كيف اصبحت سنعه وجدولي الحالي والقديم

السلام عليكم ورحمة الله وبركاته


كيف حالكم يالغاليات عساكم بخير

والله اني ما سجلت بالمنتدى وهذي اول مشاركه لي الا عشان هالقسم

ومشان الحريم السنعات ما شاء الله لا حول ولا قوة الا بالله عليكم ..

اتابع المنتدى سنين طويله ايه والله ولكن هالمره توكلت على الله وسجلت

وقلت يلا اشارككم افكاري نفس ما شاركتم الجميع افكاركم وتنظيمكم

فجزاكم عنا كل خير وجعله الله بميزان حسناتكم ان شاء الله ..


غالياتي انا اليوم حابه اكتب عن برنامجي اليومي

وان شاء الله يساعد الاخريات اللواتي تعبن من عملهن وسهرهن على راحة أطفالهم وازواجهم ونظافة بيوتهم

فسبحان الله خلقت المرآه لأكثر من عمل ومع تقدم العلم وتطور الحالي ..

اصبحت تعمل بمنزلها و تربي وترضع و تحمل وتلد و تطبخ وتعمل بخارج البيت وتصل الارحام ..

وكل هذا له اجر عظيم عند الله سبحانه وتعالى ..

دعونا لا ننسى اخواتي في الله ان نحتسب كل شئ بكل عمل نعمله ...

لعل الكسل والملل يؤرقنا بين الفينه والاخرى ..

ولكن دواء الكسل التوكل على الله والتعوذ من الكسل دائما بكل مساء وصباح ..

............


أببتدي موضوعي بعد ما قرقرت بما فيه الكفايه ..

يا طويلات العمر


انا بيتي كبير واطفالي اثنين ولكن ولله الحمد عديت مرحلة الرضاعه والعفسه كلها من اولها وتحريك الاثاث وتكسير وغيره كله بفضل الله و نعمته على صبري على كل شئ الله يخليهم لي ان شاء الله ..


وصاروا كبار بالمرحله الابتدائيه الولد بالخامس والبنت بالرابع جعلهم بارين بوالديهم والاقربين ان شاء الله

انا تزوجت وانا عمري 16 سنه

بس من وانا اوتعيت على الدنيا لقيت امي مريضه وخواتي متزوجات

فكملت دراستي الين الصف ثالث متوسط

وكان على راسي بيت بكبره انظفه واسنعه

تخيلوا وانا بسن 7 ابتديت اغسل الملابس بغساله ياريت مثل هالايام اوتوماتيك

لا وازيدكم من الشعر بيت اغسل الملابس بالدور الارضي و النشاف خربان

فآخذ الملابس اعصرهم بيدي وهات يا سحب بالسله الين الدور الثاني

ثم الدور الي بعده إلي هو السطح

والله على ايامه حتى منشره الي زي هالايام ما فيه

يمكن فيه بس ما وصل للخليج هههههههههه

نسيت اقول لكم ان الوالد متوفي ربي يجعله بالجنه يا رب

اما اخواني فهم اثنين وكل واحد لاهي بعمله

فكنت ابي ابين لكم ان موضوع التنظيف وخبرتي فيه من وانا صغيره

لكن للأسف ما قدرت اكمل دراستي بعد ازمه مرضيه لأمي بشكل مكثف

طلعت من المدرسه وقعدت معها

رغم المعاناه ولكن دوم اذكر هالايام واقول

ما شاء الله لا صار العصر وتجمعنا وسنعة القعده لخالاتي والجارات

وحطيت التمر و غيره وصلحت القهوه الي تصك الراس تنشم من بعد امتار ههههه:06: تنزل الدمعه على ذيك الليالي والسهر وسوالف الحريم ما مداني العب والله ولكن هذا شئ رئيسي الي خلاني اكون ام وربت بيت سنعه حاليا اللهم لا تغير علي ولا على كل مؤمن سعيد وغير حال كل من عنده عسر الى يسر يا ارحم الراحمين ..


فلما تزوجت اقصد بالبدايه انخطبت لاني سنعه بس مو عشان شهاده ولا عشان جمال

مع اني جميله بأخلاقي ان شاء الله ..
وهذي رساله لكل من تفكر ان الزواج للجميلات فلا تنسي ان الله كتب الرزق والزواج لك قبل ولادتك يا اخيتي الغاليه

فكان شرطي الرئيسي بيت او شقه قريب من والدتي حتى ارعاها او اني ارفض الزواج من البدايه وتم الموافقه على شرطي الوحيد ورفضت المهر القدم والشبكه في سبيل شئ واحد فقط اخذت يا طويلات العمر مبلغ بسيط بس عشان اشتري فستان واحد عادي عشان اروح لبيتي


حالتنا الماديه بالبيت كانت بسيطه جدا وهذا علمني القناعه وشكرالله على نعمه الكثيره علينا يكفي الصحه والعافيه ونطلب حسن الخاتمه ..





وبديت حياتي بدل البيت بيتين



ابتدي من بعد الصلاة الفجر بساعه الين الساعه العاشره ببيت الزوجيه




وبعدها اروح للوالده الين بعد صلاة الظهر وارجع لبيتي بعد ما انتهي من بيت العائله واسنع غداهم وملابس اخواني للعمل وغيره




والله اخواني كانوا وما زالوا يعتبروني امهم رغم الفارق بين العمر ربي يجعل السعاده طريقهم ..




وبعد فتره من حملي توفت الغاليه وظلمت الدنيا ..




الله يرحم اموتنا واموات المسلمين اللهم امين يا رب العالمين



وكل واحد بعدها من اخواني تيسر وتزوج وتفرغت لبيتي





بشكل رئيسي ولله الحمد ..



اعتقد ان جه الوقت اني اكتب جدولي وعاداتي بالبيت ...



ولكن انتظروني اصلح فطور لزوجي وراجعه بعون الله ..