كيف استمر ياحلوين

اول شي جيبي لك جهاز اوربتراك بالبيت حطيه بغرفة عيالك حطيلهم العابهم او شغلي لهم التلفزيون وينشغلون عنك وانتي تمرني عندهم ماحد يحمسك غير نفسك لاتقولين قروبات ونادي اذا ماجا الحافز والدافع من نفسك صدقيني ماراح تلتزمين حاولي تتحركين كثير العبي مع ولدك تحركي بالبيت قللي اكل غير صحي وان شاء الله بتنحفين غيري من نفسيتك شوي اقري سوي رياضه لاتفكرين غير بالاشياء الحلوه وربي يشرح صدرك وينحفك من غير شر

😭😭😭😭
لي ثلاث سنوات عجزت انحف وارجع كما كنت

شكراااا من كل قلبي ربي يسعدك

الحل في انك تعملين تغير جذري لنظام حياتك كامل
فكرة الرجيم لحالها تجيب الهم وتحسسك بالضغط النفسي والعصبي زيادة على تعب مابعد الحمل والولاده
اللي اقصده لا تسوين رجيم
اللي انصحك فيه ويكون اسلوب ونظام تستمرين عليه مدى الحياة
هو انك تطبخين لبيتك اكل صحي ومغذي وتاكلين منه لكن بكميات اقل
ولا تدخلين لبيتك الحلويات والشبسات والمعجنات والعصاير المحلاه خليها مره بالشهر كميه بسيطه اذا اشتهيتوها
لا تقلين في زيت عميق استبدليه بالمشوي بالفرن او القلايه الهوائيه
لا تكثرين زبده وسمنه في الطبخ اكتفي بكميه بسيطه جداً
لا تشترين مايونيز وحلاوة طحينيه ونوتيلا وقشطه وكريمه عشان ماتضطرين تستخدمينها
وعودي نفسك مشروباتك الساخنه تضيفين لها سكر قليل بالتدريج او استبدليه بسكر ستيفيا
وكذلك الحليب والعصاير عودي نفسك تقللين منها واذا بتشربين يادوب كوب متوسط
واعتمدي نظام نص الكميه في كل وجباتك سواء فطور غداء عشاء
واهم شي مع كل وجبه كلي طبق سلطه خضراء مشبع
يعني مثلاً الرز والمكرونه والجريش بدال ماتاكلين 10 ملاعق خليها 5 ملاعق
الساندويشات الفلافل والشاورما وغيرها بدال ماتاكلين 2 خليها 1 فقط
الجبن واللبنه بدال ملعقتين خليها ملعقه وحده فقط
الفول والعدس والحمص والفاصوليا كذلك خليه نص الكميه اللي كنتي متعوده تاكلينها بالعاده
واحرصي انك تستبدلين الخبز والتوست والصامولي الابيض بالبر الاسمر او الشوفان عشان الالياف اللي فيه تحسسك بالشبع
السلطه مع كل وجبه بتساعدك تحسين بالشبع ومع الوقت انتي بتتعودين على الاكل الصحي وكميات معتدله
واكيد مارسي اي نوع رياضه وانصحك بالزومبا او الخمسه ميل تلقينها باليوتيوب
ولا ترهقين نفسك تدرجي في البدايه 10 دقايق ثم زيدي عليها الى ان توصلين 30 او 40 دقيقه حسب استطاعتك
ولا تسوين رياضه كل يوم عشان مايجيك اجهاد وملل لازم تخصصين لك يومين راحه على الاقل

ونسيت اقول لك خذي فيتامين د جرعه يوميه خفيفه 1000 أو 2000 وحدة بعد الوجبه وبشرط يكون فيها دهون صحيه كميه بسيطه عشان جسمك يمتصه مثلاً ملعقه صغيره زيت زيتون مع السلطه
لان اذا فيتامين د ناقص الجسم يميل الى تكديس الدهون ويصير الايض او الحرق خامل بالجسم
وكذلك خذي كبسوله فيتامينات ومعادن متعدده مثل سنتروم واستمري عليه الى ان تخلص العلبه
ترى نقص الفيتامينات والمعادن مع سوء التغذيه بالوجبات السريعه اللي مافيها فوائد الجسم يتعب والنفسيه تتدمر ويجي اكتئاب