخرب وبموسمه يكون رخيص واعبيه باكياس نايلون واثلجه ينفع لعصير الليمون بالنعناع او الشربت او الشاي المثلج بالليمون
وطبعا تثليج الملوخية بفرمها مع قليل من الماء وحفظها باكياس
وسلق الزهرة وبعدخا حفظها بالفريزر تنفع لكوسى بالمباشمل ولمرق الللحم والزهرة المقلية للسندويشات
اشياء التفريز كنت اعرفها من قبل المنتدى لكن المنتدى زاد افكاري ورتبها وعلمني طرق تخزين صحية وفيه موضوع لوحدة من الاخوات بعد بالتفريز للخضار والفواكه مفيد جدا
وصرت انتبه للتفاصيل
للدواليب استفدت كثير من طرق ترتيبكم للبهارات والمواعين
لتنظيف الدولاب من فوق بصراحة عمري ماقلت للشغالة نظفيه اصلا انساه ومايخطر على بالي ياويلي من مفتشات النظافة ههههههههه
والحين ناوية اما احط عليه سفرة او قصدير لاجل اوفر وقت التنظيف ليكون مرة شهريا تعرفون جو الرياض المغبر ولا ابي اعتمد على اخلاص شغالة واعرف نفسي مو فاضية اراقبهم
لكن بكذا مرة شهريا يتغير السفرة او القصدير وانتهينا
وفيه حركة حلوة تعلمتها من احدى الاخوات يكون عندك سطل ( دلو ) تحطينه على سطح العمل او المغسلة وقت الاستخدام لما اطبخ احط به كيس وارمي كل وسخ الطبخة فيه وبعدها اربطه وارميه بالزبالة الكبيرة وهالشي نفعني كثير الزبالة نظيفة ومافيه روايح بالمطبخ
والشغالات الي جبتهم كلهم بعد هالحركة مدري هم متعمدين او وشو ما يرجعون السطل مكانه تحت المغسلة وهالشي يضايقني لاني اسوي كل هالحركات ليظل مطبخي نظيف ومرتب باي وقت ادخله
فيه بعد حركة ثانية اني افرش السطح الي بشتغل عليه بسفرة او اكياس المغسلة الي تجي مع ثياب زوجي وانظف عليها الخضار واللحم والدجاج وبعدها اربطها وارميها وكذا ما اوسخ السطح او الطاولة
اخترعت حركة هههههه وهي انه بجوانب الفرن وقت القلي والطبخ احط جرايد اما اجنبية او اعلانية لاجل لو تناثر شي من الطبخ يكون عليها مايوسخ السطح
لاني ماحبيت شكله بالقصدير يشوه المطبخ خصوصا ان المطبخ يطل على الصالة وان كان مغلق
واستفدت من حركة قريتها انك تفرشين سفرة تبلين الطاولة اول بقليل من الماء لتلصق وبعدها تفرشين السفرة وتعجنين عليها براحتك وبعدها تكبينها بدون ما انظف اسطح العجن لان هذي كانت مشكلة بالنسبة لي ياخذون مكان بالمغسلة
طبعا القصدير على الفرن وهذي اعرفها من زمان لكن ماحسيت بفايدتها الا لما انقلعت الشغالة
والا اول اخليها تنظف الفرن اول باول من فوق
الحين حتى بالشغالة افضل القصدير لاجل لا يخرب فرني
وانتبهت لجوانب الفرن الي ما تتنظف الا بالقول واحيانا كثيرة ما تتنظف رغم ان المنظفات موجودة وما ابخل فيها
ونفس الشي لسطح الارضية الي بجوانب الفرن لان فرني كامل وليس سيراميك و منفصل
انتبهت من كلامكم على افياش الفرن انها تحتاج تنظيف وتلميع وتعلمت منكم طرق تلميعها
وكذلك استخدام الجف او فيري المذيب لتنظيف لفرن
وتنظيف عيون الفرن بطرق مختلفة ذكرتوها
المغسلة اني احط فيها كلوركس باخر اليوم
ترتيب المواعين بحيث يكون الكثير الاستخدام بدولاب واحد او دولاب قريب لاقلل من فتح الدواليب وطبعها توسيخها
حركة تنفع للعزايم انك تجيبين طشت وتحطين فيه ماء ومنظف غسيل للصحون مثل فيري وشوي كلوركس وحتى لي لما اطبخ كميات او انظف دواليب المطبخ
والصحون الوسخة والملاعق والكاسات احيانا تحطينها فيها وتتنظف يوم ثاني تعرفون بالعزايم ماتخلص الا متاخر
استفدت من حركة غسيل الملاعق والشوك وبيالات الشاي وفناجيل القهوة بالكلوركس يخليهم ينظفون ويلمعون
وطرق تنظيف الدلات
انتبهت للشفاطة المسكينة لان الشفاطة ماعمري نظفتها ولا انتبهت لها اصلا رغم اني اهتم اشغلها بكل طبخاتي لاجل لا تصير ريحة بالبيت لكن مافكرت ابد انها تحتاج تنظيف هذي الي بالسقف
الي فوق الفرن اخلي الشغالة تنظفها واستفدت من فيري المذيب ترشيه وتفركي بدون دعك او نفس منظف الافران يفي بالغرض وانها تنفتح وفيها فلتر يتنظف والا ما كنت ادري عنه
طرق تنظيف مكاين المطبخ بمناديل الكلوركس او بفوطة عليها كلوركس ( او هذي من عندي ههههههه بعد مو كل شي من عندكم انا بعد لي اختراعات )
طبعا العملاق الاخضر وهالاختراع ماعرفته الا من عالم حواء والا كنت اشوفه ولا فكرت اشتريه
صرت استخدمه لكل شي بالتنظيف وبالفعل سعره رخيص وفعاليته كثيرة
وبعد صابون الوزير المبشور لملابس الاطفال والملابس الداخلية وناوية اطحنه بعد ماشفت الحركة بالمنتدى لاستخدمه بصورة اسهل
اشياء كثيرة للمطبخ استفدت منها من عالم حواء غير الطبخات طبعا لدرجة اني ماصرت اشتري كتب طبخ الا نادرا
اذا تذكرت شي برجع اقول لكم
وخلاص تعبت من الكتابة الحين
اول ما افضى بصور الي ذكرته لكم
اوعى تغيري الصفحة وشيلي يدك من الريموت كونترول
تابعونا تجدوا مايسركم :42:
ماشاالله تبارك الله عليكي
الله يقومك بالسلامه
ياليت لو تذكري طريقة غسيلك للملابس البيضا والمسحوق الي تستعمليه
الله يقومك بالسلامه
ياليت لو تذكري طريقة غسيلك للملابس البيضا والمسحوق الي تستعمليه
الصفحة الأخيرة
-أنامل ناعمه-
مشكورين اخواتي على مروركم وتشجيعكم