الابريق هذا مو للاسبريسو هو للقهوه الامريكيه وهي عباره عن اسبريسو مخفف بمويه
(شكلها في النهايه يكون مثل لما تحطي نسكافيه مع مويه بس طعمها احلى)..
القهوه اللي عندك ماتنفع هذي للاجهزه الكابتشينو والاسبريسوا .. الابريق يحتاج القهوه البودره او المطحونه .. وطريقتها مثل ماقلتي ..

جزاك الله خير اوراق الزمن

طيب ممكن توضحي لي بصورة او اسم نوع معين من القهوة التي تنفع لهذا الابريق؟

وايش اعمل بالقهوة اللي عندي اللي لالة القهوة الكهربائية كيق استهلكهم بدل ما ارميهم

اي قهوه اسبريسو مطحونه تنفع .. عندك ستاربكس او كاريبو او سكند كب ممكن تشترين منهم القهوه مطحونه او هم يطحنونها لك او الموجود بالسوبر ماركت مكتوب ليها اسبريسو او كابتشينوا ..
اما اللي عندك ماادري كيف تتصرفين فيها ..

شوفي بدل ما تروحي تشتري جربي فكي وحده من الي عندك وسوي فيها

يعني فكيها وطلعي القهوه الي فيها وجربي .. حرام تروحي تشتري جهاز لها وبرضو حرام تخليها

قهوه الاسبريسو مشتريتها من جيان علبه خضراء وفيه عليه حمرا كبيره وغطاها ذهبي

اسوي فيها الاسبريسو والامريكيه و الكابتشينو .. الفرق بينهم كميه المويه للقهوه وللكبتشينو اضافه الحليب

للمعلوميه الامريكيه والكابتشينو اسويهم بجهاز اما الاسبريسو اسويها عادي على النار

الي عندك اسويها فيها الامريكيها ما جربت الاسبريسو فيها .. جربي وخبرينا

حبيبتي ... ابريق الاسبريسو او القهوة الايطالية .... مختلف ... يكون عبارة عن طبقتين ... تحطي الماء في الاسفل لحد الصمام وبعدين تحطي القمع عليه وتحطي القهوة فيه ... تملينه كامل وتسكري عليه باقي الابريق ... وتضعينه على النار وبس يغلي تخفضي الحرارة وتخليه لحد ما يروح صوت الغلي ... بتلاقين ان القهوة ارتفعت بالجزء العلوي وتكون جاهزة .... تصب في الاكواب الصغيرة ... وتحلى بالسكر حسب الرغبة ....
حلوة للي يحب القهوة القوية ...

واقراص القهوة ... هذي خاصة بآلة خاصة .... تضعين فيها الماء .. وهي تسخنه ثم تضعين اقراص القهوة وتسكرين عليها ... تضعين الكوب في الاسفل وتضغطين زر كوب صغير او كوب كبير ... طبعا حسب نوعية الآلة ... و تصب القهوة في الكوب وتكون جاهزة .... ثم تفتحين الآلة وترمين قرص القهوة ... وتحطين غيره لعمل كوب ثاني وهكذا .....
هذي الآلة حلوة لأنها سريعة وتصلح للي يشرب قهوة كثير .... وتقدري تشتري اقراص منوعة من القهوة وبنكهات طبعا لازم تناسب الآلة ....
بس مدام انك اشتريتي الاقراص وما عندك الآلة ... جربي تحطين قرص بالكوب وتصبين عليه الماء المغلي وتخلينه شوي لحد ما تطلع النكهة ثم يكون جاهز للشرب ...

والابريق اللي حاطة صورته بالبداية ... هو ابريق القهوة الفرنسية ...

اول شي افتحي الابريق .... وضعي القهوة ... ويفضل تكون مطحونة وسط وليست ناعمة ... ماركة فولجيرز حلوة خصوصا المحمصة تحميص فرنسي .... تلاقينها بالسوبرماركت .... ضعي مقدار القهوة بالابريق .... ثم تكونين مجهزة ماء مغلي تصبينه على القهوة .... سكري الغطاء بدون ما تكبسين القهوة ... وانتظري 4 دقائق ثم اكبسي الغطاء على القهوة بهدوء ... ثم صبيها او قدميها ...