بسم الله الرحمن الرحيم
النفسيات يرحم والدينكم مو ناقصتكم في موضوعي اللي عندها نصيحه تفيدني اهلا وسهلا واللي بتدخل تفتي وتسوي محاضرات تضغط باك بهدوء تدور لها موضوع غير موضوعي
افكار دخلت راسي لها الان اكثر من شهرين حاسه نفسيتي تعبت من كثر ماافكر واعيد وازيد فيها
الموضوع بخصوص زواج الزوج على زوجته
الموضوع كان عادي عندي لمااسمع قصة واحد تزوج على زوجته صح اتأثر وادعي للزوجه ان ربي يربط على قلبها وخلاص ينتهي الموضوع بوقته
في يوم قابلت قريبه لي وكانت حزينه لانه عمها اخو ابوها عمره في السبعين خطب بنت في العشرين وقالت انه مرة عمها صبرت عليه وساعدته في حياته واخرتها جاب بنت عشرين فوق راسها
طبعا فتحت الموضوع مع زوجي ورده صحاني من نومي وصدمني
قال الحرمه تعبت مع الرجال وصبرت طيب والرجال ماتعب قلت الا تعب بس لما جا يرتاح راح يرتاح عند وحده ثانيه بدل مايعوض زوجته السنين اللي راحت من عمرها فقال هذا حقه قلت واللي تعبت معاه قال معززه مكرمه في بيتها
طيب هيه اخذت سنين الشقا والجديده تاخذ الدلع قال هذي هي سنة الحياه والراحه في الجنه
يعني اللي فهمته انه مهما الحرمه ذبحت عمرها عشان هالرجال وطقت فكرة الزواج براسه والله مايفكر لافيها ولافي مساعداتها وتضحياتها المهم حقه هو
الان كل ماتعبت في بيتي او جيت اوفر من المصروف تطلع لي افكار سوده براسي ليه اوفر ليه اتعب وفي النهايه لو حب يتزوج تزوج والدلع والدلال والفلوس للجديده وانا اصبر واوفر واتعب
تعبت م هالافكار
ماصرت اشتغل برضى نفس زي قبل لااعرف تفكير الرجال عن الزواج بثانيه
اتعوذ من الشيطان واستمر يوم وترجع لي نفس الافكار ليه اوفر ليه اتعب ليه وليه مو قااااادره اشيلها من راسي
مع ان زوجي قالي انها وجهة نظر
والله تعبت كيف اشيل هالافكار من راسي
حتى لما كان يتاخر في عمله من الصباح لعشره في الليل كنت راضيه واقول عمله حرام واحزن عليه الان لا صرت اتضايق واقول لو تزوج ماراح يقدر صبري ويقول جلست بالبيت طول اليوم وارجع تستقبلني وتدلعني
وتجي افكار براسي لو تزوج مستحيل يقعد يداوم هالوقت كله لو يغير دوامه المهم الجديده ماتطفش وهو يكون مرتاح
من يوم عرفت تفكيره عن الموضوع وانا افكاري مشوشه مااعرف اللي اسويه صح والاغلط
لاتقولو اشغلي وقتك اصلا هالافكار ماتجي الا وانا اشتغل واحوس واذاكر لبزورتي وتزيد اكثر اذا تعبت
الحلوه المزيونه💕 @alhloh_almzyonh_1
عضوة مميزة
يلزم عليك تسجيل الدخول أولًا لكتابة تعليق.
~ مسكـ ~ :
وربي انا نفس تفكيرك احس اني خايفه من الحياة ومن الي جاي وش الحل الله اعلم رفعوربي انا نفس تفكيرك احس اني خايفه من الحياة ومن الي جاي وش الحل الله اعلم رفع
الله يصلح الحال من جد الرجال مالهم أمان
انتي خذي منه الي تبين ودلعيه واخلصي له
وأملي عينه
ولاتفكرين ببكره عيشي يومك
محد يدري وش بيصير بكره
المهم لا تتعبين نفسك بالتفكير والوسواس وعيشي وصلي وأدعي اللهم اجعله سكنا لي واجعلني سكنا له
لانه لو جلستي كذا احتمال هو ما يكون بباله وتلفتين راسه بها لأفكار
الله لأيحرمك ولا يحرم كل متزوجة من زوجها يارب ومن عيالها اااااميييين
انتي خذي منه الي تبين ودلعيه واخلصي له
وأملي عينه
ولاتفكرين ببكره عيشي يومك
محد يدري وش بيصير بكره
المهم لا تتعبين نفسك بالتفكير والوسواس وعيشي وصلي وأدعي اللهم اجعله سكنا لي واجعلني سكنا له
لانه لو جلستي كذا احتمال هو ما يكون بباله وتلفتين راسه بها لأفكار
الله لأيحرمك ولا يحرم كل متزوجة من زوجها يارب ومن عيالها اااااميييين
هذا وسواس و تأكدي م راح تعيشين غير اللي كاتبه لك ربي تعوذي من الشيطان و عيشي حياتك و انبسطي لا تخربين على نفسك متعتك بحياتك كل م جتك هالافكار اطرديها و اعرفي انك م تضمنين تعيشين بكره عشان كذا عيشي يومك و اشتري اللي تبين و اطلعي للي تبين و تونسي مع زوجك و كل م جتك هالافكار حطي يدك على صدرك و ادعي ربي يشرح لك صدرك و داومي على الاستغفار ان شاء الله تتغير حياتك بإذن الله ❤️
والله اعرف وحده يوم زواج زوجها اخذت عيالها وراحت تتمشى في لبنان ...مدلعه نفسها رغم الهموم ههههههه
عيشي حياتك يابنت الحلال وشيلي هالافكار من راسك وماراح يصير الا المكتوب..
عيشي حياتك يابنت الحلال وشيلي هالافكار من راسك وماراح يصير الا المكتوب..
الله يجزاكم الفردوس الاعلى من الجنه
لما ناقشته بالموضوع قلت له انتوا الرجال جاهلين في الدين لكن عند الشرع حلل اربع فقهاء وعلماء ورجال دين رد عليه وقال ازيدك من الشعر بيت فيه رجال مايعرفو يقرأوا الفاتحه لكن يعرفو ان الشرع حلل اربعه
قلت له ليه لما الياباني يطيح على ثروه يفكر فوووق يعني يبني ناطحة سحاب او يفتح شركه ويطور فلوسه
وانتو بس يزيد معاشكم فكرتو تحت وعلى طول تبغو تتزوجو ليه ماتدلعون حريمكم بهالفلوس بدل ماتروح افكاركم للزواج بثانيه اذا كثرت فلوسكم قال عادي يكون عندنا خير ونصرف على الحرمتين مافيها شي قلت وايش يضمن العدل في هالشي
في النهايه زعل وقال بكلامك تبيني اننا الرجال حيوانات عايشين عشان السرير بس قلت هذا اللي اشوفه والا ليه اول ماتزيذ الفلوس تتزوجوا
الزواج محلل لاسباب مذكوره في الفقه مو كل من زاد عنده ريالين راح تزوج
الا يغالطني في كل كلمه اقولها عشان كذا الافكار عششت في راسي
لما ناقشته بالموضوع قلت له انتوا الرجال جاهلين في الدين لكن عند الشرع حلل اربع فقهاء وعلماء ورجال دين رد عليه وقال ازيدك من الشعر بيت فيه رجال مايعرفو يقرأوا الفاتحه لكن يعرفو ان الشرع حلل اربعه
قلت له ليه لما الياباني يطيح على ثروه يفكر فوووق يعني يبني ناطحة سحاب او يفتح شركه ويطور فلوسه
وانتو بس يزيد معاشكم فكرتو تحت وعلى طول تبغو تتزوجو ليه ماتدلعون حريمكم بهالفلوس بدل ماتروح افكاركم للزواج بثانيه اذا كثرت فلوسكم قال عادي يكون عندنا خير ونصرف على الحرمتين مافيها شي قلت وايش يضمن العدل في هالشي
في النهايه زعل وقال بكلامك تبيني اننا الرجال حيوانات عايشين عشان السرير بس قلت هذا اللي اشوفه والا ليه اول ماتزيذ الفلوس تتزوجوا
الزواج محلل لاسباب مذكوره في الفقه مو كل من زاد عنده ريالين راح تزوج
الا يغالطني في كل كلمه اقولها عشان كذا الافكار عششت في راسي
الصفحة الأخيرة
رفع