كيف اطلب من محلات

سمعت قصر الأواني يوصل

المفروض طالبه من بدري دام تبينها لرمضان
المحلات تتاخر ماراح تحصلين توصيل قبل اسبوعين
بس انتظري مرسول يفتح واطلبي منهم يجيبون لك من السوبر ماركت او انتي روحي الصباح او الظهر

وعليكم السلام ورحمة الله وبركاته
اذا مو محتاجه ضروري ما انصحك تطلبين خاصة اذا الشحن عن طريق سمسا

ادخلي تويتر وشوفي اغلب الناس تشتكي شحنات لها فوق الشهر ماوصلت
وانا مثلهم لي 16 يوم انتظر ثم ارسلو مسج ان الشحنه في مكتب سمسا بمنطقه بعيده عني ويطلبون اننا نروح نستلمه
مع ان الطلب من المتجر يشمل الشحن والتوصيل الى البيت
وحالياً حظر تجول مستحيل احد فينا يروح ويجازف ضد قوانين الدوله
وفي ناس بتويتر كاتبين انهم راحو الى الفرع ولقوه مقفل
وناس كاتبين لهم في تتبع الشحنه تم الاتصال والجوال مغلق او لم يتم الرد وهم يحلفون محد اتصل عليهم ويحاولون يتواصلون مع سمسا ومحد يرد عليهم
عشان كذا ابداً ما انصحك تجازفين احفظي فلوسك وانتظري الازمه تعدي على خير
شركات الشحن مضغوطه والمتاجر بعضهم وقفوا الطلبات لان العملاء يشتكون ويشوهون سمعتهم بسبب شركات الشحن اللي ماتوصل الطلبات ومدري وش السبب

الله يجـزاكم خيـر كل اللي رد اجل بنتظر يفتح مرسول
واطلب لانـي محتاجتها لطبخ في رمضان ان شاءالله

ليه تنتظري مرسول
من وين حيجبلك اذا كنتي بمدينة فيها حظر ٢٤ ساعة
كل محلات الاواني مقفلة يعني انتظارك ماله داعي
ماعندك الا السوبر ماركت
روحي اشتري منهم
روحي وخوذي من عندهم