حبيبتي شجره تسكن مدينه...:(

مايخالف عيوني...هدئ نفسك....وارجع اكتبيهم مرره ثانيه....:02:

الله يعينك بس انا متأكده انها تستاهل التعب لأن كلنا نستنااااااااااها

الحمد لله قدر الله وما شاء فعل أنا ألحين أحسن من قهري يا أمواج والله طلعت المغرب عني أمتحان بغيت أدخل في شاحنة كالعادة والله ثلاث مرات أسوي حادث وكل حوادثي بشاحنات يتطنزون علي خواني ويقولون كل واحد ومستواه يوم شفت الشاحنة خفت بس ربك ستر عدت هالمرة لازم أدير بالي المرة الجاية وإلا زوجي بيسحب الإجازة مني الحمدلله
حبيباتي أشكر لكم ردودكم وأنا حيل مستانسة لتواصلكم ولأنكم مستفيدين أحب دائما أعلم الخير ياوجوه الخير :30:
بالنسبة لأمواج حبيبتي سر الأمواج يكمن في أسمك من قريت أسمك عرفت شخصيتك مثال صح أنت مرحه نوعا ما هذا واحد ولمعلوماتك عن نفسك إللي ماتعرفينها أنت تتمتلكين طاقة أيجابية مفيدة لكل شخص يعاني من الطاقة السلبية هذه لمعلوماتك فقط
وعلى فكرة عندي تصور لكل لقب بالمنتدى أقرى فية شخصية صاحبة اللقب من لقبها وهي ما تدري أكتشف شخصيتها:42:
المهم نعود إلى الأمواج البحر :41:
يتعرض الأنسان في يومة الي العديد من المشاكل وضغوط اليومية والإضطرابات خلينا نقول العائلية والزوجات مع أزواجهم والدنيا ماشية ومحد واقف فيصل الأنسان إلي ما يعرف بالإكتئاب بالحزن بالهم بضيقة الخلق هذا بالإضافة إلي الروتين اليومي القاتل :06:
أكتشف العلماء سر موجود في أمواج البحر والبحر نفسة ألا وهو أن البحر يمتلك طاقات أيجابية كبيرة والتي لو زارها الشخص الذي لدية مشكلة أو أزمة وكان عندة طاقة سلبية فالبحر وأمواجة كفيل بإمتصاصها فيبدلها بطاقة أيجابية هادئة تعطي التعبان هدوء صافي وذهن هادي
أشرح بدقة أكثر ينقسم الأشخاص من ناحية الطاقة إلي طاقتين
1- طاقة إيجابية
2- وطاقة سلبية
1))الأشخاص ذو الطاقة الإيجابية هم نلاقيهم المبسوطين الفرحانين إللي عندهم همه عالية وطموح عالي وهذا كلة يا أمواج لمسته فيك فهؤلاء الناس إللي زي أمواج الحلوة يجب على الشخص التقرب منهم أكثر وقت ممكن وأن يكونو حوالية دائما مثال في العمل أحيط نفسي بالناس الإيجابيين أكون أولا أيجابية أعطي في عملي أكثر أنجز في عملي أكثر وأكثر ....ألخ
أتمنى تكونو فاهمين لأني قاعدة أشرح من قلبي والله
2)) الأشخاص ذو الطاقة السلبية فرو منهم كما تفرون من المجذوم لأنهم مرض يمشي على الأرض ووباء قاتل ومميت بس محد حاس فيهم وهم الناس الحزينين المهمومين البأساء إلي في دوام تدخل عليك مالها خلق الدنيا هذي بكبرها وتحب المشاكل هؤلاء الناس فرو منهم نصيحة
# تدورن شنو إللي يصير مع هالنوعين من الأشخاص
تتكون حول الإنسان بما يسمى هالة مثل القمر لمن يكون بدر 14 ويكون مكتمل صح لمن تطالعونه تلاقون دار مدارة مثل الصحن المشع صح قولو صح لأني أسمعكم هاهاها
بالضبط كل أنسان تكون حوله هذة الهالة يسمونها في علم الطاقة( هالة ) يعني هذي الدائرة اللي مثل دائرة القمر ولكن تكتشف وتنشاف عن طريق أجهزة لا ترى بالعين المجردة ولكن الذي يمتلك حس مرهف في هذي العلوم علم الطاقة مثلا يعرف كيف يكتشف طاقات الناس مثل ما ألحين أكتشفتو وش لون تعرفون لأنظمة الناس الذين حولكم
شفتو هذي الهالة لمن يكون شخص قريب منك معناته أنت تدخلين داخل الهالة مالته وهو يدخل الهالة مالتك فيتم التجاذب في الطاقات أن كان الشخص إللي قريب منك حيل حزين فأنت سوف تمتصين من طاقتة الإسلبية إللي مو زينة وتجلسين تفكرين فية وبمشكلتة أما أذا كان طاقتة أيجابية فراح تاخذين من طاقتة الأيجابية الحلوة إللي موجودة أيضا في البحر ولكن الفرق في البحر أن لو شخصا صاحب طاقة سلبية ما يأثر في البحر كبير وطاقتة جبارة وعظيمة ألا لو أجتمع ألف ألفين مليون مليونين على جاني من البحر ويمتلكون طاقة سلبية أهنية راح يأثرون في البحر من طاقتهم السلبية
أتنمى تكونو فاهمين
وأبي طلب بالنسبة لدرس الأول قولو لي تجاربكم وش سويتو مع أقاربكم وهل عرفتو تكتشفون الشخصيات وهل قدرتو تغيورن من شخصياتكم إلي شخصياتهم قولولي كيف كان الأتصال وياهم أحسن وأفضل من السابق أو الكلام ما نفعكم أنا ناوية أخليكم بلابل يا بلابلي الحلوين
وألحين وش رايك ياأمواج بسر الأمواج حلو مش صح
نرجع لموضوعنا الأصلي شرحت لكم قبل الأنظمه الثلاثة وكيف الأستفادة من هذة الأنظمة عن طريق تغير نظامك الحالي ألي نظام الشخص إللي قدامك وهنا ستسهل عملية الأتصال مع هذا الشخص
والله ياحبايبي مو مهم أكون عندي ألسان مشاء الله الكل محد يقدر يراددني الرسول صلى الله علية وسلم كان من صفاته التواضع فتواضع شي جدا حلو والله جلسة في بيتي مع نفسي تسوى الدنيا وما فيها أقرى شوية أتعلم لغة شوية أدرس شوية أروح للمطبخ أطبخ أشوية أدخل على الأنترنت شوية الدنيا تصير حلوة حلوة مو مهم والله أكون راعية ألسان في كل مجلس والله شنو يبون يقولون الناس عليك إلا راعية أللسان والله تشوفوني يا أختكم أنا والله أول ما أدخل المجلس أسلم وأقعد أسمع شي أنسألت فية واله ما قصر أجيب لهم اقصاي وأحب أخدم وأعين وأعاون وشي أعرفة ما أخشة ما ني من إللى طالعين أعرفو خلطة زيت لشعر خشوها اعرفو رجيم الفلاني خشوه أعرفو الطبخة الفلانية خشوها هي الثتنية مع ربعها إللي قبلها المخشوشين ليش أعيش نفسي في هالمرض النفسي والله خرابيط أقعدي مع الحريم وأتحداك تجيبين لي سالفة صاحية ومعلومة سنعة والله غير كتاب الله والكتب ولا شي يسوى في هالدنيا فكري في نفسك وأن تكوني شخصية بارزة في المجتمع في مستقبلك وهذا الكلام للجميع ما أخص فية شي خلي همتك عالية أعلى من أن تفكري كيف تكوني متحدثة في المجلس بشطارة لا يا حبيباتي خليكم أعلى وأرقى من كذا
دائما تعلمو فن التأمل والتفكر في خلق الله وأعظم خلق هو نفسك روحك التي بين جوارحك ولو أشرح لكم أسرار الروح يبي لي صفحات وصفحات ما أخلص
عزيزاتي من كل قلبي تمنياتي لكم بالتوفيق من كل قلبي وما أدري ليش حيل أحسكم قريبين مني بالرغم والله رزنامت التلفون مالتي الخاصة فيها 300 رقم والله من كثر انشغالي عينت لي سكرتيرة ترد على مكالماتي تدرون من سكرتيرتي أختي وعمرها 18 وأمشيلها راتب شهري بصراحة بدأت لعبة وهيا عجبها الوضع بس مرة مرة أنتم حيل داخلين قلبي والله ما أدري أنتم زيي أو لا
بارك الله فيكم وأتمنى نتواصل وأحب أسمع تجاربكم
طبعا ملاحظة جميع المواضيع إللي أكتبها من ذاكرتي وليس من كتب لذى اتمنى أن أنتقالي من موضوع إلي موضوع مو مزعجكم
موضوع إللي أبي أعلمكم أياه ألحين هو لغة العيون بس لغة العيون تحتاج إلي رسم
صبر تذكرت ممكن تساعدوني أنا مثل منتو شايفين عضوة جديدة أبي تعلموني وش لون أحط لي صورة مثل صورتك ياأمواج والشي الثاني علموني وش لون أنزل في أخر المشاركة صورة أفيدونو الله يفيدكم
وشكرا
أستأذن لأن زوجي ينادي
أشوفكم على خير
سلام عليكم ورحمة الله تعالى وبركاتة
===================================
:27:

اللللللللللللللللللللله كل هذا في اسمي:32::32:

والله رووووعه

يابعد عمري ياشجرة تسكن مدينه حمدلله على سلامتك:(

....انتبهي لنفسك..يعني الحمدلله هلمره جت سلامه...المره الجايه انتبهي:02:

بالنسبه للصور...شوفي ياعسل بشرحللك بالتفصيل...

لوضع صور شخصيه((تحت اسمك زي صورتي مثلا:27:)):

اولا:::تروحين لمكتبك الخاص
ثانيا:::تحرير الخيارات
ثالثا :::تلقين خيار في اخر الصفحه مكتوب عنده الصور الخاصه اضغطي على تغيير الصوره

وراح تفتحلك صفحه فيهاااااصور كثيير اختاري الصوره اللي تعجبك..وضللي الدائره اللي جنبها

واضغطي تحت تنفيذ التعديل وخلاص راح تطلعلك صووره:23:

لوضع صوره في الموضوع

اولا::اذا كانت الصوره من الأنترنت تضغطين على الصوره بزر الماوس اليمين راح يطلع لك

مربع اختار منه اخر كلمه اللي هي خصائص((اذا كمبيوترك عربي)) وproperties اذا كان انجليزي...

ثانيا :::راح يطلع لك لما تختارين خصائص بوكس على جنب مكتوب فيه معلومات عن الصوره انتي اختاري اللي مكتوب عنده..address..URL
قدام الكلمه هذي راح يكون مكتوب عنوان انسخيه

طبعا راح تكونين فاتحه صفحة اضافة موضوع جديد او رد في المنتدى...

من ضمن خيارات المنتدى فوق في على شكل برواز صوره اولوحه لو حطيتي الماوس عليه بدون ماتضغطين راح يطلع لك كلمة صوره..

اضغطي عليه...راح يفتحلك مربع فيه فراغ سوي لصق للعنوان اللي نسختيه
وبعدين اوكي راح تطلع لك الصوره في الموضوع لما تعتمدين اضافته...:27:

وبسسسسسسسسسسسسس

اتمنى يكون واضح حبيبتي شجره تسكن مدينه..اذا في اي استفسار انتي بس قوليلي

وتحياتي لك ياقمر

اختك..اموااااااااااااج

شنو قصدك مكتبك الخاص قصدك المستندات
وما قلتي لي رايك بالموضوع علم الطاقة هو شنو ما عجبك
ولا تنسين تستخدمين هذا الشي مع أخوك

حبيبتي شجره تسكن مدينه...

الكلام اللي قلتيه عن علم الطاقه مرره روعه بصراحه معلومات لأول مره اسمع عنها....

وفتحّتي في ذهني ابواب كثيره....

بصراحه ياليت تزيدينا من علمك اللي اعطاك الله...

اموووت في الأشياء هذي...:23:

وياليت اذا عندك اسماء كتب تتكلم عن المواضيع هذي...

علم الطاقه ولغة العيون تلحقيني فيهااا بسرعه....

وبالنسبه للمكتبك الخاص..

مكتبك الخاص | التسجيل | أوقات الصلاة | أفـضل المواضيع | س و ج | المواضيع الجديدة
إجراء بحث | مركز تحميل الصور | ملفك الخاص | مراسلة ادارة المنتديات | خروج من المنتدى

مو هذي العبارات موجوده فوق لما تفتحين صفحة المنتدى....

خلاص انتي اختاري مكتبك الخاص وكمللي اللي قلتلك عليه واذا كان مكتوب عندك المستندات مكان مكتبك الخاص اوكي اجل هي نفسها بس اختلاف مسميّات.....

وبالنسبه للغة العيون متى تنزلينها لأني متشوقه صراحه بس انتي قلتي يبغى للموضوع رسم يعني ترسمين الصور انتي وتنزلينها من جهااازك..


شوفي حبيبتي في طريقتك طريقة تحميل من الجهاز على منتدى عالم حواء مباشره وهذي ما اعرفها والله اتمنى اي وحده من البنات تعرفها تسااااعدنا...

وفي طريقه ثانيه انك تنزلين الصور من جهازك على موقع تحميل صور..

وهذا الموقع احسن واحد...

www.jeeran.com

سجلي فيه ونزلي الصور اللي تبغين...

وبالطريقه هذي يصير للصوره عنوان او وصله وتسوين نفس طريقة انزالها من الأنترنت اللي شرحتها قبل...

يابنات اتمنى اللي تعرف طريقة تحميل الصور من الجهاز على عالم حواء مباشره ماتبخل علينا وتشرح الموضوع...

استنى لغة العيون...

اختك...امواااااج