رؤيا اكملي نحن في انتظارك

وانا معك بأذن الله حتى تقفلين الموضوع يكفي اني أشوف أحد يتعب زي أو أكثر مني
والله أن هاذا الموضوع معطيني حافز هالفترة بشكل ماتتوقعينه بديت أحوس في منتدى الجامعه وأطلع لي
ملخصات وأسئلة السنين الي فاتت علشان تساعدني بعد الله في مذاكرتي مابقى شي على الأمتحانات
وجالسة أقول لنفسي كل ماتعبت يالله يابنت ماعندك الا الدلع قومي ماتشوفين رؤيا الي عانت وكابدت من ظروف هالحياة ومازالت
مواصلة \وانتي فرق عنها أقصد نفسي طبعا أنا أهلي عايشين الله يخليهم لي ولا يحرمني منهم وماتحملت مسوليتهم أبدا ماعندي الا بيتي وعيالي وزوجي والدوام ولا يفوتك أداوم الصبح في المدرسة والعصر معهد خاص أدرس فية دورات لغة انجليزية بالتدريج لين أقدر أخذ التوفل لأني ماأقدر أخذة ألحين لأن ظروفي المادية هالفترة ملخبطة شوي توي مستقدمة شغالة بمبلغ مو هين ومسدد قصد الجامعهة 3000ألاف ريال وأن شاء الله ببدى لي في مشروع صغير من بيتي هالفترة بس لا تحرموني دعوااااتكم
أدري أزعجتكم بقرقرتي لكن تستاهل الأخت رويا ماحد قالها تعطيني وجه ههههههههههههههههههههههههههه

ابقول لك نصايح والله ثم والله

لا مشيتي عليها صدقيني راح

ترتاحين لما تكون الشغاله عندك

إن شاء الله الين ما تروح بلدها يعني تخلص مدة اقامتها معك على اكمل وجه ..

يالغاليه رغم إن ما عندي شغاله طول الوقت بالبيت لكن

برمضان الى خامس العيد تقريبا او ببداية شهر شوال هي تكون عندي

وغير ان خواتي وخالاتي عندهم شغالات واسمع واشوف المشاكل ..

الحل الي عطيتهم خلاهم فعلا يرتاحون

اول شرط يا عزيزاتي ..

عمرك بحياتك لا تسئلين الشغاله عن حياتها سابقا

لأنها راح تتجرأ وتسألك عن حياتك الشخصيه كمان :30:

ان تكلمت هي عن حياتها اسمعيها ولكن لا تندفعين وراء فضولك ناحية معيشتها:p ..

لا تقولين والله لازم اسئل عشان يرتاح قلبي

الانسان لو بتعرفينه راح تعرفينه مع الايام

ومستحيل انها راح تفضح نفسها بنفسها لما تقول لك عن حياتها بديرتها ..


شي ثاني لا تعطين وتاخذين معها كثير ..

اعتبريها مهي موجوده بالبيت

تقولين مستحيل لا أجل راح تحصل بينك وبينها مشاكل كثيره لأنك راح تحسبين الف حساب لراحتك وحريتك بالبيت:06: ..

بما انك محتاجتها من البدايه لا تعطين وتاخذين معها وتحسسينها ان لها دور اكثر من انها عامله عندك ..

يعني عشان تعرف انها مسؤوله عن النظافه لا غير مو عشان كثر الكلام والنقاش ..

إن كنتي حابه تشوفين عملها وانجازها لا تعملين جوله مراقبه وانتي معها لا تحسسينها انك مو مقدره عملها وتعبها ..

أو عدم فهمها لنظامك

اول ستة شهور اعتبريها فترة تدريب لا غير

لو حصل اخطاء او حصل ان ما انجزت شي بوقته بالتمام

غضي النظر ولكن لفي ودوري وعطيها استنتاجاتك عن هالمكان مهو نظيف انا ابيه كذا مثلا ..

اول يوم انتي الي نظفي بنفسك وهي مجرد تشوفك لا تعطينها الخيط والمخيط من اول يوم ويلا بشوف انجازاتك ..

لا يا قلبي يوم يومين انتي اعملي كل شي قدامها ..

راح تتعبين لسبب واحد

انك مثلا لو ما تنظفين تحت الكنب كل يوم راح تسوينه قدامها عشان بس تعرف نظامك وتعرف انك مهتمه بكل زاويه :D

بيني لها انك دقيقة الملاحظه يعني لو نظفتي مكان ابتعدي اشوي وشوفي مثلا السيراميك و حركي راسك يمين يسار

ان كان السيراميك ضبابي اعيدي الكره قدامها

راح تقول بخاطرها هذي شكلها وسواسيه درجه اولى

صدقيني راح تسوي نفسك بالضبط لما تنظفين راح تبتعد وتلاحظ كيف تم عملها هل بالشكل المطلوب الي انتي لاحظتيه رغم انك انتي الي منظفه المكان ..

الطاولات كذلك

بعد ما تمسحين

ابتعدي اشوي وارجعي له مره ثانيه


والمسي الطاوله مره وحده وناظري بأيدك

خليها تعرف انك دقيقه بكل شي ولك نظامك الي ما تتهاونين فيه حتى لو كنتي انتي الي منظفه ..

عشان لو يوم من الايام عطيتيها ملاحظه مثلا على الطاوله تعرف ان فعلا انتي شيكتي نظافة الطاوله وانتي لسه منظفتها ..


قطعي البصل او افرمي قدامها

بطريقتك انتي خليها تشوف وتسوي زيك بالمرات الجايه

او انك تمسحي تحت الثلاجه والفرن ترااا الشغالات ما لهم الا الظاهر بس اما الاشياء المخفيه دام انتي ما سويتيه وعلمتيها انك دقيقه بداخل الدواليب واسفل الاشياء راح تتهاون وتقول اساسا بيكون عندي عذر لما تقول ليه كل هالغبار والوسخ راح تقول لك انتي ما علمتيني اني انظف هذا وله هذا وانا ما عندي فكره اساسا ...

بالنسبه للصوابين او الشامبوهات وغيره من المنظفات

قولي ولا تستحين

ابدا لا تخجلي ترااا الي اوله شرط اخره نور

قولي انا استعمل هذا الفيري لمدة اسبوعين او شهر شوفي انتي كم تستهلكين وقولي لها لو خلص تراا بيكون التبذير منك

لأني متعوده على هذي الميزانيه وزوجي ما يسمح لي اتعداها ابدا ...

فرجاءا اقتصدي زيي

العامله مثلا ممكن انها تزيد كمية المويه ببوكس الصابون الفيري وبذلك تحتاج لمزيد من الفيري

وبالنهايه راح تشوفين ان حتى الاسفنج ما يطلع منه رغوه وراح تعصر زياده من الفيري

والله ان جتني شغاله وسوت فيني كذا

وبعد اسبوع ما شفت الا هي مستهلكه اثنين من الحجم العائلي للفيري معقوله !!!


رغم اني اغلب الايام كنت اشغل شغالة الصحون يعني وين راح الفيري دام الغساله شغاله مرتين او اكثر من الاسبوع الي تم استهلاك عبوتين مره وحده !!!


ولما كنت اشم ريحة القدور والله ريحة الاكل لاصق فيه بسبب انها تستهلك الصابون الضايع بكثرة المويه

وجهتها مرتين لكن ما فاد وبالاخير قلت لها انا مستغنيه عنك حبيبتي انتي كويسه ونظافتك عاليه بالبيت لكن للاسف لو قعدتي انا بخسر تموين الشهر على الصوابين وغيره من المنظفات ..

انصدمت لكن راجعت نفسها وقالت بنتبه ..

وفعلا انتهى مدة قعدتها عندي على اساس انها ما تصرف كثير من المنظفات ونفس الوقت تهتم بالبيت وهكذا ..

بالنسبه لأكلها ..

خليها هي الي تحط لنفسها عشان تعرف المقدار الي تحب تاكله

كنت احط لهم كثير وبالاخير ينرمي

وكنت احط لها اشوي اقل واخاف من ربي اني اظلمها واقول يمكن ما شبعت

فخليتها هي تسكب لنفسها الي تبيه من الوجبات الي كنت اسويها ..

نجي للأهم ...


لا تحاولي يوم من الايام انك تهينينها او انك تعاتبينها وتتشرطين عليها قدام احد من عيالك راح تواجهين اصعب المواقف بعدين ..

لا تقولين ما راح اعصب !!


الا راح تعصبين وراح تحتارين من بعض تصرفاتهم

هي جايه من مكان انتي ما رحتيه وتصرفاتهم غير عن تصرفاتنا واساليب حركاتهم او تفكيرهم غير عننا ..

بالتالي ممكن انها تسوي حاجه وانتي من قبل قلتي لها لا تسويه ..

راح تعصبين بالاخير مع تكرار خطأها لمرات كثيره ..

لو باشرتي بتعنيفها او الصراخ عليها


قدام احد من عيالك ..

اليوم الثاني وان ما كان بنفس اليوم

راح تحصلين احد من عيالك يزعق عليها بنفس طريقتك :angry2:

وبالتالي راح تحقد على هالطفل المسكين

حاولي مسكها لحالها وتكلمي بدون صراخ معها ووجهيها

بجد بدون حتى ابتسامه ..

واليوم الثاني خلك عاديه معها لو مريتي جمبها ابتسمي صبحت مست عليك ردي عليها

صبيتي لنفسك عصير قولي لها تعالي اخذي لك عصير عشان تنسى الي فات ..

لا تزعلين منها اكثر من يوم مهما يكون هذي انسانه علمتيها خطأها خلاص انتهى الموضوع الى هذا الحد ويكفي

مثل احد من عيالك لو زعلتي منه راح تباشري بتأديبه ليوم كعقاب لكن مو لأكثر من كذا قلبنا ما يقدر يستحمل ..

فما بالك بإنسانه مبتعده عن اهلها وديرتها

خلك ودوده معها لكن بحدود ..

ابدا لا تاخذي منها رأي شخصي يهمك

مثلا هالثوب حلو ؟؟

شعري قصته حلوه وله اغيرها ؟؟

ايش رايك بعد ما غيرت الديكور ؟؟

تعالي شوفي وش شريت لي ؟؟

لا حول لله ولا قوة الا بالله ...

بنت خالتي صارت الشغاله تقول لها لا طلعتي ردي بسرعه تراني بزهق من الجلسه لحالي !!!!!!!!!!


واساسا هي بتطلع مع زوجها ..


عجب العجاب راح تشوفينه على الشغاله لا صرتي معطتها اكثر من حقها كعامله عندك تاخذ اجرها وتعمل بجد واجتهاد فقط لا غير وليست فرد من العائله مجرد مقيمه لوقت من الزمن المفروض ان لا تعرف اسرارنا ولا محتوياتنا الشخصيه بغرف نومنا ..

ولا تعرف مضمون نقاشنا العائلي او مناقشات الزوج مع زوجته او مشاكل العائله بأكملها من خارج البيت ..


العام الماضي عاملتي

برمضان الي فات

تعودت جلوسي بالبيت نص شهر رمضان وبعدها ابتديت الزيارات ..

تسئلني وين رايحه لما ما كنت ارد عليها

تسكت !!!

بعد ما ارجع تشوف مزاجي وتسأل وين رحتي ؟؟

واناظرها اقول لها ايش ؟؟

ترجع تسئلني يا الله قد ايش فيها جرأه لو بنتي كان عرفت ليه اعدت عليها انها تكرر سؤالها للمره الثانيه ..

لكن مصره الاخت انها تتدخل ..

على طول بدون سابق انذار قلت لها لحظه ابخبرك بس دقيقه

رحت لغرفة الضيوف وناديتها وجت تركض على بالها

بفتح لها قلبي وبعطيها مفتاح صندوق اسراري كله ..

قلت لها يا ....

مره ثانيه لو عندي او عند احد ثاني

لا تحاولي تسئلي كفيلتك او احد من العائله وين كنتوا ؟؟

لأن انتي مجرد عامله

لو تبين تصيرين وحده مننا وفينا

ولك حقوق بمعرفتك بأبسط الامور

ممكن ..

قالت كيف ؟؟

قلت لها تعملين عندي بدون فلوس

يعني ببلاش وقتها راح اقول لك كل شي واي سؤال راح ارد عليك

مثلك مثل بنتي تخدمني لكن بدون مقابل ..

انتي تعملين بأجر ..

وبعد كم اسبوع راح تهجرين هالبيت الى الابد ليه مصره انك تعرفين امورنا وانتي تشتغلين لخدمة هالبيت بس

يعني للنظافه ..


طال سكوتها

وانهيت كلامي قلت لها ما ابي يوم من الايام

تسئليني ليه بنتي تبكي او ايش مشكلة ولدي مع ابوه

او وين طالعه وزرت مين او مين الي جت زارتني تو ..

مفهوم ..


وعلى هذا المنوال انا كل شهر رمضان

صرت بدل ما انتظر الخطأ اتفاداه من غير الانتظار

املي شروطي بأول دخولها وقبل ما تنزل الشنطه من السياره

تبي اهلا وسهلا ما تبي الباب يوسع جمل ..

محنا بعازه لوحده تكرهنا الراحه ببيوتنا ...


لي رجعه الى اللقاء

يعطيك العافيه حبيبتي كلامك درر

ماشاء الله تبارك الله

كلامك كله عين العقل ربنا يحفظك

وعجبنى كلامك عن معاملة الشغالة