بصراحه انا ما اعرف اتكلم مع زوجي ولا افتح معاه اي موضوع
لا تستغربون هو من النوع اللي على الصامت طول الوقت
ووقت اجتماعنا اما على الغداء او قهوة العصر او العشاء غير كذا برا البيت
فلما اشوفه مايكون عندي سالفه غير يوميات عيالي
بعكس اخوه اللي كان مثله ولما تزوج صار واحد جديد
مستحيل يروح مكان والايقابل احد الا رفع تقرير مفصل لزوجته
واللي بطلع نخل في راسي انه مايطلع من البيت الا للعمل من يجيب سوالف؟؟؟؟؟؟؟!!!!!!!!!!!!!
واللي بلقح النخل اللي بيطلع في راسى زوجته تجلس بالساعات معاه على الجوال ودي اعرف وش يقولون عارفه
بتقولون زوج وزوجته انتي وش حارق رزك ؟!
انا اقولكم وش حارق رزي
النار اللي في قلبي بكل صراحه
الحين زوجي مسافر لما اكلمه ما ادري وش اقول انا والعيال بخير ماعلينا قاصر والمصروف يكفي
من كلمك اليوم؟(طول اليوم مشغول ماكلمت احدولا كلمني احد)
واكتشف من زوجة اخوه ان يومه كان مليان احداث لما اساله يقول مااحسه يستاهل اني اقوله اساسسن نسيته من وقته
ابي حل !ابي مواضيع اثيرها معاه تطلع المكنون اللي داخله :angry2::angry2:
لميــــــــــس @lmys_44
عضوة نشيطة
يلزم عليك تسجيل الدخول أولًا لكتابة تعليق.
the*wife
•
والله هي طبيعة في الرجل ويزيدها طبعا الزوجة إذا هي ماعندها بربرة طبعا بيسكت الرجل بس أنتي أسأليه وش سويت اليوم برا البيت ؟ وش الأكلات المفضلة لك ؟ وشلون أهلك و ش عندهم من جديد ؟
إنتي أنكشيه شوي
إنتي أنكشيه شوي
بونكس ينظف اكثر من التايد
خخخخخخخخخخخ
تبين تغسلين مخ زوجك ياقمررر
واللّه ما عندي شئ افيدك به
لاني ابي بعد مهندس لاعادة برمجه المخ
ولا لقيت
خخخخخخخخخخخ
تبين تغسلين مخ زوجك ياقمررر
واللّه ما عندي شئ افيدك به
لاني ابي بعد مهندس لاعادة برمجه المخ
ولا لقيت
الصفحة الأخيرة
سولفي عن اي شي....اليوم طلع برنامج عالقناة الفلانية وجابوا فيه تقرير عن فوائد العسل مثلا...والا اخطار مرض كذا...
اليوم بالاخبار مكتشفين علاج للسرطان...
قولي كلمت فلانة وفلانة وعزمت فلانة...(((وقعلا تواصلي مع الناس خلي لك حياة اجتماعية مو بس بيتك وزوجك وعيالك))
ماالومك لوماتلقين سوالف وانتي حاشرة نفسك بهالبيت وبين عيالك ....زوري الجيران زوري الاقارب من باب صلة الرحم حتى لو بينكم مشاكل...اذا لك صديقات مقاطعتهم زوريهم...جيرانكم
نكتي مع زوجك ....احفظي لك كم نكتة من النكت الجريئة....سولفي عن عيالك...قولي والله عيالي مشتاقين لك وامهم مشتاقه اكثر...خليك جريئة واذا هوعالصامت انتي صيري عالعام!!:22::22::22:
سولفي عن مواقف عيالك اللي تضحك وعن أهلك((انتبهي مو تطلعين مشاكل اهلك))سولفي الاشياء الحلوة ...
اساليه ووين رحت ؟؟تغديت ؟؟ مع من جلست؟؟
حاولي لاتكثرين معاه مكالمات عشان تجتمع سوالف....
وعلى فكرة ترى كل المتزوجين الا مايصير بينهم روووتين وغالب الرجال عالصامت....انا زوجي صامت بس اسولف عليه ومسلية نفسي بنفسي...وتعودت على طبعه