كيف اطهر قلبي من السواد والكره

السلام عليكم
فيه ناس عايشين عندي بنفس العماره ومنكدين علي حياتي لاصعب مما تتصورون يسرقون اغراضي ويتمصخرون علي وعلى عيالي ويعلمونهم فنون السرقه وقلة الادب ويشوفوني ماافهم شي وهم العلماء مع اني معلمه لس ٢٠ سنه ومحترمه واسلوبي غيررررهم مره يسببون لي فوضى في بيتي ووقت راحتي واذا غلط بكلمه واحد من عيالي انقلبو كلهم أحفاد بن باز
هم مثل الحيه اللي تقرص وماتدرين وين قرصتها
وابوهم طبعا هو الرئيس ورب البيت اللي ماخذين من هالحركات
يخربون ويكسرون ويضحكون اذا عصبت... زمزميات ب٢٨٠ تكسرن ليه تعصبين السوق مليان
طقم اكواب حليب مرميات بالحوش ابوخمسه مليان
جوال ولدك الجديد انسرق ليه تزعلين روحي اشتري له
ليه تعلمين ابونا عن بنتنا اللي تسوي حركات وسخه وتتلفظ على الشغاله وتخلينه يهدد بنتنا بالضرب... خليهم يضربونها بعد تستاهل هذي شغاله مالها امان..
طفشو ٤ شغالات مني حسد اي شغالع تجي يبهذلونها انتي خربان انتي مافيه كويس لما تطق وتهج
واشياء كثيرر. ه مره
لما صار قلبي اسود اسود عليهم كرهتهم مره مره وصرت افضفض لاخواتي فعايلهم وادعي عليهم هم وابوهم ليل نهار لما حسيت قلبي غل وحقد عليهم بعد ماكان ابيض وطيب عليهم
صرت كني اسد مدري نمر بس هجوميه وصوتي عالي ونفسيه تروع بس اهاوش وصوتي يوصل للشارع من الاعصاب
تخيلو تعطين تعطين بالنهايه تكتشفين انك عايشه مع عائله نشاله همج ويزعلون اذا حاسبتيهم على خطاهم
ابي اطهر قلبي من هالكره والسواد اللي فيه
ابي اصير هاديه زي اول وطيبه
ابي الصداع يخف لاني لخاف انجلط من ناس مايستاهلون
مافي حل اني اقفل بابي لان ابوهم بكبره محد يقواه وهو اللي امر بابي مفتوح وحتى لو سكرته تجيك سرقه ماحسبتي حسابها اقفل من هنا يطلعون لي من هنا
هل اواصل احاربهم عن بيتي والا اموت اعصابي واتركهم ياخذون راحتهم عشان مايجيني شي