أم حمودة2
•
أول شي حبيبتي ادعكي السمكة بالملح من خارج وداخل وبعدين اغسليها منيح وخليها تصفي المي شوي بعدين عملي فيها شقوق عرضية صغيرة 3 من كل جنب او 2 حسب حجم السمكة وملحيها من جوى وبرى وتبليها بشوية كزبرة يابسة مطحونة يعني تقريبا معلقة صغيرة وشوية صغيرة كمون نص معلقة صغيرة وشوية بهار مشكل(بهار حب حلو +كبش قرنفل+هيل+قرفة+فلفل أسود) تقريبا نص معلقة صغيرة وجيبي فصين توم ودقيهم وامسحي السمكة بالتوم من برى وجوى والشقوق طبعا يعني ادعكيها بكل البهار والتوم بعدين اعصري ليمونة واعكي السمكة بالعصير وقطعي شرايح ليمون وحطيها بالشقوق الي عملتيها بجسم السمكة وجوى السمكة وحطي جوى السمكة ورقتين غار وكم ورقة ريحان اذا عندك بعدين ادعكيها بشوية زيت زيتون من برى وجوى وحطيها بصينية وغطي الصينية بورق قصدير وساوي براس السكينة 3 شقوق صغار بالقصدير وبعدين دخليها الفرن لمدة 40 دقيقة بعدين اكشفي السمكة لتنشف وخليها 10 دقايق وبعدين طلعيها وحطيها بصحن تقديم وصحتين وهنا
الصفحة الأخيرة