موفقه حبيبتي كملي متابعينك بحماااااااااااس
الله لا يضرك ماشاء الله تبارك الله

الله يعطيك العافيه

كملي واحنا بانتظارك

وينك ياعسل تابعي والله يوفقك وياليت تسمعين نصايح اخواتك لانها بتنفعك

اختي اذا باذن الله جبتي اخ او اخت لعيالك بتفرحين وبتفرحين عيالك خصوصا انهم كبروا وبيساعدونك وبيتعاونون معاكي وهم اللي بيربون طفلك كما ربيتيهم

كل كلامك عين العقل الا شي واحد وهو عدم انجابك طفل اخر كل البنات اتفقوا انه قرار خاطئ والله يوفقك ويرزقك بما تريدين آمين


ارجوا ان لا تفهمي كلامنا تدخل في خصوصياتك

يابنات ياليت ماتخرجوا عن الموضوع وهذي حرية شخصية بكيفها

هي ماشاورت احد في الموضوع طرحت تجربتها وخلاص

ننتظرك يارؤيا في عرض طريقة تنظيمك والله يوفقك

أبشركم يالغاليات بديت تصوير والحمدلله

ادري اني طولت عليكم حبيباتي

لكن مثل منتو عارفين الخميس والجمعه وزحمة الزيارات ولله الحمد

فإن شاء الله ان الله أراد بكره راح انزل صور عن جدولي

مثال على ذلك ..

لما اقعد من النوم كيف الاقي صالة المعيشه

وبعد تنظيفه كيف راح يكون وهكذا من قسم الى قسم ..

.............

بالنسبه لخواتي الغاليات الي كلموني ونصحوني عن الانجاب للمره الثالثه ..

جزاكم الله عني كل خير ..

وكما ذكرت سابقا ليس لدي مانع اخذه عن طريق الادويه او لولب او شئ اخر

ولكن بالطرق السليمه الطبيعيه ..

اما بالنسبه لفكرة الانجاب حاليا غير وارده

ولكن ايضا ذكرت ان الله عالم الغيب

قد يغير حالي من حال الى حال ..

وتفكير الانسان يتغير بين ساعه والاخرى فما بالكم بالسنين القادمه ..

الله العالم ..

يمكن اكون شايله اهم هم المرحله الابتدائيه للأطفال ..

وبعد ما يخلصون ان شاء الله بعد سنتين اكون اعدت التفكير بالموضوع ..

وجهنا حبنا للاطفال انا وزوجي لأشياء اخرى حاليا ..

نعمل رحلات للأطفال وهذولي الاطفال يتاما من عائلته اربع اطفال

يعيشون عند جدتهم الكبيره ..

والام والاب توفوا معا بحادث ما بين طريق الكويت والسعوديه ..

فرحمهم الله واسكنهم فسيح جناته

كانوا الاطفال سبحان الله بعهدت جدتهم لحين عودتهم من السفر

فسبحان الله وكأن اليوم ليس يومهم ..

اصغر الاطفال سنه وثلاث شهور والاكبر بعمر ولدي الكبير ..

فتم ولله الحمد تكفل جميع مسؤليتهم من والى ..

وانصحكم يا اخواتي بكفل اليتاما

والله ثم والله قد زاد رزقنا وزاد سعادتنا براحة الضمير ..

...........

ابغير الموضوع ..

تتذكرون خالاتي الي كانوا يزورون امي الله يرحمها ويغمد روحها الجنه ..

تحولت الزياره لها الى بيتي انا بعد مماتها رحمة الله عليها ..

ومع مرور السنين اصبحت عاده

الاجتماع عندي كل ليلة جمعه ..

وكأني امهم الكبيره حتى بناتهم تعودو على هذه العاده المستمره بالعائله منذ الصغر

كل وحده تسوي طبق وتجيبه معها وانا كمان ازين القعده و من زود الاطباق

ان نسويه بوفيه وطبعا قعدتنا بالحوش ودائما اردد اللهم لك الحمد والشكر على هالنعمه

صلة الرحم وخدمتهم فيها بركة ما شاء الله لا حول ولا قوة الا بالله

والله اني ما يصير لي حاجه الا اشوفهم على راسي

ولا مرضت الا اشوفهم معاي ولا صار شي لعيالي الا وقفوا معي قلبا وقالبا

والعكس صحيح ..

شروط القعده ان نختم القرآن والي عندها كتيبات جديده تعطي للي ما عندها

وبعدها نبتدي سوالف واحيانا من هذي الجلسه نحل مشكله لوحده مننا


واحيانا نسوي جمعيه نتحاطط كلنا ونشوف الي مو قادره تروح العمره نرسلها للعمره

ممكن يصير زعل او كلام بين وحده والثانيه

لكن سبحان الله مستحيل اخلي وحده تطلع وشايله بخاطرها

وما يجي الاسبوع الي بعده الا لازم الزم على الكل يجي هذي بالبدايه

وبعدين خلاص تعودو حتى خالاتي الكبار ما شاء الله ربي يعطيهم الصحه والعافيه

وبما ان اهل زوجي لهم حق علي ..

بعد ما زاروني ليلة الجمعه وشافوا قعدتنا من قبل سنين طويله

رفضوا ان يكون لهم يوم مخصص انهم يزروني

و طلبوا الاشتراك بهذي القعده <<< داخلين نادي هههههه

والحمدلله رب العالمين حوشي منقسم

الحوش البعيد للرجال وفيها قعدات شعبيه

والحوش الثاني لنا

وبعد ما نخلص ننظف سواا وكثير منهم يجيبون شغالاتهم معهم

انا ما عندي شغاله ..

ولا عمري جبت الا برمضان من كل سنه ..

وهذي اساسا فكرة زوجي بكل رمضان ..

اول رمضان جابها هديه لي من غير والله ما اري

ما شفتها الا وهو مدخلها

لو وحده ثانيه غيري ممكن تنبسط

لكن بالنسبه لي فاجعه ..

سألته وش القصور الي بدر مني يا أبو ..

قال لي واقنعني بالفكره

تراهي هديتك بكل رمضان

عليها التنظيف بس لا غير وتشوف الحوش وغيره

وانتي عليك الطباخ ..

لكن ابي لك فرصه تختمين على راحتك مره ومرتين وثلاث

وتأدي واجباتك الدينيه بهذا الشهر الفضيل

وبرابع العيد ابوديها ان شاء الله

كل سنه على هالحال وهذي السنه ان شاء الله ربي يبلغنا رمضان

بتكون السنه الخامسه من مساعدتها لي فقط بطاعتي لربي

لاحظت اشياء كثيره على الخادمه فترة وجودها ؟؟

راح اقول لكم عن عن ملاحظاتي بوجودها معي وكيف ان حياتي تغيرت ..

لي رجعه ابكمل واجباتي البيتيه وراجعه بعون الله ..