كيف اسوي قهوة الشعير

ينقل لاطباق عالم حواء

هلا أختي نفوذ


طريقتها سهله ،، وروووووووووووعه أطعم بكثير من القهوة العادية : ضيفي ملعقتين أكل من قهوة الشعير أو ثلاثه الى ثلاث أكواب ماء مغلي وأتركيها تغلي خمس دقائق وبعدين ضيفي الهيل الخاص بقهوة الشعير تشتريه جاهز من العطار من نفس المكان اللي اشتريت منه قهوة الشعير لأنهم عادة يبيعوا بهاراتها معاها أو سويه في البيت افضل ( زنجبيل + قرنفل + زعفران + هيل + قرفه + نانخة بس الأفضل تطحني النانخة لوحدها وتضيفي للقهوة كمية صغيرة جدا بطرف الملعقة لأن مذاقها بيبين بالقهوة وبيلغي لك كل نكهتها ومو الكل بيحب طعمها والكمية من كل نوع تعتمد على ذوقك كثري الزنجبيل أذا تحبيه أكثر أو الهيل ،المهم فنجان لكل نوع ماعدا القرنفل والقرفه نص فنجان ) ، وبعدين ضيفي من المقادير السابقة بعد طحنها ملعقتين أو أقل شوي للقهوة وأتركيها تغلي من خمس الى عشر دقائق .

يعني كل مدة غليها ربع ساعه أذا كان الماء مغلي من الأول .. ممكن تزيدي بكمية قهوة الشعير أو كمية بهاراتها أو تنقصي حسب ذوقك لانه بيعتمد على اذا كنت تحبي طعم القهوة مبين أكثر أو بهاراتها وبتعرفيه بعد ماتتذوقيه كذا مرة .

وبالعافيه


:) :26: واي سؤال أنا حاضرة .

هلا وغلا بكتله حنان الغاليه

كفيتي ووفيتي يالطيبه

شرح تجازين عليه بالخير ثم الجنه باذن الله


لكن سؤالي بما انك من الرياض مثلي

وين ألقى الهيل الخاص بقهوه الشعير عند اي عطار بالضبط لو تعرفين طبعا

ولكِ مني الف شكر

وكل عام وانتِ بخير

هلالالا نفوذ وعيدك مبارك


أنا أخذته من عطارة صغيرة عندنا على الشارع ،، لكن هو موجود بعد عند عطار بن منقاش عطارة كبيرة جدا في البديعة عادة كل شيء أدور عليه القاه عندهم ،، والله ياختي ماعرف أوصف مكانه زين بس هو في البديعه وكان لهم كرت عندي برقمهم بادور لك عليه وأعطيه لك أن شاء الله لكن أمهليني حتى القاه

واذا كنتِ من البديعه بتعرفيه اكيد
:26:

هلا اختي

انا من العليا لكن مافيه شئ صعب على السياره والسواق :)

بروح البديعه واسأل

ااااااااااااااااااااااااالف شكر

الله يحفظك ويحميك ويسعد قلبك