كيف اضمن حقي في الميراث؟؟؟

السلام عليكم ورحمة الله وبركاته
لو سمحتو يا بنات حواء افيدوني ولو وحدة فيكم عندها احد يقرب لها محامي تساعدني .... انا اجنبية و زوجي اجنبي لكن ام زوجي سعودية ... القصة ومافيها ان زوجي عنده املاك وطبعا بحكم انه اجنبي كتب كل الاملاك باسم امه .... المشكلة انه جتني وحدة من خوات زوجي وقالت لي انه انفتح موضوع املاك اخوي وكذا وانه امها قالت لو صار في ولدها شي ما راح تعطيني انا وعيالي ولا قرش 😠وانها امه وهي اولى بالفلوس ونحن ما لنا اي حق فيه وكانو بناتها يقولو لها حرام ما يجوز قالت عادي تروح عند اهلها يصرفو عليها وكل شي باسمي ما راح تقدر تاخذ مني شي قدام الحكومة الاملاك كلها حقي .... طبعا عمتي ما تقول الكلام ذا قدام زوجي .. لا قدامه تبين انها ما راح تظلمنا وهذا حق زوجتك وحق عيالك وانها مستحيل تغدر فينا لانه حرام وزوجي مصدق...وطبعا اخت زوجي لما نقلت لي الكلام قالت لي انتبهي تقولين لاخوي وتورطيني في مشاكل انا بس حبيت ابرئ ذمتي وعشان تشوفي لك حل لكن لا تدخليني في مشاكل وانا طبعا حلفت لها اني ما راح اقول لزوجي ولا راح اتكلم وشكرتها انها قالت لي ... دحين انا محتارة ماني عارفة في حل او لا😟...