@جالكسي@ :

إذاكان طابعتك عاديه بمعنى حقت الورق العادي ماتقدرين تطبعين على الكرت مباشره هذي الحركه تقدرين تسوينها بس لو عندك طابعة 120 غرام والطابعات العاديه حقتنا 80غرام يعني ماتطبع كروت أفضل شي سوي إللي قلت لك أو بالملصقات أفضل الله يعينكم

إذاكان طابعتك عاديه بمعنى حقت الورق العادي ماتقدرين تطبعين على الكرت مباشره هذي الحركه...

neesah :

شوفي يا ستي ... تفتحي الوورد > تروحي على ملف > إعداد الصفحة > الورق > وتكتبي عرض وطول الظرف أو الكرت > موافق حتتحول الصفحة إلى مقاس الظرف ... تمام؟ بعدين جيبي ورقة عادية وقصيها على مقاس الظرف ودخليها الطابعة بعدين أكتبي الكلام اللي تبغي تكتبيه في صفحة الوورد ووسطيها وظبطيها وأطبعيها على الورقة ..... وأي شي تكتشفيه غلط عالورقة زي مثلاً مكان الكلام أو حجمه ظبطيه ... إلييين ما كل شي يسير تمام معاكي قومي حطي الظرف اللي تبغي تطبعي عليه وأطبعي ... والغرض من دي الحركة انك ما تخسري الظروف أو الكروت عالفاضي ... أنا سويتها في فرحي وكانت تمام .. إن شاء الله تمشي معاكي اوكي ومبروك مقدما...

شوفي يا ستي ... تفتحي الوورد > تروحي على ملف > إعداد الصفحة > الورق > وتكتبي عرض...

الأسمريه المهاجره :

neesah :

لمن الورق يكون حجمه أصغر من A4 لازم تدخليه مكان الورق بس مو توسطيه ... لا .... خليه على اليمين وتدفيه على جوا شوية عشان الطابعة تلحق تسحبه يعني اتخيلي انه يدها قصيرة ولازم تساعديها انها توصله ... وبعدين في حاجة زي المسطرة على اليسار تدفيها الين حد الورقة .... عشان الورقة لا تميل لمن تنسحب ... تاني شي ... لمن الورق يعلق جوا معناته الطابعة علقت .... أسحبي الورقة يدويا بيدك وخرجيها بشويش وانتبهي لا تنقطع... وساعات الطابعة نفسها لمن تقفليها وتفتحيها تخرج الورق العالق وأعيدي تشغيل الجهاز والطابعة ... وأرجعي أعملي أمر طباعة من جديد.. بس في عندي سؤال ... انتي تبغي تطبعي على الكرت نفسه ولا الظرف تبع الكرت .... لأنه إذا الكرت ورق مقوى متين جدا ما تقدر الطابعة تلفه ممكن يتلف ويعلق ... يفضل انه يكون ورق ظروف أو كروت خفيفة قابلة للطي ... يعني امسكي الكرت وحاول تلفيه بيدك زي ورق العنب بس بلفة بسيطة ... إذا لاقية صعوبة في الموضوع فمعناته ما ينفع في الطابعة يارب يظبط معاكي المرة دي... وبرضو لو حستي اسأليني الين ما نسويها سوا ..

لمن الورق يكون حجمه أصغر من A4 لازم تدخليه مكان الورق بس مو توسطيه ... لا .... خليه على اليمين...