الله يغفر له ويرحمه ويسكنه في فسيح جناته
وعظم الله اجركم..
حبيبتي انتي جاوبي على كل أسئلته بصراحه يعني كلمة اذا كبرت بتعرف هذي بتزيد حيرته
جاوبي عليه ببساطه ولا تتعمقون في التفسير
والبنات ما قصرو
الله يصلحه..ويجعله من حفظة كتاب الله وشفيعاً لوالديه

لا حول و لا قوة إلا بالله إنا لله و إنا إليه راجعون

الله يصبركم و يرحم والدكم

قصي عليه قصة مشوقة باختصار
مثلا انه فيه واحد عنده اب حنون وبعدين تعب الاب كثير ثم مات وراح الجنة ان شاءالله عند ربي وبعدين ولده كبر وصار قوي وذكي صار يطيع ربه ويطيع اهله عشان يروح عند ابوه بالجنة
واذ اندمج اسأليه حلوة القصة؟ تخيل لو ان ابونا هو هذا الرجال؟
واذا حسيتي انه ماتقبل قولي له كل الناس يموتون شف الحيوانات تموت والاشجار تموت
فهميه ان الموت عادي وهوحالة انتقال فقط وحنا بنجتمع ثانية بالجنة ان شاء الله ووصفي له الجنة وما فيها ..
وادعي واستغفري واطلبي العون من الله قبل ماتكلمينه
والله يكون بعونكم

بالمناسبة
احدى الاخوات مرت بنفس التجربة صار ولدها يسألها يمه متى يجي يوم القيامة عشان اشوف ابوي ..

الله يرحم ابوك ويجمعك وياه في جنات النعيم

انا كنت اصغر من اخوك لما توفي ابوي
وكانو الاهل معطيني فكره ان ابوي الله يرحمه مسافر واقول وين
يقولون لامريكا وكنت اعشق شي اسمه امريكا لاني انتظر ابوي يجي منها
والاهل كانو يشوفون ان امريكا ابعد شي بهالدنيا بحكم تفكير الناس الاولين

وسبحان الله كبرت وانا عارفه انه ميت وماراح يرجع بس امني نفسي انه بامريكا
فنصيحه علموه الحقيقه المررره لانه بيعرفها كبير ولا صغير
اقطعو الشك باليقين

لا حـول ولا قوة الا بالله

انا لله وانا اليه راجعون

الله يغفر له ويرحمه ويصبركم