هي الروح @hy_alroh_1

عضوة جديدة

كيف اصير سنعة

السلام عليكم ورحمة الله وبركاتة أنا انسانة اجتماعية جداََ وذكية ومتعلمة تعليم عالي والحمدلله حققت كل طموحاتي لكن مشكلتي اني ما اعرف شي مثل باقي البنات يعني الطبخ وترتيب البيت وتنظيفة والاشياء اللي يعرفونها الحريم انا الحين امي ما تقدر توقف معي بالمطبخ وتعلمني ما تقدر تتعب والشغالة ما تعرف الا طبختين وكثير نطلب من المطعم وانا اعرف بس كبسة واعرف فطور يعني شغل معلبات وبيض وخفايف واعرف الاساسيات بس والله ودي اصير سنعة واعرف اطبخ واستقبل الضيوف ابي امي وابوي ياكلون من طبخي وترا عندي خوات بس ولا وحدة فاضية تعلمني كلهم متزوجات ومشغولين ببيوتهم وحياتهم وانا الصراحة انسانة دلوعة من فتحت عيوني على الدنيا وحنا عندنا خدم يسوون كل شيئ عشان كذا انا الحين وصل عمري 20 وانا ما اعرف شيئ ابي اتعلم السناعة ساعدوني يا سنعات

يلزم عليك تسجيل الدخول أولًا لكتابة تعليق.

تسجيل دخول

دياري sa • 7 سنوات

ادخلي تعلمي الطبخ من أماكن كثيرة
عندك طياخاا ت السناب
عندك جوجل اكتبي اي طبخه وتطلع لك مقادير وطريقه
عندكم عالم حواء طبخ
عندك يو توب
الله يوفقك
اهم شي الرغبه وتسالي الله توفيق

جواهر خالد4281 • 7 سنوات

قوقل واليوتيوب ماخلوا شي كل سي تبينه تلقينه بالتفصيل الممل كلناا كنا مثلك بس ندخل ونشوف ونطبق ياما تسنعنا شوي بعدين حاولوا قد ماتقدرون تبعدون عن المطاعم ماوراها الا البلاوي والامراض وحرام امك وابوك اكيد كبار ولازم تغذيه صحيه وانتي قدها ان شاء الله 👍🏼

الغند❤❤ • 7 سنوات

الحمدلله انا امي علمتني الاساسيات
وكمان تعلمت من السناب والاستقرام وكتب الطبخ
ابحثي وراح تبدعي

جيجي 2 • 7 سنوات

والله تزوجت ما اعرف اسوي شي وللان مو كل شي اعرف اسويه مع الحياه راح تتعلمين وبتمشي امورك لي 11 سنه متزوجه وعلى هذا الحال وصار عندي اطفال والحمدلله اموري ماشيه سوي اي شي مو شرط تتسنعين حتى اللي ماتعرفين تسوينه سويه وجربي الحياه تجارب ومو شرط تكون الواحده سنعه عشان تعيش عيشي حياتك ببساااطه الله يسعدك ويوفقك

صفحة البياض • 7 سنوات

.

.

المواضيع بالمنتدى مدح للبنات اللي على وشك زواج
وسب بالامهات وانهن ماعندهن شخصيه ولا يربن عيالهن وغير اجتماعيات
واضح انه فيه رجال ظالم متحيز لخواته الصغار
ويكره وحده من خواته واتوقع هي مطلقه وعندها عيال