كيف اطلع الهواء من بطن ولدي..هلكني من الحرارة

السلام عليكم

كيفكم بنات

والله إني في حالة عصيبة من يوم الثلاثاء ..ولدي تعب ..وحرارته بدأت ترتفع عطيتها شراب وتحسن
جاء يوم الآربعاء وكل مالها تزيد وتتأخر في النزول ..وديناه لدكتور..دقه إبرة وعطانا تحميلات ومضاد ..وكانت التحميلات ضعيفة مار ضت حرارته تنزل إلا لما عطيته فولتارين ..بس المشكلة بعد 4أو 5 ساعات ترجع ترتفع ..وديته الصباح لدكتور قال عنده التهاب شديد بالحلق غير المضاد لأقوى وكتب له إبرة مع التحاميل..وقال بكرة برضو تدقونه الثانية
..رجع يتعب بالليل كلمنا الدكتور قال روحوا الحين أعطوه الابرة ..وأنا طول الوقت شغالة كمادات والحرارة ماتنزل ..وأناوب بين التحاميل والأدول ..بس الأدول ما يحرك فيها ساكن لأنها توصل إلى أربعين وـبدأ أطرافه تبرد ..
أضطريت أعطيه التحاميل كل 6 ساعات مع أنه لسا ما كمل سنة ..قلت يمكن فيه ألم بالعضلات ( مصع) .وديته لوحدة دهنته ..خف شوي بعدين رجعت ترتفع وتوصل ل40 مع التحاميل والأدول وكمادات الخل ..وشراب مغطسة بالخل و..وفقس ...ومسحة طبية ..وبالغصب تنزل..وديته ل4 دكاترة ويقولون أقصى حد للتحاميل 4مرات مع أن المفروض مرتين أو ثلاث ؟؟؟وكنت كل مرة أسألهم أحس أن فيه زي الهواء أو الغازات واضحة مرة أحس فيها من بطنه ..وحتى لما أقلبه على بطنه أحس فيها من ظهره ويقولون عشان الافرازات اللي في صدره ... قلت يمكن هواء بارد داخل جسمه ..دهنته أكثر من مرة بزيت زيتون وزنجبيل .. بس أحسه باقي له صوت .... وأحسه هو سبب الحرارة ..

عطوني طريقة عشان أطلعه من جسمه الله يوفقكم أحس أني تعبت وتعبناه من كثر الأبر مسكين ..علما بأنه مو راضي يشرب يانسون ..إلا بالأبرةحقت الدواء أحاول أجبره عليه