كوبونات الراقية تسجيل الدخول

**منوري **
**منوري ** •
اختي رؤيا

انتظر تردي على سوالي
رؤيــــــــا
رؤيــــــــا •
أنا مثلك يالغاليه كان رافض اني اكمل الجامعه وكمان قبل كان رافض اني اكمل الثانويه

مع ان العيال كبروا ولله الحمد ..

وكل ما اخلص سنه من الثانويه يقول وبعدين

لدرجة اني اخاف اني امسك كتاب اراجع فيه بوجوده

صدقيني كنت استغل كل وقتي الصباحي بين العمل بالبيت

وكمان بالدارسه و متى ما ادخل المطبخ اعيد الي قرأته ببالي

اما بالنسبه للامتحانات فحالتي كانت صعبه لأنها توافق التاريخ مع امتحانات اطفالي

وكنت اراجع بعد ما زوجي ينام واروح اقدم وانا ما نمت كله في سبيل الجهاد لطلب العلم ان شاء الله

اختي الغاليه إن كان مهو موافق انك تتوظفي

فيجب عليك اتباع شوره

ان كنتي محتاجه للوظيفه اقنعيه بإحتياجاتك واستغفري الله دوم بنية موافقته ان شاء الله

وان كنتي مو محتاجه يا اختي مجرد لقضاء الوقت انك تبين تدرسين الكمبيوتر

ممكن يالغاليه تكتسبين خبره كبيره مره بين البرامج ودروس الخوات الي يقدمونه بجميع المنتديات بالنسبه للكمبيوتر

ممكن تتفننين بالفوتوشوب تضيعين وقتك الين ما الله ييسرها عليك ويفرجها على جميع المؤمنين وتتحسن الماديات عندك

وتروحين تدرسين وتاخذين الشهاده

بالنسبه لي انا اشتغل على شي في بالي مثل ما قلت لكم احلامي كبيره بطلب العمر

وكل ما اتذكر وحده امريكيه متزوجه من الخليج وهي جده تصدقون عمرها كبير مره يعني شعرها كله شيب

قاعده تحضر للماجستير ولا وعندها احلام للدكتوراه ..

طلب العلم جهاد لكل مرأه ولكن احيانا وليس كثيرا الازواج يعيقون هذه الاحلام ..

لما اتذكر الأمريكيه المسلمه وطلبها للماجستير اصر اصرار غريب اني اخلي حلمي قدامي هدف لازم اوصل له

كان رافض اني ادرس بالجامعه ولكن طرحت عليه فكرة الانتساب من غير ما اداوم

وبعد مرور محاولات مريره بالنسبه

لم يتم الموافقه ولكن تأجل طلبي لحين موعد غير محدد

ولكن لمجرد عدم تسريعه برفضه كالسابق يعطيني امل وحافز

اعمل بجهد لإرضائه والله العالم اني استحق تحقيق هدفي وموافقته ومباركته لي بخطوتي القادمه

ادعوا لي بالتوفيق يا اخواتي

واتمنى للجميع بإراده قويه فلن نصل للكمال ولكن نحاول ونثابر في سبيل تحقيق اهدافنا

وان كانت المحاوله فاشله صدقوني برضوا بنتعلم الكثير من تجاربنا

التطور الحاصل يتيح للمرأه بكثير والكثير من العلم وهي ببيتها

اختي الغاليه اتمنى لك التوفيق غاليتي ولكن لا تتشاجري مع زوجك ولكن

بادري بالنقاش الهادئ المتزن وان شاء الله ربي ييسرها لك يا رب
**منوري **
**منوري ** •
اختي رؤيا

جزاك الله خيير وما قصرتي على ردك الواضح فيه الصدق بالنصيحه والاخلاص

كمان انا ابي تنصحيني كيف اني استمر بالتعلم الذاااتي وهذي اهم شي انا محتااجته

ومو قاادره استمر فيه يعني مثلا في موضوع الفتو شوب حاولت ادخل تجمع وابداء معهم في الصيفيه

بس الاسف اغلب البنات يكونوا متعلمين اكثر مني يعني يعرفوا بعض الاشياء

واحس اني ضايعه فما استمريت

كذلك مره قلت ابي اتعلم انجليش وقلت بحفظ كل يوم 5كلمات

بس ما استمريت طبعا كنت ابحث بالمنتديات

وكان قبل عندي طموح اكمل الماجستير بس بحثت وبحثت ماحصلت دراسه بالانتسااب

بالجامعات الحكوميه,,, اعذريني صراحه تكلمت كثيير بس اذا انتي مشغوله تجاهلي ردي عااادي

لانه انا خرجت عن الموضوع الاصلي

ولك الشكر والاحترام
رؤيــــــــا
رؤيــــــــا •
يا حياتي كيف اتجاهل ردك إنتي عسل

وكلامك يدل على طيبتك ..

بالنسبه للفوتو شوب ما عندي فكره احس ان مالي احساس الفن فيه هههههه

بس اتابع وابدي رأيي بين فتره وفتره من الرسائل الي تجيني عبر الاميل لبعض الصديقات

طيب يا اختي ممكن تعملي بحث عن تعليم الفوتوشوب من الألف الى الياء في شرح اكيد بالبرامج والصور تقدرين تنزلينه

وجربي وشوفي اكيد راح تتعلمين خطوه خطوه

بالنسبه للانجلينزي يالغاليه انا اعرف اتكلم انجلينزي اكثر من صديقتي مثلا الي

مخلصه جامعه ..

كيـــــف ..

اول شي الانجلينزي يا اختي ما يجي فقط بالدراسه بل بالممارسه

وهذي صعبه اشوي

لكن اسهل طريقه ويمكن مضحكه اشوي

ان كان عندي حلقات بسيديات مثلا حلقات انجلينزيه لكرتون اطفال بالانجلينزي

وتحته ترجمه بالعربي

صرت اركز اكثر على الكلام واحيانا اعيد السيدي من اول وجديد

مع اني اكره الكارتون بس هذا الي كان بيدي تعلمت المحادثه وقمت اردد معهم

ومع الايام قمت شريت سيديات غيرها وغيرها

وكل ما اضيع اشوي ارجع للترجمه تحت اشوي اشوي

وبعد ما اعرف المعنى صرت اتكلم بنفس الاكسنت حقهم

حاليا فعلا الاكسنت تبعي صار ممتاز بدون كتب وبدون دراسه

لكن للأسف هذي الطريقه ما تنفع للي تبي تتعلم كيفية الكتابه والقراءه

بعدها ابتديت اخذ كتب قصص بالانجلينزي وكمان الصفحه المقابله له بالعربي

يعني مترجم وبديت اقرأ اكثر واكثر

ولكن شدني اكثر التحدث فرجعت للسيديات وكل ما اشوف فلم كارتون جديد بالانجلينزي

ما اتردد اشتريه لأن فعلا استفيد منهم

وبديت اتكلم مع عيالي بالانجلينزي

طبعا بدايه الموضوع محد عطاني وجه وقاموا يضحكون

لكن كنت مصره اني ارد عليهم او اطلب منهم الشي الي ابيه بكلمات مكسره ولو بالعربي والانجلينزي

وفعلا بالايام صاروا يقولون المخزن ستور والقلم خلاص يسمونه بين وهكذا

وكثير اشوفهم يسئلون بعض اسئله بالانجلينزي لأن صارت عاده عندهم

فعشان كذا انا من رأيي اشوف ان الانجلينزي يجب سماعه اكثر من قراءته و كتابته

وبعدها اشوي اشوي القراءه يعني لو كلمه قدامك بالانجلينزي ممكن تهجأته وبالنهايه انتي راح تتعلمين معناته من الافلام او الكارتون

الموضوع سهل ولكن بالبدايه صعب

بصراحه كثير اكون واثقه من نفسي لما ادخل مكان واطلب الي احتاجه بأكسنت امريكي

بدون التأتأه ..

قبل كنت احتاج لزوجي بكل خطوه بالمطاعم بالاسواق وهكذا عشان كنت استحي اني احرج نفسي لاني ما اعرف ..

إن شاء الله افدتك يالغاليه

ابتدي بالشي الي تحبينه وراح تتعودين عليه ان شاء الله
&&دلوعةعبودي&&
&&دلوعةعبودي&& •
يا اختي ارجووووووك حصني نفسك
والله العين حق
وانا احس خفت عليك

ما شاء الله تبارك الله لا قوة الا بالله
الله يحفظك من كل شر يارب
ما اقدر اعلق تعجز كلماتي عن الوصف
جزاك الله كل خير