كيف اضبط شغالتي ؟؟والله ذبحتني!

اهلين بنات ...
انا طبعا مالي الا الله ثم انتوا...واحترت في مشكلتي هذه وقلت مالي الا صديقاتي بنات حواء هم اللي ممكن يفيدوني !
شوفوا ..
السالفه ومافيها ان عندي شغاله كسووووووووووووووووووووله اندونيسيه ....
يعني بكل المقاييس كسووووووله وانتهازيه ...
لكني كنت صابره عليها(لها سنه و8 شهور عندي)وانا واثقه فيها ثقه عمياء...
الى ان اكتشفت ضياع اشياء كثيره مني + تصرفات تخليني اسحب ثقتي منها تماما ..
عموما ...
هي من النوع اللي تصرخين عليها او تموتين ان شا الله ولا همها ...ماترد وترجع تسوي اللي في راسها...
بقول لكم السالفه الحين اللي صارت وابيكم تدلوني وش الطريقه االصح للتعامل معها ؟؟:09:
انا قايله لها اجهزه البيت مااااااااالها شغل فيها انا بس الللي استعملها(اقصد الاجهزه حقت المطبخ والطبخ)
وايضا من ضمنها الغساله حقت الملابس...
انا كنت اعطيها فقط القطع اللي على اليد ...
اللي صار اني كنت اغسل ملابس بيضاء ...وفجأه القى فيها ملابس ملونه:eek:
ناديتتها وتقول لي انا اللي حطيتها:(
قلت وشلون تحطينها لاعااااااد اشوفك تحطين شي في الغساله !
هذه اول مره...
ثاني مره ...
جيت اشيك على الملابس ...والقاها نفس الشي قاطه مع الملابس ملابس بنتي الملونه المشكوكه اللي لازم تنغسل على اليد ولا تخرب!
واهاوشها هالمره اكثررررر واهزئها ...
وقلت بس الحين بتتوب ولا تعيدها ....
امس نزلت للغساله وجيت اشيك كالعاده....ولا هي قاطه ملابس ملونه بعد:eek: ؟؟؟
شرايكم ؟؟؟
قمت ناديتها وهزأتها وهي بكل برود تطالعني ...
قلت لها اذا انت ماتفهمين من الكلام انا اللي بوريك...
بخصم منك 50 ريال عشان تتادبين مره ثانيه وتسمعين الكلام ...
هنا حسيتها انقهرت ...
قامت قالت اذا انت خصمت ماراح اشتغل ...مالك حق تخصمين مدام ان الملابس ماخربت!
تخيلوا؟؟؟
انا قلت لها عنك مااشتغلت هي قطعتين بس اللي تغسلينهم على اليد ..وياليتك تغسلينهم ...هذا انت ترمينهم في الغساله!
مخصوم منك عشان ماسمعت الكلام:(
طبعا مااوصف لكم التوتر اللي جاني ...
حسيت ان كلامي ماله قيمه عندها ...ولاهمها اصرخ ولالا ..مع اني في حياتي مااصرخ على شغاله ..
ماتتصورون شلون مدلعتها انا واشتري لها ثياب واطلعها مطاعم ...
ولا اكل شي من مطعم الا واعطيها منه ...
واعطيها عيديه ...واكرمها ...
لكت ماااااااااااااااش مافي فايده فيهم فعلا ...
الحين ..
شلون انفذ تهديدي ؟؟
انا كنت ناويه اخصم منها ولما تروح اعطيها اياه ...(باقي لها 4 شهور وتفكنا)
بس خايفه تنتقم من بنتي ...دايم اتذكر البنت اللي حرقتها الشغاله !
فكرت اجمع رواتبها الباقيه مره واحده لها على اساس تخاف ...بس خايفه تحتج وتصير سالفه ...
ماادري وش الحل اللي يضبطها ويخوفها؟
انا جربتها مايقهرها الا الفلوس....
والله مت منها الله ياخذها ...ودي تروح اليوم قبل بكرا ...بس زوجي مو راضي ...
يقول نحتاجها ...اخصمي منها ولا تقدر تسوي شي ...
وانتوا عارفين انهم حقودين ممكن يسوون فيني او ببنتي شي ...........
شسوي ؟؟:(