كيف اسوي بالفول الحب الناشفة الغير معلبه

up

وعليكم السلام ورحمة الله وبركاته

مدري وش اللي تبينه بالضبط

اذا قصدك طريقة استخدام الفول الحب اللي يجي لونه بني اول شي لازم تنقعينه بمويه وشوي بيكربونات الصودا من الليل الى اليوم الثاني

ثم غيري المويه وحطيه بالقدر العادي او الضغط على النار ينسلق الى ان ينضج

بعدين استخدميه حسب رغبتك

مثلاً شوحي له بصله مفرومه وثوم وزيت وكمون وكزبره ناشفه وفلفل اسود وملح وطماطم ثم حطي الفول المسلوق وقليل من موية السلق وحركيه وغطيه 10 دقايق يتشرب النكهات وقدميه مثل ماهو مع بقدونس وعصرة ليمون وزيت زيتون او افرميه بالخلاط اما ناعم او خشن وقدميه مع خبز .
او سويه مثل المطاعم اطحني الفول المسلوق بالخلاط مع رشة ملح وفلفل اسود واتركيه على جنب

وجيبي حمص مسلوق البليله حطيه بالخلاط الكهربائي مع فص ثوم وطحينه سايله وملح وفلفل اسود وعصير ليمون وقليل مويه اضربيه بالخلاط ثم صبيه في صحن التقديم ثم حطي فوقه الفول المطحون ورشي على الوجه كمون وسماق وزيت زيتون وبقدونس وطماطم مقطع وقدميه مع خبز .



والفول الناشف تقدرين تستخدمينه للفلافل مجرد تنقعينه ثم تستخدمينه مع الحمص المنقوع الكميات النص بالنص ثم اضيفي له باقي مكونات الفلافل حسب ذوقك مثل بصله وكزبره وشبت وثوم وملح وكمون وفلفل اسود وافرميهم واتركيه يرتاح بالثلاجه كم ساعه ثم استخدميه .

تغسلينه وتنقعينه ليله كامله وتغيرين المويه كل ثلاث ساعات عشان ما يعفن وبعدين تغسلينه وتحطينه بقدر وعليه مويه وتطبخينه لين ينضج مع التحريك عشان يذوب بعدين تسوين كشنة بصل ثوم طماطم صلصه بهارات وتخلطينها معاه

تسلمون حبيباتي