كيف اطبخ لبيتن والاذواق مختلفين ؟؟ والكميه صغيرة

السلام عليكم ..

خواتي ممكن تساعدوني بموضوع ...

ان شاء الله .. برمضان هذا قررت اكسب اجر بام زوجي .. ساكنة بروحها وما عندها خادمة ...

وقررت اسوي لها كل يوم فطور وارسل لهااا ...

لكن عندي مشكلتين صغار ..

هي صعب ذوقها بالاكل ..وانا عندي طفل صغير وتحت رجلي بالمطبخ ع طول وماعندي مساعدة

يعني تحب الحلويااات : لكن ما تحبه بالكاكاو ابدااا ... وزوجي العكس .. وما اقدر اسوي طبقين من كل نوع في وقت واحد .. كيف اوزان .. بكميات صغيرة ؟؟ هناا المشكلة

بالنسبة للطبيخ .. هي تكره الدجاج وزوجي ما يبغي غير دجاج ؟؟ كيف اوازن بين الاثنين مااعرف ؟؟ ومااقدر اطبخ طبختين


بالنسبة للشوربة .. والسلطة . امرهاا بسيط .. بسوي نوع واحد لنا ولهااا ..

بس مشكلتي الطبق الرىيسي والحلو ضروري بعايلتهم

ملاحظة .. موضوعي مش شكوى .. لكن محتاجه انظم بين البيتين ..

علما بانها صاحبة ضغط وسكر وما تقدر تطبخ لنفسهااا

وغالبا تاكل اكل بايت وما عندها خادمة .. وهي ارملة

نظموا معاي افكاري جزاكم الله خير وخذوا معاي الاجر

علما باني ما اطبخ كثير لبيتي ...

دايمااا ..
سلطة منوعه كل مرة شكل
نوع حلو
شوربة
ثريد
نوع مقبلات ( سمبوسة او فطاير او .كبب . )
وكمياتي صغيرة ...

مثلا خمس سمبوسة .. او 6 كبة او 8 فطاير .. لان انا رجيم دايم ..
وزوجي وطفلي اكلهم قليل ..

في انتظاركم