الله يقومك بالسلامه لاتتأخرين علينا بغسيل الملابس

ماشاء الله لاقوة الا بالله الله يحفظك اختي ويخليك ويرزقك الصحه والعافيه والذريه الصالحه ويقومك بالسلامه بجد موضوعك استفدت منه كثيييييييييييييييييير وحطيته بالمفضله الله يخليك وطمنينا عليك اختي وان شاء الله ماتشوفين شر

بنتضار طريقة تغسيلك لملابس ...غسالتي توماتك ويارب تكوني مثلي

السلام عليكم

مشكورات اخواتي لتشجيعكم والاستفادة لنا جميعا طبعا
واستفيدوا من وحدة كانت عليمية


الشي الوحيد الي لما راحت الشغالة واحتست فيه كان الغسيل

ببيت اهلي عمري ماغسلت ولما تزوجت غسالتي اوتامتك وكانت عندي شغالة من لما كنت حامل باول طفل لي الله يحفظه وبعدها توالت الشغالات وكل وحدة تعلم الثانية على الغسالة قبل لا تمشي


يعني مضت سنوات وانا ماعمري غسلت شي الا اذا سافرنا احيانا اغسل على يدي وهذي مايبي لها فناتك ولا شطارة



المهم رحت للغسالة اول ماانقلعت شغالتي وتحملوا القصة لاجل اشجعكم انك ممكن تكونين صفر وتتحولي الى خبيرة

وكانت منقعة ثيابها فيها وحتى الماء ماكبته منها


كنت جايبة شغالة ايجار قهرتني اني يوم وريتها الغسالة ماعرفت لها كيف يشغلونها فردت علي باستهزاء ماتعرفي للغسالة ومنها كرهتها ولا اتفقت معها يعني لازم الاحراج
لو اعرف ماتاجرت حضرتك


المهم احتست وافتكرت الغسالة خربانة وبعد محاولات لان كتلوجها ضايع عرفت كيف يشغلونها وكبت الماء وطبعا رميت ثياب الشغالة


المهم اول غسلاتي كانت سيئة البقع ماتروح
ثياب داخلية لزوجي صار لونها اصفر من الكلوركس
بعدها عملت حملة لاتعلم الغسيل وشكرا لعالم حواء



باختصر عليكم مباشرة للغسيل وغسالتي اوتامتك

الغسالة العادية افضل لكن متعبة لك كربة منزل

الغسالة بعمود افضل من الغسالة بدون عمود وهذا من راي بياعين الغسالات نفسهم وجربت الثنتين الي بعمود الامريكي افضل

الياباني او الشرق اسيوي كله ازرار ومعقد بالغسيل ويخرب بسرعة

الغسيل بالماء العسر يفرق عن استخدام الغسيل بالماء العذب
الماء اذا عسر ماينظف الثياب الا من العرق والروايح لهذا اي بقعة بلثياب غسليها على يدك بصابون قوالب وبعدها رشي عليه فانش
ثم اغسليها بالطريقة المعتادة وطبعا تستخدمي كمية اكبر من الصابون
والاملاح تخرب الماء

لهذا نصيحة الي منطقتها ماء عسر تركب نظام تحلية لتحفظ مواسيرها وغسالتها


الماء العذب كمية اقل من الصابون وطبعا الثياب تنظف من البقع ومايكون عليها بقايا صابون


حاولي ماتراكمي الغسيل

1) التصنيفقسمت الغسيل الى 4 اقسام

وشريت مقسم للغسيل من ساكو وهي سلات 3 قماش باطار يتعلق عليه ثياب وفيها عجلات
وصرت اعبي الكيس القماشي يوميا من ثيابنا واذا امتلا بدئت بالغسيل



القسم الاول الابيض واضع معه الملابس الفاتحة

القسم الثاني الملون وبرضه احط عليه الثياب الفاتحة (يعني الثياب الفاتحة اغسلها بيوم الملون او بيوم الابيض )
القسم الثالث الغامق والاسود بما فيه الجنز والملابس الي فيها احمر غالب عليها يعني الي اخاف تطبع الوان على الثياب
جاتني شغالة من رفالتها تحط الجينز على الملون وخربت لي الثياب لان الجينز يطلع لون بالغسيل

القسم الرابع للغسيل اليدوي وبالنسبة لي قليل لكن مثلا للستيانات بحديد للشيفونات والحراير لثياب عيالي الغالية الي اخاف عليها ،للعبايات والطرحات
لبعض الملابس الملونة لكن صعب غسلها مثل اي باكمام بيضاء وهي لونها اسود او احمر

لو غسلتها مع الابيض بيبهت اللون الغامق ولو غسلتها مع الاسود الابيض ما بيصير زاهي

الغسيل اليدوي مو معناها اني اغسلهم على يدي دايما الا للقطع الاخيرة متعددة الالوان
لكن اختار نظام الغسل اليدوي الي موجود بالغسالة




2) درجة حرارة الماء
الماء الحار يستخدم للغسيل الابيض المتسخ
الماء الدافئ هو الي تستخدميه دائما للغسيل ويستخدم للملابس الملونة والبيضاء الي مو متسخة كثيرا

الماء البارد يفضل للغوامق والاسود لاجل لا تبهت الالوان ويصير غسيلك امن


الشطف دايما اعملوه بنظام الماء البارد



3) مساحيق الغسيل والمنظفات

من تجربة ايريال الافضل للملابس البيضاء وبعده تايد (وهذه استفدتها منكم ياعالم حواء )
ولان اسعارهم غالية بالنسبة لباقي الصوابين ولاجل خصائص صابون الوزير من تعطير وترطيب وتنظيف وللتوفير بعد

صرت اخلط اريال مع الوزير بنسبة ثلث الوزير لثلثين ايريال


للملون استخدم تايد او اي صابون عندي يعني بيرسيل او داك او بونكس الي يعجبكم
الافضل ماتستخدمون صابون به مبيض لاجل لا يبهت الالوان


للاسود اذا اسود غالب عليه فالافضل بيرسيل للعبايات
لكن عيب بيرسيل ان اصلا به صبغة سوداء لهذا تخافوا على الثياب الغامقة من الوان اخرى فاستخدموا اي شامبو غسيل ولا يهمكم الماركة بهذا اختاروا الارخص حتى لو شامبو شعر وانا اهتم بالريحة الي صابون ريحته حلوة استخدمه
اهم شي يكون سائل ولا يحتوي على مواد مبيضة

بطلت استخدم كلوركس بغسيلي بعد تجاربي الفاشلة معه
واستخدمه فقط لتعقيم الغسالة بين فترة واخرى مع قليل من الماء وايضا بتنظيفها

الافضل منه فانش واخذ من فانش نوعين
نوع بالحبيبات المطور للون الابيض واستخدمه فقط للغسيل المتسخ جدا مثل الجوارب ملابس عليها دم او شوكلاتة

والنوع الثاني السبري استخدمه للبقع مباشرة ارشه عليها وراميها بالغسالة مريح جدا


واذا انتوا تحبون التعقيم تقدرون تستخدمون ديتول احيانا وقت غسيل الملابس الداخلية بالذات مقدار بسيط جدا
وبيني وبينكم ماله داعي الصابون والماء الحار بيقتل الجراثيم

وطبعا منعم الغسيل وبالنسبة لي لا استغني عنع رغم ان كثيرات مايستخدمونه لكن من تجربة الثياب تفرق



4)نجي للغسيل

للابيض

اول اجهز نظام الغسالة للماء يكون دافئ بمعظم الاحيان وشطف بارد الا طبعا لو الثياب متسخة مثل ترنجات عيالي لو هي بيضاء ولاعبين كورة وجواربهم واذا ثياب فيها بقع هذي وقتها استخدم الغسيل الحار

واجهز النظام يكون اقل كمية ماء والسبب اني بجهز خلطتي من ايريال وصابون الوزير لاجل يختلطوا بالماء قبل الغسيل والسبب لاجل لا يبقعوا الثياب بالذات من الوزير

طبعا لو عندك اطفال رضع او بس ملابس داخلية فاتبعي نصيحة احدى الاخوات بطحن صابون الوزير لتستخدميه لوحده فقط ونفس الشي خليه يدور بالغسالة لو دورة واحدة قبل الغسيل

باثناء هالوقت انت تفحصي الثياب

المتسخ وسط ترشي عليه فانش السبري وترميه بالغسالة
العادي الي مافيه بقع ترميه طبعا مباشرة
البقع الثقيلة افضل تغسليها بيدك بصابون قوالب وبعدها برشة من فانش

وافضل من النقع
جربت النقع مامنه فايدة الثياب ماتنظف الا لما تفركيها بالصابونة حتى لو هي بقع دم او شكولاتة او حتى بنزين او اسفلت الارض

ومن هذا الجوارب
واحيانا زيادة بالحرص اقلب الجورب بحيث تكون الجهة المتسخة للداخل واحط فيه رشة من الصابون وفانش المطور للبقع المخصص للغسيل الابيض وارميه بالغسالة وهذي الطريقة اعملها غالبا بالذات لما ماي كون عندي وقت ازيل البقع بالصابونة


وطبعا تزيد ي الماء من نظام الغسالة بالمقدار الي يناسب الملابس
ضروري كلها تتغطى بالماء الي به صابون

تدور الغسالة دورتها العادية وانا على حسب وقتي ونوعية الثياب اخليها

ثياب زوجي مثلا اخليها على النورمال او الغسيل العادي لان نوعية القماش رقيقة مو مثل الاقطان

وافضل عادة اغسل ثياب زوجي بروحهم كل ماجمع اربع ثياب غسلتهم له بنظام اقل كمية ماء وبثياب زوجي ما استخدم الوزير بس ايريال وللبقع فانش
لكن الاقطان احيانا اخليهم فوق النورمال يعني غسيل اكثر مدة ( كله بازرار الغسالة) بالذات للابيض اعطيه وقت اكثر بالغسيل

واحيانا لما اكون مستعجلة او تعبانة اغسل ثيابي مع الغسيل الابيض لكن هذي بوقتها ما اضيف اي لبس ملون
وللماء العذب لا تكثرين الصابون لاجل لا تصير الثياب خشنة الا طبعا لو الثياب متسخة مرة

اول كنت اتقيد بالي مكتوب على العلبة الصابون مايلحق عندي والثياب تصير خشنة
الحين احط بالنظر احيانا نصف كاس لمقدار يعتبر كبير من الماء
اهم شي يرغي وان كل الثياب فيها صابون


الغسلات الاوتامتك فيها فتحة او فوق العمود حفرة لمنعم الملابس

الافضل من بنات عالم حواء الازرق من داوني او كومفورت

تحطينه بالمقدار العادي وقت ماتجهزين الغسيل

لو عندك مزاج بالذات لما تغسلي الشراشف والفوط وجلالات الصلاة مهما كان لونها
لا تحطي المنعم بالفتحة المخصصة
خليه بالشطف الاخير م اول خفف%uu064Aه بالماء ( لا تصبيه مباشرة ) احد غلطاتي مثلا اني كنت اصبه مباشرة على الثياب ويطلع لونها ازرق طبعا يروح لكن يحتاج تغسلينه من جديد
ولما تخليه بالماء خليه فترة لهذا افضل اغسل هذول بالليل واخلي عليهم منعم الملابس مع الماء ينقعون فيه وبالصباح اشطفهم مباشرة بدون غسل
34وفي الريحة الي تدوخ والفوط الناعمة وتبقى ريحتها مدة طويلة
ومايحتاج توقفين عند الغسالة حتى لو كملت دورتها العادية
بنظام الاوتامتك فيه شي اسمه الشطف الاخير او spin هذا يعبي الغسالة ماء وبعدها تدور الغسالة ويتخلص من الماء وويجفف الملابس يعني تقدرين حتى لو الثياب تشطفت بالماء ترجعين لنظام الشطف الاخير وتحطين المنعم وتطفين الغسالة او لوهي فيها نظام توقيت بالغسل تخليها تدور بعد اربع ساعات مثلا

عن نفسي مافيها هالحركة فاطفي الغسالة او افتح بابها و بالصباح نكمل دورتها
وهالشي مهم لهم بالذات لان المجففة الكهرابئية تطير ريحة الكومفورت احيانا لكن بهذه الطريقة حتبقى الريحة والنعومة


طبعا لما اكون مستعجلة وصارت اكثر من مرة اغسلهم مع منعم الملابس بالطريقة العادية وبصراحة مايبقى اثر له مثل الطريقة السابقة بالذات للفوط لانها تحتاج كمية اكبر

او تقدرين تحطينه بماء الشطف النهائي ويكمل دورته وبعدها خلاص تطلعين الثياب وتنشريها او تحطينها بالمجففة
لكن مو مثل نتيجة النقع لو على الاقل ساعة تصير الريحة ثابتة وباينة

الغسيل الملون مافيه تعقيدات كثير
لكن استخدم عليه سبري فانش للبقع
ومرة بقعة دهنية الظاهر صلصة حمراء وبها زيت بقميص قطن لولدي كان ملون فاتح يعني على ابيض وكم لون وهذه غسيلها صعب وكنت مستعجلةوتعبانة فاللي شفته بوجهي بخاخ 409 وهو يوازي فيري المذيب رشيته علي البقعة ورميتها بالغسالة مغامرة والبقعة راحت بدون دعك اصلا رغم ان الغسيل كان بماء عسر بوقتها وبغسالة اوتامتك الي بدون عمود و لا تنظف البقع

وطبعا تستخدمون صابون ارخص من ايريال وبدون مبيض وبونكس او بيرسيل او داك كويسين

واذا انت من نوعية الي تاخذ صابون واحد فاختاري تايد للجميع




الغسيل الاسود والغوامق مثل الجنزات الغامقة

اغسلهم بنظام الماء البارد او الدافئ على اسوا تقدير
واستخدم لهم شامبو غسيل سائل
وطبعا مايحتاجون مزيل بقع الا باقل حدود وما مرة اذتكر اني رشيت فانش على ثياب سوداء


الغسيل اليدوي اختار نظام الغسل اليدوي بالغسالة واغسلهم بالطريقة المعتادة
واذا كميتهم قليلة غسلتهم يدوي على يد الشغالة وعادة هذا الي يصير بالذات ستياناتي الحديد صرت اغسلهم بحمام غرفتي مباشرة بعد السباحة على يدي وما يلحقون ينشفون بسرعة واحطهم بالدولاب

للغسيل فيه نقطة مهمة

لما البلوزة مثلا بها رسمات كثيرة ومابها بقع من الامام اقلبي الثياب واغسلي لاجل لا تختر ب الرسومات او النقوشات بالذات لو فيها لمعات او اشياء بارزة

وهذا بعد للملابس الداخلية اغسلها مقلوبة لان لو بها وسخ فالوسخ حيكون من الداخل لهذا اعرضه هو للصابون بينما الخارج يمكن يكون ملون وعليه رسمات او اي شي
الجوارب لو متسخة جدا علمتكم طريقتي
والا تغسلينها بالجهة الوسخة مقابلة للخارج لاجل تنظف من الصابون

الجنزات بالعكس اغسلها وهي بشكلها العادي

5)التجفيف

للابيض بالذات النشر بالشمس او بغرفة تطل عليها الشمس وتيار هواء هو الافضل يقتل الجراثيم والابيض يكون ناصع اكثر

او
المجففة الكهربائية

لكن مو كل شي بالمجففة
لو تقرون الورقة الي على الملابس تلاقون الثياب الي مكتوب عليها لا توضع بالمجففة
وهي الاصواف والقطنيات والحراير (الشيفونات )
ونفس الشي الاشياء الي فيها استك او مغاط مثل الملابس الداخلية
ولا الستيانات الي فيها ا حديد

وياما الشغالة خربت لنا ثياب او انهت عمرها الافتراضي او بيجامات لعيالي او فوانيل صارت مهترية ورقبتها عريضة او تكش من المجففة

او ستياناتي يطلع حديدها او السراويل الداخلية يخرب المغاط الي فيها بسرعة وترمى رغم انها مو سيئة



افضل شي بالمجففة الجينزات تطلع حارة وبسرعة تطويها وهي كيها صعب ومزعج
والفوط والشراشف والبطانيات تطلع ناعمة وتوفر عليك وقت نشر ومناشر لانها كبيرة

العبايات لكن لا تطولي عليها

ثياب الرجال ماجربت وما ادري من تجاربكم تنفع او لا للحين انشر على المنشر لانها تجف بسرعة لكن ما ادري بوقت الشتاء اش بسوي
لسة انتظر اقرا من خبيرات انها تخرب او ماتخرب



ولاي سؤال انا حاضرة

مشكوورة............. ماقصرتي كفيتي ووفيتي .............اصيلة والله